الموضوع: التعليم العربى ولا اللغات

لو على اللغات كورس لغة فى أى مكان محترم و عمر ما هيبقى بتمن 4 سنين فى مدرسة لغات و بتبقى تمام و معتمد
مثلا الثانوى محدش بيروح المدرسة أنا عن نفسى مكنتش بروح و كان زمايلى الى بيروحوا مقضينها على السور انا كنت بحضر الطابور و بمشى و سعات بتفرج عليه من برا فلزمتها إيه مصاريف زيادة على الفاضى و بردوا هاخد دروس فى كل المواد
الإبتدائى دا الى بيبقى مهم يكون فى مدرسة كويسة لأنه التأسيس الى بيكمل معاك
الإعدادى غالبا بردوا بيتقضى دروس لو مش هتقضيها دروس خليك مدرسة بتهتم بالحضور و المدرسين بيعلموا حاجة فعلا مش مابيدكش أعمال السنة عشان ما بتاخدش عنده درس
فى المجمل مدارس الحكومة فى الثانوى هى الحل التمام
فى الإبتدائى و الإعدادى ممكن
اللغات ما بتفرقش كتير قوى لو هتدخل جامة مصرية لأن كله بيبقى زى بعضه
الموضوع دا و الكلام دا فكرنى بأيام الثانوى فى مدرسة المساعى الثانوية العسكرية بنين "مدرسة الرئيس و كتير من مشاهير البلد" و الوقفة على السور و القعدة فى محلات النت لحين إنتهاء اليوم الدراسى و الى على فكرة بيخلص الساعة 11 و بابا كان بيزعق لما بتأخر عن 10:30

المشاركة الأصلية كتبت بواسطة bob2009

ياجماعه انتم عاوزين تقوله ان خريج عين شمس والجامعات الحكوميه افضل من خريج الامريكيه ولا الالمانيه ازاى يعنى اصلا مينفعش نقول ان الجامعات الحكوميه افضل منهم نهائى ومين قال ان الجامعات دى فيها تظبيط والكلام ده الكلام بتاع التظبيط ده فى المعاهد والحاجات الى هى من 800 الى 7000 فى السنه لعدم ذكر اسماء والخلاصه الخريج بتاع الامريكيه ولا بتاع الالمانيه طبعا يمسح الحكومه
الحكومه اصلا تعليم فاشل وبعدين مهندسين ايه الى بيشتغلو فى احسن مكان دول لو حد منهم سافر دبى يشتغل هناك عامل مع احترامى للناس ومحدش يزعل ولازم نقول الحقيقه اما عن موضوع اللغات هيتلغى لا انا ممكن اقول لحضرتك الامريكان دبلوم هو الى مش هيكون عليه اقبال بعد النظام الجديد للجامعات الكلام ده كله هيتلغى الفكره فى الاميركان ان المواد بتعته سهله وفيه 6 محاولات لتحسين المجموع ونظام طويل كده بس الى بيدخله بيدخله على شان يهرب من تخلف الثانويه العامه وبعدين هو مش رخيص ده بى 25 الف فى السنه غير الكورسات بتعته فيلم انا اخويا الصغير لسه مخلص 3 اعدادى السنه دى ودخل الامتحان ونجح الحمد لله والدراسه فيه تبداء من 1-8
بس فى الاخر التعليم الحكومى ده اى كلام وملوش اى لزمه وانا واحد من خريجى التعليم الحكومى فاشل فاشل وعلى شان تشتغل منه فى شركه محترمه عاوز كوسه كبيره اوى غير كده تشتغل فى قطاع خاص اى حاجه ده لو عرفت تشتغل
واسف على الكلام ده بس دى حقيقه لازم تقال وفعلان معاك جنيه تسوى جنيه
شكرا

