عايز رايكوا في البورا

**ahmedmaklad** · 25-06-2009 10:39 AM

انا جاسوس من الاوبل بس ماحدش يفتن
انا بس مش لاقي مواضيع هنا على البورا خالص عايز اعرف رايكوا فيها ايه و قطع غيارها كويسة و موجودة
في واحدة قدامي 2001 اتوماتيك عاملة 160000كم ممكن تخلص ب 70 الف
بس انا مهم اعرف رايكوا في العربية عموما و قطع الغيار و هي سوقها واقف فعلا انا مستني رايكوا

**M.Mostafa80** · 25-06-2009 10:47 AM

العربيه ممتازه وزى الفل كل ما يعيبها أنها واطيه شويه على الأرض فلو خدت اى مطب أو بلاعه فى بطن العربيه او حاجه بتقابلها كارتيره الزيت بتتكسر لأنها المونيا ودا بيتسبب فى تسريب الزيت شفت المنظر دا كزا مره

**Michael_Lanos** · 25-06-2009 11:01 AM

انا شايف ان البورا رائعه ...بس قطع غيار نار
كانت مع جارتى موديل 2001 ممتازه

**ahmedmaklad** · 25-06-2009 12:19 PM

الناس بتقول قطع غيارها غالية يعني تيل الفرامل مثلا بكام انا قصدي اسال على امثلة يعني
و بعدين مستوى اسعارها كام

**M.Mostafa80** · 25-06-2009 02:28 PM

هى فى رينج من 65 الى 75 حسب الحاله والموديل أما أسعار قطع الغيار فا مش هقدر أفيدك ممكن حضرتك تتصل بأشرف سمير محلات الصفوه تسأل على قطع الغيار وهو راجل محترم ت 25788357
أو لو حضرتك قريب من مصر الجديده تروح للشهابى تاخد رأيه وتسأله على قطع الغيار هو راجل محترم جدا بردو بس للأسف ما بيردش على التليفون محلات الشهابى أمام بنك عوده شارع دمشق

**umoussa** · 25-06-2009 02:54 PM

البورا عربية هايلة جداً

بس عيوب العفشة بتاعتها تخلي الي يركبها يسوق بحذر مع شوارعنا الزفت الجميلة دي

كرتيرة الزيت فعلاً ألومنيوم ومحتاجة حذر

العربية مصفحة من الأسفل ودا حماية للعربية وللكرتيرة

160 ألف كم مش كتير لو العربية ماشية على جدول الصيانات بتاعها

**Opelvectra** · 28-06-2009 10:43 AM

هتسيب الاوبل و تشتري بوراااااااااااااا يا راجلللللللللل طاب اشتري فيكترا cdx 2003 مثلا مش هتقدر تغمض عنيك مش علشان تشتري عربية تخلي بالك و انت ماشي في المطبات و الكلام دا

**ahmedmaklad** · 28-06-2009 04:09 PM

المشاركة الأصلية كتبت بواسطة Opelvectra

هتسيب الاوبل و تشتري بوراااااااااااااا يا راجلللللللللل طاب اشتري فيكترا cdx 2003 مثلا مش هتقدر تغمض عنيك مش علشان تشتري عربية تخلي بالك و انت ماشي في المطبات و الكلام دا

هي فين دي بس
والله من غير ما تقول الكلام ده انا بس واحد صاحبي معاه بورا و سافر امبارح بلجيكا(يا رب نحصله:)) و هو سايبها معايا و عايز يبيعها انا كنت بفكر فيها و راكبها دلوقتي هي عربية هايللللللة بجد و جامدة جداا بس انا شايفها ضيقة انا بحب الحاجة الواسعة عشان انا كان معايا اوبل على العموم انا عامل اعلان للبورا هنا
http://www.nilemotors.net/Nile/showthread.php?t=82531
هي باسم والدته و عملالي توكيل