توكيل كيا (eit)...و إحترام العميل!

**NaderNabil** · 28-06-2009 12:51 AM

كما تعرفون جميعكم ان سيارتي البيكانتو كانت قد أصيبت في حادث الدائري المروع يوم 27-4-2009...الحمد لله الخسائر بالنسبة لباقي السيارات في موقع الحادث كانت بسيطة...و يكفي إني روحت بيها سايق الحمد لله..

خسائر السيارة ظاهريا كانت تتلخص في الأتي:
باب شنطة
زجاج خلفي
إكصدام خلفي
رفرف خلفي يمين
فانوس يمين خلفي
رفرف أمامي يمين

قمت بإنهاء مشاوير المحضر في اليوم التالي (28-4-2009) و كلمت المهندس بتاع التأمين ...قعد يقنعني إني أروح الورشة بتاعتهم و بصراحة كنت محتار حيرة شديدة...لأن في الورشة مش هادفع ولا مليم...و هاتخلص علطول...بس من جوايا مكنتش متطمن...ولو وديت التوكيل هايبقي فيه نسبة تحمل 10% و أي حاجة مايوافقوش عليها التأمين...

المهم ركنت العربية اليوم ده ...و أخدت قرار ان تاني يوم (29-4-2009) هاطلع علي التوكيل في أبو رواش...

وبالفعل وصلت هناك حوالي الساعة 11...إستلمها مني المهندس و قالي المقايسة هاتخلص علي بكره كده...قلت ماشي مافيش مشاكل...

و صدفة و إحنا رايحين كان معايا صاحبي بعربيته بيكانتو 2009 قطعت و هو ماشي قبل التوكيل بكيلو واحد...المهم طلع العيب من طرمبة البنزين و إتغيرت في الضمان...

و إحنا قاعدين انا و صاحبي مافيش نص ساعة...وجدنا السيارة خارجة و متعلق عليها ورقة (بإنتظار معاينة التأمين)...و إتركنت في الساحة اللي بره..قلت إيه ده؟ علطول كده؟؟؟روحت تاني للمهندس قولتله عايز المقايسة بقى...مكانش مصدق نفسه انها خلصت أصلاً..دخل جوه و جابهالي....و قولتله هابعتلك المهندس بكره إن شاء الله...

المهم عشان ماطولش عليكم...العربية بدأوا شغل فيها يوم الإثنين 3-5-2009...و خلصوا فيها السمكرة و كل الشغل المبدئي و وقفت علي حاجة واحدة...باب الشنطة...

روحت يوم السبت اللي بعديه أتفرج و أشوف إيه الإخبار...لاقيتها مركونة طبعاً و في إنتظار وصول الباب لأن مش هاينفع يتعمل فيها أي شغل بدونه...و وعدني المهندس إنه هايجي في خلال يومين بالكتير...

لن تتخيلوا كم المماطلة و الإنتظار الذي تحملته....و كم الوعود التي أخذتها في إنتظار وصول الباب المبجل...و كل ما أسمعه هو انه في المطار بإنتظار خروجه من الجمرك...

وصلت لذروة إنفعالي و غضبي في يوم السبت 6-6-2009...بعد شهر و السيارة مركونة بدون ان يوضع بها مفك واحد...قررت ان أبعث بشكوي للشركة الأم بكوريا...شرحت بها موقف السيارة و الفترة الطويلة التي إنتظرتها و انه كان من الممكن ان ينتهي العمل في السيارة و إستلامها في خلال إسبوعين علي أقصي تقدير...و في طلبي كتبت انه بجانب سرعة التحرك تجاه توفير باب الشنطة...طالبت بتعويض مناسب و تركته لتقديرهم الشخصي..

لم تمر 24 ساعة حتي وجدت إتصال هاتفي من م. ناصر...مديرعام قطع الغيار ب EIT...و قال لي إنه وصله الإيميل من الشركة و وعدني بأن الباب سيصل في اليوم التالي صباحاً...و سالته هل أتصل بك لأطمئن؟ قال لي لا يافندم....انا هاتصل بيك بينفسي أطمنك..

