الموضوع: سر بناء الأهرامات ؟؟؟؟؟

الاهرامات بنيت فى عصر الاسرة الرابعة الفرعونية فى الدولة القديمة المصرية يعنى حوالى سنة 2800 قبل الميلاد + 2000 سنة بعد الميلاد = 4800 سنة تقريبا ده عمر الاهرام

اليهود كشعب هم ابناء سيدنا ( يعقوب ابن اسحاق ابن ابراهيم ) وسيدنا ابراهيم ظهر فى التاريخ فى جنوب العراق ومنها هاجر الى فلسطين ومنها الى مصر اللى كانت كما اثبت العلماء فى فترة احتلال الهكسوس لها يعنى فى الاسرتين 15 / 16 الفرعونيتين 1700 قبل الميلاد تقريبا يعنى ما بين بناء الاهرام وظهور الجد الاكبر لبنى اسرائيل ( سيدنا ابراهيم ) حوالى 1000 سنة او 11 اسرة حاكمة )

ما بالك بان سيدنا ابراهيم عاد لفلسطين وعاش ما شاء الله فيها ثم انجب سيدنا اسحاق الذى انجب سيدنا يعقوب ( اسرائيل ) الذى انجب الاسباط( 12 ولد ) او بنى اسرائيل ومنهم سيدنا يوسف

متى دخل اليهود الى مصر كشعب ؟

ونعرف جميعا قصة يوسف مع اخواته ودخوله مصر وسجنه ثم خروجه وتوليه وزارة المالية فى مصر ( عزيز مصر )

كل ده والاهرامات موجودة ومعروفة

المهم وبدون اطالة دعى يوسف اخوانه وزوجاتهم وابائهم للعيش فى مصر وكان عددهم 70 تقريبا وهم نواة شعب بنى

اسرائيل او اليهود حد يسألنى بقى الكلام ده امتى هارد واقوله فى عصر الهكسوس ايضا الاسرة 16 وخرج الهكسوس

وبقى اليهود وتبدل حالهم من عز ورخاء الى ذل وعبودية فى اثناء حكم الدولة الحديثة ( الاسرات 18 الى 20 )


وايضا الاهرامات موجود وشامخة

وزاد عدد اليهود من 70 نسمة الى 600 الف نسمة وجاء موسى عليه واخيه هارون السلام وخرجوا بهم الى فلسطين فى عهد الاسرة 19 وبالتحديد فى عهد ثالت ملوكها رمسيس الثانى او ابنه

وكانت الاهرامات ايضا موجودة ولازالت الى يومنا هذا وستبقى الى ما شاء الله شاهدة على عظمة المصريين

السؤال ليه بنقلل من تاريخنا وبنشكك فى اجدادنا ولمصلحة مين عدم الثقة فى قدراتنا

الاهرام سر بناءها سهل ومعروف هو لا سر ولا حاجة واللى عايز يعرفه بالتفصيل انا تحت امره هو مجرد اعجاز علمى

هندسى لشعب متحضر عن باقى جيرانه وشكرا لصاحب الموضوع

اما بخصوص قوم عاد والبحث الغريب والمثير فاى دارس للحضارة والتاريخ الفرعونى سيدحض هذا الزعم بكثير من الادلة

لان البحث به تلفيق كتير قوى ولا يتسع المجال لمناقشتها جميعا لان اكيد المتخصصين فى التاريخ الفرعونى اجدر منى على الرد ولكن لاحظت نقاط بسيطة منها

* ان الفراعنة لم يعرفوا البناء الا بالطين وكيف بنوا الاهرام والمعابد ( اللى هى بيوت قوم عاد ) من الحجارة

اقول للباحث ان الفراعنة عرفوا النوعين من البناء بالتوازى حيث خصصوا الطين للمنازل والقصور لانها حسب عقيدتهم الدينية فان الدنيا دار فناء ولا جدوى من ان تخلد منازلهم وفى نفس الوقت كانت المقابر والمعابد تبنى بالاحجار حتى تدوم مع دوام وخلود الروح والدليل وباعتراف الباحث فان وادى الملوك هو مقابر فرعونية فاى من اى شىء بنى اليس من الحجر ؟؟؟