المشاركة الأصلية كتبت بواسطة dr_click

أنا شايف إن اللي عايز يتعلم بيتعلم سواء في جامعة خاصة أو حكومي، وبالنسبة للجامعات الخاصة مفيش فيهم جامعة فعلا محترمة غير الجامعة الامريكية ودا عن معرفة شخصية لخريجين وأعضاء هيئة تدريس
ومكن أقول مثل عن الدفعة بتاعتي وكانت كلية هندسة جامعة اسكندرية ٢٠٠٠ وكنا ٦٠ و أقل من ١٠ دلوقتي لسة في مصر والباقي في europe، us، canada or the gulf وعلى فكرة نسبة كبيرة جداً كانت من مدارس حكومي
بالنسبة ل-hr في مصر فهما إما عايشين في عالم تاني بقواعد غير الدنيا كلها أو معندوهمش أصلا سلطة تعيين ودا بردو عن تجربة
أهم حاجة إن نبص للتعليم كتعليم ومش hr هي اللي تحدد مستقبل اولادنا، وعلى العموم الارزاق دي بايد ربنا

عامل ايه بس و بتاع ايه , هدى نفسك بس و اشرب كوباية ينسون كدة و اسمع , الراجل رد عليك الرد الصحيح , لا يتفوق على الجامعات المصرية الحكومية غير الامريكية و بفارق شاسع , مفيش جدال فى كدة , الالمانية يعنى , و الاكاديمية البحرية من بعيد بتحاول , غير كدة مفيش بمعنى مفيش , انا شوفت فى كل حتة و اعرف اعضاء هيئة تدريس فى كل حتة و عارف , أما بالنسبة للغة فلا خلاف عليها اطلاقا مطلقا , بالمناسبة عيلتى كلها الحمد لله مهندسين من جامعات حكومية و شغالين فى الخليج و مديرين شركات الحمد لله مش عمال ....

المشاركة الأصلية كتبت بواسطة mekawybeeh

عامل ايه بس و بتاع ايه , هدى نفسك بس و اشرب كوباية ينسون كدة و اسمع , الراجل رد عليك الرد الصحيح , لا يتفوق على الجامعات المصرية الحكومية غير الامريكية و بفارق شاسع , مفيش جدال فى كدة , الالمانية يعنى , و الاكاديمية البحرية من بعيد بتحاول , غير كدة مفيش بمعنى مفيش , انا شوفت فى كل حتة و اعرف اعضاء هيئة تدريس فى كل حتة و عارف , أما بالنسبة للغة فلا خلاف عليها اطلاقا مطلقا , بالمناسبة عيلتى كلها الحمد لله مهندسين من جامعات حكومية و شغالين فى الخليج و مديرين شركات الحمد لله مش عمال ....

اولا شكرا على النصيحه بتاعت الينسون!!!!

ثانيا انا هادى الحمد لله بس انا بتكلم عن ناس برده اعرفهم وخرجين هندسه عماره عين شمس كمان مش القاهره والكل هنا عارف يعنى ايه عين شمس وغيرهم خريجى هندسه ميكانيكا وبرده عين شمس كلام جميل لكده وعلى فكرا هما منهم الخريج الى من 5 سنوات ومنهم خريج 2007 ومشاء الله عليهم واحد حاول يشتغل فى شركه فى دبى كان هيشتغل عامل راح صعب عليه نفسه وفتح هنا فى مصر مكتب والحمد لله الدنيا زى الفل دلوقتى والتانى اشتغل فى شركه الاتصالات المصريه برده كلام جميل لكده وعلى فكرا دول كمثال فيه غيرهم كتير بس انا اخترت دول نظرا للتقدير بتعهم ومن غير ذكر حاجه عنهم كمان .