و بالفعل قام بالإتصال بي في ال10 صباحاً من اليوم التالي ليخربني ان الباب وصل و انه تم البدء تركيبه و إنهاء باقي الإعمال بالسيارة...شكرته طبعاً علي الإستجابة و سرعة التصرف

كنت قد أرسلت فاكس لمهندس الصيانة به بعض الأشياء التي كنت أرغب في عملها بالسيارة أثناء ما هي كانت مركونة و كانت كالأتي:

-تغيير القطاش و الغطاء البلاستيكي الخاصين بالبطارية
-مراجعة عصاية الفتيس لوجود صعوبة بالنقل
-طبه مسمار المساحات الأمامية (كانت واقعة)
-مراجعة صوت ونة خفيفة ظهرت بعد تركيب السيور بمركز خدمة القطامية...

المهم كلمني المهندس تاني يوم...قالي عملنالك جوب جديد بالحاجات دي...بس فيه مشكله ان حساس الTPS لازم يتغير لأن غلط كده...(انا كنت فاكه من العربية أساساً و ماشي من غيره) قلتله انا عارف انه محتاج يتغير...بكام عندكم؟ 650 جنيه!!!!..انا أصلاً سألت الجندي عليه لاقيته ب 175.....قلتله هاجيبهولك وانا جاي...

سابني شوية...ولاقيته بيكلمني تاني...قالي إحنا تعويضاً عن الفترة اللي انت إنتظرتها هانركبلك الحساس من غير فلوس و مش هاتدفع أي حاجة فيه...الصراحة إحترمتهم جداً في الحركة دي..و خلتني انسي تماماً اللي حصل...و أُحبطت مخططاتي لطلب تخفيض علي الفاتورة :)

خلصِت العربية بعد وصول الباب بالظبط في 4 أيام...و حددت معاد إستلامي لها يوم السبت 20-6-2009...

الحمد لله الشغل أفضل مما كنت متوقع...و مش باين عليها حاجة غير في حتت صغيره قوي...تقيمي 8.5/10

بس لمفاجأتي...وجدت العديد من الأشياء التي تم تغيرها بدون ان أتحمل أي مصاريف عليها مثل:

المساحات الأمامية و الخلفية
قطاش البطارية و الغطاء البلاستيكي + إضافة قفص حماية للبطارية
كف المراية اليمين (كان مكسور من قبل الحادثة)
القطعة الامامية من العتب اليمين
طبة مسمار المساحات
طبعاً بخلاف حساس الTPS

و كانت تفاصيل الفاتورة كالأتي:

إجمالي سمكرة و دهان 3150
رفرف امامي يمين 450
إكصدام خلفي 593
شاسية إكصدام خلفي 410
حامل إكصدام خلفي يمين 15
فانوس خلفي يمين 385
فجوة فانوس خلفي يمين 250
زجاج خلفي 785
جوان خلفي 110
فبر جنب خلفي داخلي يمين 250
شنطة 1665
كالون شنطة 125
هواية ظهر شنطة 50
سليكون زجاج 125

الإجمالي: 9199 جم

يزداد إقتاعي يوم بعد يوم بهذا التوكيل...و أنحني إحتراماً للراحل محمد نصير ...

فعلاً يا جماعة الواحد المفروض مايشتريش عربية بس...انت بتشتري حاجات كتير مع بعض...و أهمها و أقواها هو وكيلها...لأنه هايكون سبب حبك أو كرهك للعربية بعد كده

ربنا يحمي طريقكم و يبعد عنكم كل شر....

**de3bis** · 28-06-2009 01:01 AM

المشاركة الأصلية كتبت بواسطة NaderNabil

قررت ان أبعث بشكوي للشركة الأم بكوريا...شرحت بها موقف السيارة

الله يسترك محتاج ايميل الشركة الأم

ضرورى جدا و على وجه السرعة

28-06-2009 01:01 AM

مبروك الإصلاح بنسبة ترضيك و ده مهم جداً
إن شاء الله تكون آخر الحوادث

**ahmed_su** · 28-06-2009 01:01 AM

اولا :حمدا لله على سلامتك من الحادث

ثانيا: مبروك رجوع العروسة بالسلامة

ثالثا: اتوجه بالشكر لكل من يقوم بواجبه تجاه عميله

والحمد لله الناس بتوع كيا حتى الان ممتازين حتى لو كان

هناك تقصير فأنهم يتدراكوه... وانهم ايضا احسنو اختيار رجالهم

شكرا ل م. ناصر...مديرعام قطع الغيار رجل محترم يضاف

فى القائمة مع المهندس خالد فاروق.

