ياجماعه صدقونى كلهم حرميه ونصبين انا اخر مره واحد صعب عليا كان محترم اوى وماسك عصايه الى هى زى بتاعت الى عندهم شلل اطفال دى وكان رمضان الى فات ده اديتلو ودخلت المول خرجت على الساعه 12.30 كده لقيته وانا ماشى بالعربيه فى اخر الشارع وماشى عادى جدا من غير عصايه ولا حاجه وصحته زى الفل من يومها بطلت اعمل كده وعلى فكرا فيه حرفه جديده اكتشفتها امبارح للنصب واحد يجيلك يقولك اصل انا مش من هنا وفلوسى ضاعت والمحفظه وقعت والحوارات دى وعاوز 15 جنيه على شان اروح وافلام كل ده كذب ياجماعه احسن حاجه عندكم دار ايتام او جمعيه زى رساله والحاجات دى ادولها دول فعلان محتاجين وبعدين اى حد مره يروح دار ايتام وشوف الى فيها عاملين ازاى والله شباب زى الفل وزى القمر ومحتاجين انما بتوع الشوارع دول نصابين والله بيلمو مش اقل من 300 جنيه فى اليوم من الى بيعملوه ده وبعدين لو هما محتاجين فى وزاره التضامن الاجتماعى والله بعد ما بيعملو ليهم كشف حاله بيدولهم مبلغ شهرى كل شهر وبعدين الى محتاج بيشتغل مش بيشحت انا عندى فى العماره والله شاب زى الفل وخريج تجاره وشغال فى الامن بتاع العماره مش بيبيع منديل وغير كل ده وده صدقونى كلهم حرميه والواحد حرم يتعامل معاهم انا مش بتكلم على انى لما ادى لواحد هو محتاج او مش محتاج انى اديله وهاخد الحسنات لا انا بتكلم انى ممكن اديها فعلان لناس محتاجه وهاخد الحسنات برده وبعدين فيه ناس بتكون عاوز تكمل تعليم ومش لقيه بينزلو يشتغلو فى شركات الامن والنظافه والحاجات دى ممكن الواحد يساعدهم زى ما احنا عملنا مع الشاب بتاع الامن ده ولسه بندور ليه على شوغل كمان الناس دى هتلقيها موجوده فى كل مكان هتلاقيهم فى بيتك هتلاقيهم فى اسرتك حتى لو من بعيد هتلاقيهم فى شوغلك المهم هتلاقى وهما دول الى فعلان محتاجين بس هما مش بيقوله انهم محتاجين على شان هما اشتغلو على شان ميقولوش لحد هات فلوس دى الفكره احذرو من التعامل مع الشحاتين بتوع الشوارع فعلان اغلبهم حرميه وان مكنش كلهم.
شكرا
المفضلات