طيب لو الناس كلها بتشتغل فى شركات فى الخليج وبيكونو مديرين وانا عارف ان الكلام ده كان زمان او يمكن من 10 سنوات او اكتر عموما ايه كم الشباب الى شغالين عمال سواء فى محطات بنزين او اخرهم رئيس عمال وشغالين برده فى دبى والسعوديه؟؟؟؟؟؟ اشمعنا دول مش مديرين برده؟؟؟؟؟؟؟ يمكن على شان الشوغل النهرده محتاج لتطوير فى الجامعات الحكوميه مثلا ولا لسبب انه الخريج زى ما دخل زى ماخرج وكان التعليم مجرد نحت فى الصخر وخلاص ؟؟؟؟؟؟؟؟؟

اخيرا انا مقولتش غير الامريكيه والالمانيه وعلى فكرا الالمانيه مش يعنى ولا حاجه انا ابن عمى متخرج منها ودلوقتى ملحق تجارى فى وزاره الخارجيه فى بلجيكا وعلى فكرا الغريب برده انه اول ما اتخرج كان فيه شركات كتير بتطلبه وهو رفض والغريب برده ان البنك المركزى كان لسه طالبه خبير اقتصادى براتب شهرى 15000 ج وهو لسه متخرج مش بقاله 3 سنوات ؟؟؟؟؟؟ وكمان رفض البنك المركزى لئنه شايف الى فيه افضل كامجال عمل؟؟؟؟؟ مش كل ده غريب واكيد مستحيل انه يحصل لواحد خريج جامعات حكوميه ولو حصل يبقى الراجل ده نحت الصخر على شان يكون كده عكس التعليم الاجنبى باختصار شديد واحد اتعلم عادى جدا ويمكن اسهل من خريج الحكومه واشتغل فى اماكن وبمرتبات صعب يشوفها خريج الحكومه غير لو فعلان نحت الصخر صح ولا غلط

وبعدين هنروح وهنيجى برده التعليم الاجنبى افضل من التعليم الحكومى بمراحل اولا اسهل ثانيا فرصه العمل فيه متوفره 100% حتى لو خارج مصر دى الفكره وعلى شان كده ده بى بلاش وان كان بفلوس برده مبالغ رمزيه عكس التعليم الاجنبى الى الناس بتدفع فيه احيانا 40 الف و 50 الف فى السنه الواحده دى الفكره وفعلان زى ما احد الاعضاء قال الراجل ده مصروف عليه كتير دى الفكره ثم انا واحد من الناس يوم ما اشتغل ومرتبى يوصل 2500 ج ابقى فرحان اوى اوى كمان زى باقى الموظفين الى خرجين برده من حكومه شى طبيعى يعنى

خلاصه الموضوع ان محدش يبخل على ابنه او بنته طالما معاه يدفع ويدخلهم تعليم اجنبى
اما مش معاه يخليه فى الحكومى وربنا معاه ومع اغلب شباب مصر الى يوم ما بيشتغلو بيفرحو بى ال 1000 جنيه
وعلى فكرا لو تعرفم حد مثلا فى اى بنك وطنى هنا زى بنك مصر شوفه ايه اخبار التعينات وشوفو البنوك الاجنبيه هنا برده فى مصر التعينات بتعتها ازاى وانتم تعرفو.
والناس الى بتقول كورسات والله لو اخد كورسات العالم كله عمره ما هيكون زى خريج اللغات ياجدعان انا اخويه الى لسه مخلص الاعدادى السنه دى دخل امتحان التويفل على شان يدخل مدرسه فيها الاميركان دبلوم والله جايب فى الامتحان 85% وفى الاعداديه وربنا معاه وتقولى تعليم حكومى ياراجل بلا حكومى بلا كلام فارغ الحكومى ده اخره زى شباب مصر كلها غير التعليم الاجنبى واللغات راجل مميز كده ياريت الزمن يعود من تانى وانا مكنتش اخرج من اللغات البركه فى الناس الى بتوسوس فى عقول الاباء و الامهات هو يعنى هيعملكم ايه فى الاخر والكلام بتاع الناس دى والحمد لله نعمه من ربنا
شكرا