الموضوع: افيدونى فى البولو 98

حافظت عليها وما أهنتهاش هتشيلك وقت الزنقه بهدلتها سور هتطلع عينك لأنها بنت ناس ومش وش بهدله ههههههههههههههههههههه أنا مالى بتكلم عنها كأنها عروسه كدا ليه

مش انحياز اخى العزيز والله العربيه دى فعلا ممتازه بص أنا ركبت فورد أسكورت عربيتى السابقه الله لا يعودها أيام ورتنى النجوم فى عز الظهر ركبت لانسر كرستاله 99 بتاعت زميلى فى المكتب مدتيشأى حجاه بخدها فى عربيتى غير الجرى ركبت فورد فوكاس بتاعت مدير العام فى الشركه وقعدت معايا يومين عربيه كبيره ومحترمه بس كانت مشكله فى الركن والمناوره بيها مخاطره وركبت نيو سيراتو برغم الفخامه والكماليات العاليا والبرستيج محستش فيها بالثبات على السرعات العاليه لحين تجربتها على طريق أفضل من طريق الأسماعيليه ركبت الألنترا 2006 بتاعت والدى مع أنها ممتازه وفلته من غبور ألا أنها ما بتخودنيش زى البولو ركبت الفيرنا 1600 أتوماتيك بتاعت الشركه وقعدت معايا أسبوع سفاحه بنزين ركبت الماتريكس عامله زى المرجيحه بعد ال 110 هو دا سبب حبى للعربيه دى دا غير أنها وش خير عليا وجبتها مع مولد بنتى البكريه فاليها حب خاص عندى

لو خدت بالك أنا طلعتلك مشكله فى كل عربيه من العربيات اللى فاتت بس أنت مجمعتش معايا وبعيد عن التحيز العربيه بتديلك الأتى وفى ناس كتيره ممكن تأكد كلامى دا عشان لوفى شبهه أنى متحيز
ثبات زى الفل بالنسبه للفئه والحجم أستهلاك بنزين زى الفل يكفى بتعمل 340كم فى الصفيحه خارج البلد السياره غير ديقه من الداخل لو قارنتها بالانوس والأكسنت اللى المفروض أنهم عربيات سيدان
المناوره فيها قدره عاليه على المناوره بسبب حجمها المتميز وثباتها
الركنه أى حته صغيره موجوده فى الشارع بتركن فيها
قطع غيار أغلى نسبيا من الكورى ولكن عمرها أطول
عايزنى أقول لحضرتك أيه تانى جرى بتجرى يمكن معملتهاش تانى من ساعه محصلت بس أنا جيبت بالعربيه دى 170 كم فى الساعه الثبات كان ماشاء الله عليه فهحتاج أيه تانى من اى عربيه تانيه مدام كل الحاجات دى موجوده
وعشان يبقى قولنا اللى لينا واللى علينا
العربيه يعبها تقل حركتها مع عمل التكييف ودا طبيعى لصغر حجم المحرك
شنطتها صغير ودى هقلك فيها مش تبقى عين فى الجنه وعين فى النار مباقاش عايز عربيه تساعدنى فى الحمه وفى الركنه وأقول أنا عايز شنطه
بأختصار العربيه دى بالنسبالى فى الفتره الحاليه ملبيه كل أحتياجاتى

المشاركة الأصلية كتبت بواسطة yah

طب يا سيدى عقبال ماتعدى المرحلة الحالية وتجيب عربيه تانيه افخم واحسن وسعتها هتنسى البولو
وهتحب الجديدة بكل عيوبها
وبعدين انت جبت 170 عشان الرياح والطريق المنحدر
لكن اخرها 150 طبعا ومش هتجبهم لو التكييف شغال

ربنا يدينا ويديك ياسيدى