الموضوع: مفاجأه امبارح الصبح باييييييييييييخه قوى

امبارح الصبح نزلت من البيت الساعه10.3 الصبح ادور العربيه دارت بس لمبه الدينامو منوره علطول الله ايه اللى حصل
ما انا رجع بالليل يوم الجمعه زى الفل المهم قلت اروح اشوف الحكايه يدوب وصلت لباب الورشه وحلفت ماهى دايره
والبطاريه نامت
انا مركب دينامو لانسر 90 امبير المهم قسنا الدينامو طلع الكتاوت اتحرق وطبعا لازم نشترى واحد جديد او استعمال
المهم جبت واحد استعمال ب 200 ج ورحت للخراط عدل قواعد الدينامو والطمبوره الكلام ده خالص الساعه 3 تقريبا
وبدات مرحله التركيب 3 ساعات تركيب ونركب ونركب السير لا مش مظبوط عاوزه يتجلخ من ناحيه عاوز فتحه المسمار اوسع ومشاوير بقى من الخراط للورشه المهم على الساعه 6.3 اتركب دور عينك ماتشوف الا دخان كان العربيه بتولع
اطفى ياجدع
ايه اللى حصل اوعى يكون ماس وحده الكنترول تكون اتحرقت وقعه سودا نص ساعه على ماعرفنا ان الدينامو اصلا مابيلفش لان اللى ركبه قرص عليه فالطنبوره اتزنقت والسير بيلف بالعافيه نص ساعه تانى على ماتفك الدينامو
واتعدلت القاعده دور دارت مشاء الله فله
طيب نقفل ونركب المصفحتين اللى قدام تمام خلاص ياباشمهندش كله تمام
دور العربيه مابتردش
الساعه بقت كام 9 يادى المصيبه يمين شمال بص على فيش الحساسات لغايه ماقيتنا الباشا قطع سلك يونت التدوير
فكها الحم السلك
كام ياباشا خلى ياباشمهندس علشان خطرك 100 ج انت شوفت التعب
روحت وانا بعيط من البهدله والله يجازى الدينامو