تنظيف الرشاشات

**umoussa** · 24-06-2009 02:01 PM

شوف يا أبو حمزة يا عزيزي

سواقة البولو غير سواقة الياباني
العربية حتفضل تكركر كده لحد ما رجلك تاخد عليها

البنزين سبب رئيسي في كركرة العربية
متحاولش تحط بنزين 90

خلي بالك إن العربية ممكن تبطل منك في الملفات (U turn) وده لأن الموتور صغير مش قوي والعربية فيها باور ولما بتيجي تاخد ملف بتحمل على الموتور وعلشان كده حتلاقي فيه حساس على ماسورة زيت الباور وفائدة الحساس ده إنه يرفع عدد لفات الموتور في الملفات علشان العربية متقفش.

بخصوص الورشة، لو مفيهاش إزعاج بالنسبة ليكوا روحوا المركز الي انا واقف فيه في الحرفيين وأنا حوصي عليكوا ومتخافوش صاحب المركز ميكانيكي شاطر جداً

لتنظيف الرشاشات، هات الزجاجة بتاعة تنظيف دائرة الحقن وحطها على التانك كله وسافر اسكندرية مثلاً على سرعة ثابتة 100 كم وبكده الدائرة بتاعة الحقن حتنضف.

وقبل كده لازم طبعاً تنضف البوابة كويس ومتعملهاش انت خلي الميكانيكي ينضفها

وبعد كده حتشوف الفرق

**M.Gamaledeen** · 28-06-2009 03:14 PM

المشاركة الأصلية كتبت بواسطة umoussa

البنزين سبب رئيسي في كركرة العربية
متحاولش تحط بنزين 90

لتنظيف الرشاشات، هات الزجاجة بتاعة تنظيف دائرة الحقن وحطها على التانك كله وسافر اسكندرية مثلاً على سرعة ثابتة 100 كم وبكده الدائرة بتاعة الحقن حتنضف.

وقبل كده لازم طبعاً تنضف البوابة كويس ومتعملهاش انت خلي الميكانيكي ينضفها

وبعد كده حتشوف الفرق

الله ينور يا هندسة
كنت لسه مغير فلتر البنزين وسير الدينامو والكاتينة
وخليت الراجل نضف بوابة الإنجيكشن
ومرة واحدة لقيت العربية بتنتش بطريقة غريبة

ف ماكدبتش خبر
وجبت منظف نظام حقن الوقود من موبيل (عبوة صغيرة عبارة عن 250 مل بتتحط على التنك كله بـ 18 جم )
ورحت مديها مشوار أكتوبر رايح جاي رايح جاي كمان مرة علشان العملية تتظبط وفعلا
العربية دلوقت آخر تماام الحمد لله