وموضوع انهم كانوا بيرمموا المعابد الحجرية بالطين ده غريب والمبانى الطينية فى الكرنك مثلا دى بنيت فى العصور المسيحية والاسلامية عندما اعتقد الرهبان بكفر الفراعنة وبنوا الكنائس فى هذه المعابد قام قام اهل الصعيد بعد الاسلام ببناء المساجد بها ومازال احدها قائم للان

* نقطة اخرى اين ابينة قوم عاد ؟؟؟ وهل لابد من ان يظهر الله سبحانه وتعالى لنا كل شىء وكم من حقيقة ظهرت فى الوقت المحدد لها وهل نعرف كل شئ ( وما اؤتيتم من العلم الا قليلا )
ربما لم يأتى الوقت بعد ليكشف الله لنا عن قصة قوم عاد فهل من المنطق ان نقص ونلزق الحقائق حسب الهوى لاثبات الاعجاز العلمى فى القرآن القرآن صالح لكل مكان وزمان وله معجزاته واسراه التى لا يعلمها الا الله وسياتى وقتها ليعلمها الانسان

* اختلاف اشكال واحجام ودقة بناء الاهرامات لا يدل ذلك على ان قوم عاد بنوا جزء ثم جاءت رياح صرصرا عاتية فردمت الباقى فلم يكتمل ؟؟؟؟؟؟؟؟
المعروف لى بحكم دراستى المتواضعة للتاريخ ان فكرة الهرم تطورت فى مصر الفرعونية منذ ما قبل الاسرات وقبل التوحيد من مصطبة الى عدة مصاطب ( الهرم المدرج ) الى الهرم الكامل ( الجيزة ) وبحكم ان الاهرام تتكلف مبالغ طائلة وجهد وتحتاج لملوك اقوياء فان انسب اوقات كمالها هو عصر الاسرة الرابعة ( ذروة القوة والثروة ) وبتوالى الملوك وضعف الاادارة المركزية
قلت الاحجام وقل الاتقان
كما ان هرم الملك بالطبع اهم من هرم الملكة او حاكم الاقليم او احد ابائه وذلك سبب الاختلاف فى الاهرام
وفى عصر الدولة الوسطى استمرت الاهرام لكن ليس فى الجيزة فى الفيوم وميدوم وبنى سويف وهوارة ووووو و لكن ليست بنفس الدقة وكلها من الحجر وليست الطين ( يعنى المصريين اهم بيبنوا بالحجر )

* الفراعنة يتحدثون العربية ؟؟؟؟؟؟؟؟؟؟ ما هذا يا رجل

وكون ان زوجة العزيز فى عهد سيدنا يوسف اسمها زليخة وان ملك مصر اسمه ( الوليد بن رباح ) طبعا لازم يكونو عرب لانهم ببساطة هم الهكسوس القبائل العربية التى عاشت فى فلسطين الكنعانية العربية واحتلوا مصر

وعايز الدليل على ده ان الله عز وجل فى القرآن الكريم يذكر حاكم مصر زمن يوسف باسم ( الملك ) وليس الفرعون
وده دليل ان حاكم مصر زمن يوسف الصديق هو غير مصرى ويذكر حاكم مصر زمن موسى عليه السلام باسم فرعون لانه غير عربى

* نقطة اخرى ان رأس ابو الهول به ترسيبات قديمة تسبق عصور الفراعنة ......... طبعا لازم وده لسبب بسيط ان الصخرة اللى نحت عليها الملك خفرع التمثال هى صخرة واحدة قديمة وموجودة فى مكانها ولم يبنى التمثال من عدة صخور

* نقطة هامة جدا ان قوم عاد طوال القامة والصور اللى بيعرضها البحث لهم انا معاك وبايدك لكن ده سمة عامة لجميع البشر فى الماضى منذ عهد ادم عليه السلام والدليل انهم وجدوا فى الصور هيكل عملاق فى الهند وفى اوربا يبقى دول كمان قوم عاد

وموضوع الشبابيك العالية والتماثيل الضخمة كده بتناقض نفسك لان الشبابيك دى للتهوية والابواب الضخمة للتعظيم مثل ما هو موجود فى المساجد العملاقة والكاتدرائيات كمان التمثال بتاع رمسيس اللى هو باعترافك فرعون مصرى ازاى تستشهد بيه على ضخامة الاجساد مع انه ليه تماثيل كتير بالحجم العادى والضخامة هنا للتعظيم زى تمثال اخناتون وتمثال الحرية فى نيويورك ......... !!!!!!!!!!!

