النجدة يا وحوش

**ecybrarian** · 24-06-2009 11:27 AM

ممكن حد يبعت لي تليفون وعنوان مركز الصيانة المعتمد في الهرم لو سمحتم

**ecybrarian** · 24-06-2009 01:08 PM

آخر التطورات..وصلت لتليفون مركز الصيانة في الهرم...وكلمت المهندس خالد الزيني وقالي يمكن العربية فاضية بنزين قالي حط 5 لتر وجرب وكلمني...على اساس إن يمكن تكون العوامة هي إللي مش مظبوطة... بعد قليل هروح اجرب موضوع البنزين ده

**Amr_Moh** · 24-06-2009 01:09 PM

هو التنك طلع فاضي فعلاً ؟؟؟

**ecybrarian** · 24-06-2009 01:21 PM

لسه مش عارف..لما اروح للعربية هاعرف إن شاء الله

**Amr_Moh** · 24-06-2009 01:29 PM

المشاركة الأصلية كتبت بواسطة ecybrarian

ممكن حد يبعت لي تليفون وعنوان مركز الصيانة المعتمد في الهرم لو سمحتم

from renault.eg ...site

othman motors
222 faysal-haram
T : 33838204

**ecybrarian** · 24-06-2009 07:11 PM

اتحل الموضوع بحمد الله وعونه. كلمت ميكانيكي اعرفه في الهرم وقلت له يجيب معاه 5 لتر بنزين ورحت للعربية. المهم الراجل اتأخر علي كتير جدا الحقيقة (مواعيد مصري بقى) قلت اشوف تاني موضوع طلمبة البنزين ده. (على فكرة انا معي عدة كاملة في العربية) ورحت فكيت سوكت الكهربا إللي راكب فوق الطلمبة وبصيت فيه كويس لقيت في سنة حواليها سواد مش عارف من ايه. المهم افتكست (كالعادة) ورحت قايس كهربة السنون دي بالأفوميتير (دايما معي في العربية) بس كان صعب جدا تعملها لوحدك إنك تدور وفي نفس الوقت تقييس الكهربا.
المهم، قياس الكهربا دلني على المشكله في السنة اياها. قمت افتكست اكتر وفكيت السوكت نفسه..فكيت الغطا الاصفر إللي مداري وحامي السنون من عمل قفله و تهريب. وهنا حضر الباشا الميكانيكي. وطبعا سمعني محاضرة عن إن محدش يعمل كده غير المتخصص الفاهم
المهم برضه. قلت له اسمع كلامي ولو ماشتغلتش يبقى ليك الحق. وقمنا رشنا سائل تنضيف بتاع الكهربا. وضيقنا السنون شوية علشان تكبس مع التركيب....وركبناها وسمينا بالله وقلنا ندور
تخيلوا إن العربية...وان بادور راحت........دارت

الميكانيكي قال لي الله ينور ياسطى....جيراني لسه بيقولوا لي يا دكتور...بس تخيلو إن كلمة اسطى دي بتسعد الواحد فعلا

من اخوكم الاسطى هشام مكي (دكتوراه قواعد البيانات واسطى كهربة السيارات)

للأسف ما جاش في دماغي إني اصور إللي حصل