الموضوع: التعليم العربى ولا اللغات

مدارس عربي حتي يتقن الطفل اللغة الأولي أولا + دار تحفيظ قرآن كريم حتي يكون ذو هوية مسلمة

لاحظوا كم عددالشباب و الشابات المسلمين و المسلمات الذين فقدوا هويتهم المسلمة في المظهر و الملبس و اسلوب الكلام و الجهل بالدين و الإنغماس في الشهوات الحرام

اياكم و المناهج الأجنبية لو فتحتم كتب اللغات و شاهدتم الصور و اطلعتم علي المواضيع لعرفتم ما أقصد

إمضاء
مدرس لغة انجليزية
حاصل علي الدبلوم المهني في تخطيط وتطوير مناهج اللغة الإنجليزية
حاصل علي الدبلوم الخاص في مناهج وطرق تدريس اللغة الإنجليزية
مقيد بالماجستير تخصص مناهج وطرق تدريس اللغة الإنجليزية

المشاركة الأصلية كتبت بواسطة baskota

سؤال بس يعنى ايه وليه محدش يقدر يعمله حاجة

ده ابسط شئ يترفد من المدرسة


وعلى فكرة مش كل المدارس الحكومية العربى او المدارس الخاصة فى بيئة بالشكل اللى حضرتك وصفته

المدارس الحكومية فى كل مكان فى مصر

واعتقد مفيش اغنى من تجار المخدرات والسلاح والمرتشين والفاسدين

ودول اسهل حاجة عندهم يدخلوا ولادهم مدارس لغات وانترناشيونال كمان

تفتكر دى البيئة المثالية اللى هتخرج اولاد على خلق

ليه محدش يقدر يعمله حاجه هو او غيره من الامثال دى الرد :
على شان هو يخاف اصلا يعمل حاجه كده على شان لو عملها مش بعيد يكون اخر يوم فى عمره واكيد كلنا سمعنا الحوادث بتاعت المدرسين قبل كده واخر حادثه كانت بتاعت المدرسه الى فى لجنه امتحان و اتحرقت بماء النار من بنت على شان مخلتهاش تغش !!!!!! وغيرها الى رفدت طالبه والطالبه جابت اهلها ونزلو ضرب فى المدرسه وجابولها شلل ومش بتعرف تتحرك وكانت فى برنامج البيت بيتك لو حد يفتكرها وكل دول بنات مش ولاد امال الولاد تعمل ايه بقى قوليلى انتى على مدرس يقدر يعمل حاجه زى دى مع اى طالب من الاشكال دى ؟؟؟؟ ان ما كان اخر يوم فى عمره وعلى فكرا المدرسين بتخاف اوى من العيال الى زى دى هما اصلا اهلهم ربوهم على كده والبيئه الى هما فيها كده منتظره ايه منهم ؟؟؟؟؟؟؟؟؟؟؟؟؟؟

لا معلش كل المدارس العربى فيها الاشكال دى يمكن تكون نادره فى مدارس البنات بس هى اساسى فى مدارس الولاد العربى.

عارف ان المدارس الحكوميه فى كل مكان فى مصر والمدرسه الى انا كنت فيها والى بتكلم عليها دى مدرسه فى العباسيه ويمكن من اعظم مدارس العباسيه وخرجت ناس كتير اوى عظماء الحمد لله بس زمان النهرده بتخرج بلطجيه على شان زمان كان حاجه والنهرده حاجه احنا النهرده فى البلطجه والصياعه والدليل على كده الشارع المصرى
المدرسه الى انا كنت فيها دى متخرج منها والدى واعمامى كلهم والحمد لله كلهم مهندسين وواحد دكتور يعنى العيب مش فى المنطقه ولا حاجه العيب فى الجيل نفسه وطريقه التربيه.

مين قال ان اولاد تجار المخدرات والسلاح و المرتشين والفاسدين هما الى ولادهم فى المدارس دى ؟؟؟؟؟؟

اولا اولاد تجار المخدرات والسلاح والمرتشين والفاسدين اصلا ميعرفوش يدخلو اولادهم المدارس دى على شان فيه اشياء كتير اوى للقبول فى المدارس دى اصلا.

ثانيا ليه احنا ديما ننظر للطبقه دى ان كلهم فاسدين اشمعنى يعنى طيب ما انا اخويا داخل المدارس دى بس انا الحمد لله والدى لا هو تاجر مخدرات ولا سلاح ولا مرتشى ولا فاسد هو شخص عادى جدا وسافر وكون نفسه وعمل كده يمكن انا ملحقش يعمل معايا كده على شان كان ايامى انا الحال مش اوى زى اى موظف حكومى او قطاع عام بس لما سافر الحمد لله ربنا فتح عليه زى اى واحد بيسافر والى مع اخويا فى المدرسه كانو بيقدمه معاه فى الامتحان ناس عاديه جدا منهم اولاد موظفين واولاد مهندسين وناس عاديه جدا لا هما حرميه ولا تجار سلاح ولا مخدرات ولا مرتشين الحمد لله كل الفكره انهم موظفين فى شركات محترمه ومرتباتهم عاليه وبعدين انا مش بقول لازم ادخل ابنى مثلا مدارس بى 25 الف كل سنه احنا مثلا عملنا كده مع اخويه على شان الثانويه العامه الى فيها كم رهيب من التخلف والحفظ بس دى الفكره انها مجرد وسيله للهروب من الثانوى العام وهما 3 سنوات وخلاص اما هو طول عمره فى مدرسه لغات مصريفها 2500 جنيه الى 3000 فى السنه حسب الصف الدراسى يعنى مش محتاجه لا سرقه ولا حاجه مدرسه لغات وخلاص
دى الفكره انا مش بقول لحد انه يدخل ولاده مدارس بى مليون جنيه يعنى دى مدارس عاديه وخلاص والجامعه والله كل واحد ومجهوده انا ابن عمى دخل الجامعه الالمانيه بخصم 40% من المصروفات واتخرج منها ودلوقتى ملحق تجارى فى وزاره الخارجيه وده برده فرق بين التعليم العربى واللغات على شان هو دخل مثلا وزاره الخارجيه بالغات مش بالعربى ومن غير لا وسطه ولا حاجه الحمد لله والنهرده مرتبه فوق ما اى حد يتصور الحمد لله و الوكسه فى الى خريج عربى زى حالاتى ادينى اعد فى البيت اقشر بصل زى مابيقوله ولما جتلى شوغلانه بى 800 جنيه كنت فرحان اوى وبعد شهر الشركه اتقفلت نحس نحس يعنى يلا الحمد لله

ارجو اكون قدرت اوضح
وشكرا