على فكرة ممكن ارد ساعات على البحث الغريب ده لكن اسف للاطالة والحقيقة تعبت من التلفيق
والله يعلم انى مسلم صادق الايمان لكن مش لدرجة تلفيق الحقائق بهذا الشكل لاثبات صحة القرآن الذى لا يحتاج لاثبات وهو صالح لكل مكان وزمان والله المستعان وجزاكم الله خيرا

المشاركة الأصلية كتبت بواسطة terrible_darsh

هما المقاولون العرب مفيش غيرهم . :)

يا سلام على التعليق ......... بجد باحيك على اجابتك الوافية الشافية

مش قوم عاد بس هما الى كانوا عمالقة فقط البشرية كلها كانت عمالقة منذ خلق سيدنا أدم عليه السلام بس قوم عاد هما الى تفاخروا ببنيانهم شوية و ربنا ذكرهم ب "إرم ذات العماد التى لم يخلق مثلها فى البلاد"
فيبقى كدا لو مفيش حاجة زى الأهرامات يبقى مافيش غير قوم عاد هما الى بنوها لأن القرأن قال كدا
فايدة الأهرامات إيه و لما تعرف مين الى بناها تخليك تفكر فين الى بنا الحاجات دى راح فين و لما هو بنى حاجات عظيمة كدا ليه مقدرش يعمل حاجة تحميه من غضب ربنا "دا لو هما قوم عاد" و أكيد حاولوا يحتموا من غضب ربنا بس بردوا لا عاصم من أمر الله و فرعون الى قال إنه إله مات غرقان و بدنه بس الى نجا بأمل خالق الكون
فبحثك عن الأهرامات مش مضيعة للوقت لأن ربنا قالى فى القرأن "قل سيروا فى الأرض فأنظروا كيف كان عاقبة الذين من قبلكم"

المشاركة الأصلية كتبت بواسطة Terrible_DaRsH

هما المقاولون العرب مفيش غيرهم . :)

المشاركة الأصلية كتبت بواسطة lancerevolution

مش قوم عاد بس هما الى كانوا عمالقة فقط البشرية كلها كانت عمالقة منذ خلق سيدنا أدم عليه السلام بس قوم عاد هما الى تفاخروا ببنيانهم شوية و ربنا ذكرهم ب "إرم ذات العماد التى لم يخلق مثلها فى البلاد"
فيبقى كدا لو مفيش حاجة زى الأهرامات يبقى مافيش غير قوم عاد هما الى بنوها لأن القرأن قال كدا
فايدة الأهرامات إيه و لما تعرف مين الى بناها تخليك تفكر فين الى بنا الحاجات دى راح فين و لما هو بنى حاجات عظيمة كدا ليه مقدرش يعمل حاجة تحميه من غضب ربنا "دا لو هما قوم عاد" و أكيد حاولوا يحتموا من غضب ربنا بس بردوا لا عاصم من أمر الله و فرعون الى قال إنه إله مات غرقان و بدنه بس الى نجا بأمل خالق الكون
فبحثك عن الأهرامات مش مضيعة للوقت لأن ربنا قالى فى القرأن "قل سيروا فى الأرض فأنظروا كيف كان عاقبة الذين من قبلكم"

أوافقك ارأي .
وهذا لا يمنع الحق في الإختلاف في وجهات النظر .
والإختلاف في الرأي لايمنع للود قضية .

الحجرات داخل الأهرام و الطرق داخله تعنى أن الأشخاص الذين بنوه و إستخدموه هم أنا فى حجم البشر العاديين ...

و هذا ينفى كونهم قوم عاد لما عرف عنهم أنهم ضخام البنيه ...