وشكرا ليك يانادر لمشاركتنا تجربتك وان شاء الله مايكونش فيه حاجة وحشة تانى

**Hosam_Optrawy** · 28-06-2009 07:17 AM

توكيل محترم فعلا وبيقدر عملائه

عشان كدا ناجح وسمعته كويسه

**Sharky** · 28-06-2009 09:25 AM

الحمد لله ان السيارة اتصلحت و بنسبة ترضيك يا نادر

و فعلا لا كلام اكتر من الله يرحمك يا محمد نصير

**Hacker5** · 28-06-2009 02:03 PM

شىء متوقع من توكيل محترم
بس فى سؤال صغير
هو لازم الواحد يبعت ميل للشركة الام عشان التوكيل يبتدى يشتغل فى الحاجة؟
طب ليه مشتغلوش من الاول و مجرد ما الايميل راحلهم تانى يوم باب الشنطة كان موجود فى التوكيل؟
عايز حد يفهمنى

**NaderNabil** · 28-06-2009 05:38 PM

ده كان نص الشكوى اللي بعتها:

Complaint

Dear All;
Good Day;

I have left My Kia Picanto at EIT service center (Abo Rawash) on the 29th April 2009, in order to fix the rear end as it has been damaged in an accident, as I have been a loyal customer to EIT, and I trust their works and quality
I went again to see the progress on 9th May 2009, and found that they have finished the primary works on it; however, they stopped working because the tail gate is missing in their stock and they are waiting for its release from the customs at Cairo Airport, which -by their words- would come during the commencing week
Till the moment I’m writing this complaint, the tail gate has not been arrived yet, and there has been nothing made to the car since then, that’s more than 23 days, all what I’m getting is promises without an action. And please bear in mind that even after they receive the tailgate it would take an extra 10 days to completely finish the car
I think it is not acceptable to spend one month and a half without a car, for a medium damage that could have been fully repaired within15 days maximum

Request

In addition to taking an immediate action toward providing the tailgate
I think there should be a proper compensation for this delay from your side, and I'll leave that to your consideration

Thanks
Nader Nabil

الميل أهو يا بطل

لا للأوفر برايس

info@kia-world.net

ده الميل العام...
الأفضل تخش علي www.kiamotors.com
و تدوس علي contact us فوق علي اليمين و تختار المجال اللي عايز تسأل فيه...صيانة...مبيعات ...إلخ

شىء متوقع من توكيل محترم
بس فى سؤال صغير
هو لازم الواحد يبعت ميل للشركة الام عشان التوكيل يبتدى يشتغل فى الحاجة؟
طب ليه مشتغلوش من الاول و مجرد ما الايميل راحلهم تانى يوم باب الشنطة كان موجود فى التوكيل؟
عايز حد يفهمنى

غالباً الباب كان جاي أصلاً في نفس الوقت...حظي جه كده يعني ...
بس فعلا الإيملات دلوقتي بضت تعمل تربنة للتوكيلات في مصر...و مريحة جداً لينا كعملاء...مافيش بقي زعيق و وجع قلب و انا هاقفلكم المكان و هافضحكم في الجرايد و الكلام ده...
انت معزز مكرم بيجيلك حققك لحد عندك بدون أي مجهود سوي كتابة الشكوي...

لكن مش عارف ده حال جميع التوكيلات ولا محمد نصير فقط

-

-

الموضوع: توكيل كيا (eit)...و إحترام العميل!

LinkBack

أدوات الموضوع

عرض

توكيل كيا (eit)...و إحترام العميل! - انشر الموضوع فى :

-

-

-

-

المواضيع المتشابهه

متي يحترم العميل

توكيل تويوتا العميل مش مهم

تى إى داتا وعدم إحترام عملائها

وائل عباس العميل

الكلمات الدلالية لهذا الموضوع

المفضلات

المفضلات

ضوابط المشاركة