كل لما اشوف اعلان فلم ابراهيم الابيض اتنرفز

**hani945** · 20-06-2009 08:34 AM

المفروض إن الأحياء الشعبية دى إن الناس اللى فيها يكونوا ناس غلابة وعلى قد حالهم ، لكن العنف استشرى فى المجتمع بطريقة غربية ومفجعة

**النوبي** · 20-06-2009 02:48 PM

يجماعه انتو نسيتو حاجه ان الناس هي اللي بتفرض علي المنتج والمخرج يشتغلو في ايه
لان المنتج مش عايز يخسر فبيدور علي الجمهور عايز ايه والصراحه من بعد فيلم حين ميسره وحكايه العشوائيات هي اللي واخده حقها علشان نسبه المشاهده العاليه

**OlaOsman** · 20-06-2009 10:43 PM

المشاركة الأصلية كتبت بواسطة kodak_gti

العيب مش على الممثل ولا المخرج ولا المنتج

العيب على الناس اللى بتروح تدفع فلوس وتدخل سينما لأفلام زى دى وبيلمو منها ملايين
لازم يعملو تانى وتالت ورابع طول ما فى ناس بتدفع للتذاكر

كلام مظبوط :b4_388:

**هيثم** · 21-06-2009 12:45 AM

المشاركة الأصلية كتبت بواسطة kodak_gti

العيب مش على الممثل ولا المخرج ولا المنتج

العيب على الناس اللى بتروح تدفع فلوس وتدخل سينما لأفلام زى دى وبيلمو منها ملايين
لازم يعملو تانى وتالت ورابع طول ما فى ناس بتدفع للتذاكر

فى امريكا فى الويك اند الناس بتنزل من بيوتها اسر كامله اب وام واولاد وشباب ولاد وبنات ناس من كل الاشكال
بيدخلو السينما عشان يتفرجو على فيلم عن انواع سمك القرش او الحياه البريه مثلا
تخيلو ده ممكن يحصل فى مصر ولو حصل رد الفعل هيكون ايه و حجم التريقه هيبقى ازاى
المشكله يا ساده فى نوع الثقافه السائده فى المجتمع
السينما اللى حضراتكو بتشتكو منها لها جمهور عريض و برامج مسائيه بتستضيف الابطال وبتروج للافلام حتى وان كان الظاهر يوحى بعكس ذلك

القضيه فى النهايه قضيه عرض وطلب (بزنس)

بصرف النظر عن الهراء بتاع ان الافلام ديه بتعكس صوره المجتمع النهارده
وان احنا لازم ننتج النوعيه ديه لان ديه طبيعه مشاكل المجتمع
ده كله كلام للتليفزيون و الصحافه
لو مبيكسابوش مش هينتجو الافلام ديه

**mahfouz1983** · 21-06-2009 02:38 AM

بس والله يا جماعه انا ملاحظ في المجتمع ان فيه ناس كتير محترمة وشايلة مطوانه والي شايل طبنجه انا سعات بحس ان انا في غابه مش في مصر

**ashouhdy** · 21-06-2009 04:26 AM

الكلام اللى بيحصل فى الافلام دى للاسف حقيقى و مش معنى انك مشوفتش يبقى مش موجود
بس للاسف موجود و شفت بعينى

**Haitham10** · 21-06-2009 01:31 PM

ماهو مفيش غير كده
يا كدة يا تلاقي حاجه زي سعد الصغير و افلام الوساخه الي طالعه موضه

**lancerevolution** · 21-06-2009 04:38 PM

المشاركة الأصلية كتبت بواسطة أحمد سالم

احمد السقا مصر يفرض نفسه علينا انه البطل جون ترافولتا وخلاص بدون اى مضمون او هدف لافلامه
المره دى هو بيشجع المطواه والسنجه زى مايكون احنا عايشين فى غابة
عايز اقوله ان الافلام دى بيشوفها العالم كله وبيحكم على مجتمعنا من خلال افلامنا
ارحمنا بقى ياسقا
ده مجرد رأى شخصى
وعارف ان ممكن ناس مايعجبهاش كلامى

إبن خالى لما دخل الفيلم قالى حاسس إنه متصور فى العزبة ودى مكان فى شبين الكوم غالبا بيبقى زى الفيلم كدا
و لو مش مصدق لو تسأل أى حد من شبين الكوم كان فى مدرسة المساعى أو ساكن هناك هيقولك المنطقة الصبح قبل ما يبنوا المدرسة الجديدة تصلح لتصوير مشاهد واقعية تنضم للفيلم مطاوى و سنج و سيوف و جنازير الشرطة كانوا بيخافوا يتدخلوا لو عدد الشرطة قليل يعنى ما بيسدش غير الأمن المركزى
دا غير من كام يوم كنت بذاكر عند جدى فى شارع كلية التربية فى شبين الكوم و أسمع صوت واحد بيقول أه يا إيدى و لما طلعت فى البلكونة كان فى سيوف و مطاوى و ناس متعورة زى ما تكون واقف فى حرب من أيام الجاهلية
رأى عن الفيلم ما هو إلا تجسيد مر للواقع الأليم الى إحنا بنعيشه

-

الموضوع: كل لما اشوف اعلان فلم ابراهيم الابيض اتنرفز

LinkBack

أدوات الموضوع

عرض

-

-

-

-

-

-

المواضيع المتشابهه

اعلان مجلس ادارة المنتدي-اعلان اداري

حد سمع عن الشاى الابيض

نور الصالون الابيض

فيلم ابراهيم الابيض

الكلمات الدلالية لهذا الموضوع

المفضلات

المفضلات

ضوابط المشاركة