الموضوع: كل لما اشوف اعلان فلم ابراهيم الابيض اتنرفز

طبعا انتا عندك حق ان كل الافلام دي هلس و هجص

زى مايكون احنا عايشين فى غابة

بس احنا فعلا عايشين في غابة

المشاركة الأصلية كتبت بواسطة أحمد سالم

المره دى هو بيشجع المطواه والسنجه زى مايكون احنا عايشين فى غابة
عايز اقوله ان الافلام دى بيشوفها العالم كله وبيحكم على مجتمعنا من خلال افلامنا

راى حضرتك ليه كل التقدير
بس للاسف هو دا الواقع المرير اللى احنا عايشينه و فى ناس بتعمل يمكن اللى اسوء من كدا بس مبيوصلناش وبيتكتم عليه
واعتقد ان نوعيه الافلام دى يمكن تصحى ناس نايمه فى وهم ان احنا دوله الناس فيها ملايكه
و الافلام دى برضه افضل من الافلام الخليعه اللى بيعملها ممثلين تانيين لا كلام لها غير اجتذاب الشهوات

فعلا هو لم فلوس وخلاص وحكايه بيناقش قضيه وبيتعرض لمشكله وبيفتح ملف والكلام دا كله فاااااكس .. انا بتكلم فالعموم واحب اذكر مثال ( خالد يوسف).. لانى بشوفه هو اللى هايخرب السينيما المصريه دا لو مكانتش خربت فعلا
بس مش السقا اللى بيفرض نفسه ولا حاجه هو للاسف المخرجين بقت بتلاقى احسن توظيف لاحمد هو الاكشن لان لو تفتكرو احمد عمل زمان كوميدى ورومانسى وتراجيدى لكن فالاخر اكثررررررررررررر من الاكشن لان دا اللى واكل مع الناس

يا أبو حميد..قلبك أبيض..هو السقا بس؟
مع إني أصلا مش من معجبينه وبصراحة وبدون زعل مش باستلطفه..
بس برضه الحق يقال..
مش الراجل لوحده...دي هوجة بعيد عنك في السينيما
أنا باتفرج على الإعلانات وباحس إن مصر داخلة بطولة العالم في البلطجة والإنحدار فبيحضروا لها
دكان شحاتة وقمة السفالة وقلة الأدب وبتبين لك مصر عبارة عن دولة كلها عشوائيات وعصابات وألفاظ تانية مايصحش أقولها
الفرح..أحلى تحية لقمة السفالة
وإبراهيم الأبيض اللي يومه أسود
الأفلام كلها تحس إنها كانت فيلم واحد وكل مخرج خد حتة!
خناقات ومطاوي وإغتصاب وسفالة ودم ودبح ونيلة!
خلاص هي دي مصر؟
ومع إحترامي لكل الناس اللي هتعترض لأ مش دي مصر
دة اللي بعض الناس نفسهم وهيموتوا ويخلوا مصر كدة فعلا!بس بعينهم
والله على قد ما أنا مخنوق من البلد واللي بيحصل فيها إلا برضه إنها ماوصلتش للقذارة دي ولا هتوصل طول ما فيها مدنى بينادى فيه إسم الله الأكبر من كل شيء
وطول ما في ناس بتراعي ضميرها في شغلها
طول ما في ناس بتخاف ربنا
وطول ما في ناس بتقول لأ!
والله العظيم بلدنا حلوة وزي ماقلت قبل كدة..عاملة زي البحر اللي بتغرق فيه سفينة بترول
تبص على الوش ماتشوفش إلا زفت
إنما تحتيه خيرات ربنا
طولت عليكم ودخلت في مواضيع غريبة بس قلت أفضفض شوية قبل ما أنام..سامحوني
تصبحوا على خير..
السلام عليكم

[all1=#120aff]إعلام موجه[/all1]
بث الرذيلة والفحش والفجور والبلطجة .
عرض أسوء نماذج البشر وأسوء القصص بدون وضع أي حلول لما يدّعوا بوجودة في نسيج المجتمع المصري
وعلى الأخص أفلام المدعو خالد يوسف .
أعتقد فيلم الفرح له مضمون وبيعرض قصة واقعية ووضع لها نهايتان ولك أن تختار .