ال sx وصلت يارجالة يا mens بالإنجليزى

**de3bis** · 27-06-2009 12:44 AM

ال sx وصلت يارجالة يا mens بالإنجليزى "كما قال سعيد صالح"

لقد نما الى علمنا ان الطارق كارفور اسكندرية قد استلم عدد من النيو سيراتو sx حوالى من 10 الى 15 عربية و قد قام السادة الطارق بتسليمهم لكل من كان عنده استعداد لدفع الأوفر برايس 3000 جنيه و لديهم لسته بكل من ابدى استعداده للأوفر برايس.

و طبعا يولعوا اللى حاجزين من شهرين و ثلاثة طالما رفضوا دفع الأوفر برايس.

:K_crying[1]:

و مين عارف باقى الموزعين استلموا كام عربية هم كمان

مش برضه الموضوع ده يشبه الرشوة لأخذ حق من يستحق الإستلام.

حسبنا الله و نعم الوكيل.

**Ahmed Samy** · 27-06-2009 01:04 AM

و الله قلة أدب

يعني انت تحجز علشان يكون ليك الحق انك تدفع اوفر برايس فقط

بصراحة ...طقم المبيعات في التوكيل ....محتاج يروح عند بتوع الصيانة منها يتعلموا الشغل و منها يعملوا عمرة

**M.Hosni** · 27-06-2009 11:27 AM

لا والله ده قله ضمير و هو ده اللى حيودينا فى داهيه .....................الفساااد

**TeMoON** · 27-06-2009 01:33 PM

عارفين لو كل واحد فينا مارداش بالاوفر برايس والله هيدللو على العربية ومحدش هيرضا ياخدها انما الناس هنا كلة بيلعب على كلة والاوفر برايس يكسب بصراحة قلة ادب

**hedyelnemr** · 27-06-2009 02:02 PM

القصراوي من يوم الخميس بيبيعها (sx) ب 121000 الف!! بعد الفصال!! انا سحبت مقدم الحجز بالرغم من اني حاجزة والمفروض استلم 25 يونيو.

**أحمد كمال** · 27-06-2009 02:12 PM

المشاركة الأصلية كتبت بواسطة hedyelnemr

القصراوي من يوم الخميس بيبيعها (sx) ب 121000 الف!! بعد الفصال!! انا سحبت مقدم الحجز بالرغم من اني حاجزة والمفروض استلم 25 يونيو.

كلمي جهاز حماية المستهلك و حاولي توصلي لحد كبير في التوكيل تبلغيه

**hedyelnemr** · 27-06-2009 04:41 PM

مااظنش ان التوكيل مش عارف، امبارح بكلم عربيات قاللي في واحدة sx ممكن يخلصهالي على 121000 باردو،، اصل العربية عليها طلب كتير!! جشع وطمع ومحسوبية وحاجة تقرف.

من الآخر لازم واسطة!!

**de3bis** · 27-06-2009 11:54 PM

المشاركة الأصلية كتبت بواسطة hedyelnemr

القصراوي من يوم الخميس بيبيعها (sx) ب 121000 الف!! بعد الفصال!! انا سحبت مقدم الحجز بالرغم من اني حاجزة والمفروض استلم 25 يونيو.

مع احترامى لقرار حضرتك بسحب العربون بس انا شايف انه قرار مش صحيح لأن ده اللى هم عايزينه علشان يعطوا دورك لحد من بتوع الأوفر برايس.

لكن لما كلنا نرفض دفع زيادة و نصر على المبدأ و أننا لازم نستلم فى معادنا اعتقد ده ح يكون له تأثير أفضل

أنا بعت ايميل النهارده لكيا مصر باشتكى من الموضوع ده و احاول الاقى ايميل كيا كوريا و ابعت اشتكى لهم من الوكيل و انه ح يسىء لهم و يوقف سوق العربية

ساعدونا فى حملة " لا للأوفر برايس"