الموضوع: تقييمي لالنترا بعد 1300 كم .. و أول زيارة لغبور

المشاركة الأصلية كتبت بواسطة pharonicking

مبروك العربية
انت متناقض فى كلامك
انت قلت الاول مفيش اى مشكلة فى العربية
وبعدين عديت 6مشاكل للعربية طب ازاى؟
وطبعا فيه فرق بين اليابانى والكورى دى حاجة مش محتاجة نقاش والناس اللى بتركب عربيات عارفة الفرق دة"

فين حضرتك ال 6 مشاكل دول ؟!!!!!!!مفيش غير مشكلة واحدة بس قولتها و هي صوت الغيارات و اظن ديه مش مشكلة لانه صوت ما بيأثرش على الاداء و في التوكيل بيقولولي عادي بس انا عايز اشوف لو فيه حل احسنانما بقية النقط فهي استفسارات ليا مش مشاكل في العربية .. و الخبطة اللي في العربية مش عيب من العربية ده عيب مني انا و انا المسئول عن الخبطة مش الشركةو لو فيه حاجة تانية كتبتها زي الصدأ فده سوء استخدام مني نتيجة غسيل العربية بطريقة غير صحيحةمعرفش حضرتك جبت الكلام ده منين و فين الست مشاكل دول !!!!!!!!!!!!!!!!و برضه بقول مفيش فرق بين الياباني و الكوري و الدليل تفوق النترا على اي عربية في فئتها و اتأكدت من كده بعد ما جربت لانسر اللي لا تقارن بالنترا في اي شيئعموما عشان الموضوع ما ياخدش مسار تاني ياريت نكتفي بمناقشة الاستفسارات عشان ما يحصلش صدام بين الالنتراوية و اللانسراوية و اكون انا السبب فيه انا كل اللي قولته وجهة نظر ليا انا حر فيها نتيجة تجربة للعربيتين بجد فرق السماء من الارض

المشاركة الأصلية كتبت بواسطة haitham10

ياباشا انت مش بتكدب بس اكيد جربت عربية فيها مشاكل
طب انا جربت 2008 واديتك رأيي لما حرقت بيها 10 الاف كيلو في شهرين مشاوير ودة قصدي ومش من حبي فيها لكن من الصراحة قلت الحق لان الي يشوف مشاركتك يحس انك بتتكلم عن فيات 128 موديل 60
وزي ماحضرتك كاتب اختلاف الرأي لا يفسد للود قضية

اولا بس فيه معلومة خطأ بس ان العربية موديل 2006 مش 2007 بس كانت مشرية في اخر 2006ثانيا و الله ده اللي حصل معايا يا جميل .. دايما بسوق النترا عادي جدا فجه خالي قاللي جرب لانسر عشان تشوف الفرق بين الياباني و الكوري .. و فعلا حبيت الفكرة و جربت العربية و بجد ما كنتش حاسس ان انا راكب عربية حديثة اصلا بداية من شكل التابلوه و العدادات و شكل الابواب و صوتها لما تيجي تقفلها و صوت العربية و هزتها لحظة التشغيل و بعدين سوء التسارع و سوء الباور .. بجد كانت اكتر حاجة مضايقاني الدركسيون الي بيتحرك اصعب بكتير من النترا.. حتى لما جيت اقفل العربية و بطلع المفتاح من الكونتاكت ما كانش راضي يفتح الا لما قعدت اهزه شوية و اضغط لجوة جامد لحد ما طلع رغم ان خالي محافظ على العربية جامد جدا و بيخاف عليهامعرفش بقى ده عيب في العربية ديه بس و لا ايه بس فعلا انا بقى عندي انطباع سيئ جدا عن لانسر و حمدت ربنا اني ما اشتريتهاشياريت حضرتك بقى تساعدني في الاستفسارات لان الموضوع خد مسار تاني

يا جماعة مفيش حد خالص عارف يساعدني في استفساراتي ؟اظن انا بستفسر عن حاجات بسيطة اوي مش معقدة للدرجة ديهاتمنى المساعدة لان عشمي فيكوا كبير اوي

هو ده الكلام المظبوط
هم دول الناس اللي بتفهم
الادلة بتأكد كلامي ان مفيش فرق بين الياباني و الكوري
و كمان النترا تاخد احسن عربية في فئتها حاجة بجد ممتازة
انا لو رجع بيا الزمن 1000 مرة هختار النترا
بجد يا النترا يا بلاش و لا تقوللي لانسر و لا غيرها

حتى لما جيت اقفل العربية و بطلع المفتاح من الكونتاكت ما كانش راضي يفتح الا لما قعدت اهزه شوية و اضغط لجوة جامد لحد ما طلع رغم ان خالي محافظ على العربية جامد جدا

في اللانسر لازم تضغط المفتاح لجوة و بعدين تلفه و تطلعه
ما عرفش ايه فايدة الحركة دي بصراحة ؟ مالهاش لازمة