السيارات المعاد انتاجها

**HESHAM AMIN** · 10-10-2007 11:38 PM

المشاركة الأصلية كتبت بواسطة إسلام شاهين

عقبال مصر ما تبدأ تصنع حاجة زي كده ز

بس أنا ليه ملاحظة :- إنت مش شايف إن العربيات ديه كلها رخيصة السعر وده بيبقى على حساب الجودة اللي هي كانت أساسا في العربية المتقلدة منها ؟

يعني مثلا السابا الإيراني هل جودتها زي البرايد الكوري ؟
هل البروتون زي الانسر البطة ؟
هل البيجو الإيراني الجديدة زي الفرنساوي ؟

اولا اللة ينور عليك يا استاذ ابو نورا
ثانيا ماتنساس يا استاذ اسلام ان العربيات دى بيبقى متشال منها قيمة الهاو نو بتاعتها الى هى قيمة الابحاث و التطوير و دى بتبقى مبلغ لاباس بة من قيمة العربية
واعتقد هوا دا فرق السعر الموجود + تكاليف الانتاج فالدول دى ارخص من اوربا وامريكا كتير

**ahmed1981** · 11-10-2007 12:08 AM

المشاركة الأصلية كتبت بواسطة إسلام شاهين

عقبال مصر ما تبدأ تصنع حاجة زي كده

بالنسبة للسيارة ال 128 في مصر وهي المظلومة بين كل القديم
واللي جمعوها ظلموها لأسباب كتير
ليه ما قدروش الطلب العالي عليها وطوروا العربية
ليه ما اشتروش خط إنتاجها بالكامل لما اتعرض عليهم من إيطاليا قبل ما يتباع ليوغوسلافيا
وكانت هتبقى مصرية 100%
ويغيروا فيها زي ما هما عايزين
ويصلحوا عيوبها المستعصية
أدينا بقينا بنجيب قطع غيار ال 128 من تركيا

جايز لو كانوا إشتروا خط الإنتاج لما إتعرض عليهم وأصبحت ال 128 مصرية 100% وكأني أتخيل الآن ال 128 المطورة بأيدي وعقول مهندسين مصر المتعطشين لتطوير أي حاجة حتى لو اسكوتر
جايز كانت مصر خشت في المقارنة بتاعت الأستاذ أبو نورا الآن

**Ahmed Anwer** · 11-10-2007 01:58 AM

يا أبو نورا معلهش اختلف معاك شوية
البرايد العصفورة دي في وجهة نظري الشخصية نموذج لتطور صناعة السيارات الصغيرة ، أنا فاكر تقريبا سنة 2000 كانت نازلة ب 22 ألف ، ساعتها كانت تريقة الناس و الناس قاللتلي خليك في المضمون هاتلك 128 كانت أرخص حاجة بسيطة ، طلعت عيني و صرفت عليها اللي ورايا و اللي قدامي و مبينفعش فيها حاجة في المقابل اللي جاب العصفورة هيص نعومة و تكييف و باور و تقريبا بدون أعطال و دلوقتي بتتباع ب 37 ألف
بالنسبة للعربيات المعاد تصنيعها أكيد حضرتك أدري عشان عندك تجربة ،، علي فكرة و انا بشتري كنت مهتم بالكيا سيابا بس صاحب معرض السيارات قاللي عادي اجيبهالك بس دي عربية (......) ،، و انه باعها لواحد عمال يعيطليه و يقولي الأوكره بتتلطع و الزجاج بيقع ...........و عايز يرجعها .........
أنا ممكن أحكم علي عربيتي الفيرنا أنا طبعا معرفهش الكوري كانت عاملة أيه ،، بس هيا فعلآ فيها شوية حاجات بسيطة نتيجة للجنوط المصري و يعني شوية عيوب تقفيل بسيطة ،، كانت عارف قبل ماشتريها و سألت ناس شغالة في غبور قاللولي عربية زي الفل بس هيبقي فيها شوية حاجات بسيطة هتضبط بسهولة في الضمان ،، فقبلت ال deal زي مما بيقولوا مقابل فرق السعر المحترم ، و هي اتضبطت بثلاثين جنية عند حبيبك درش :D :D زوابا و ترصيص ،،علي فكرة هوا و اخو عادل بيشكروا في حضرتك أوي :D :D
مع الأخذ في الإعتبار إن الإكسنت 2004 اللي هيا الفيرنا عربية عريقة شوف اللينك ده
http://www.jdpower.com/corporate/new...spx?ID=2006133
واخدة تاني أكثر سيارة إعتمادية في أمريكا و ده إختبار بيتم بعد ثلاث سنين للإستخدام
غير جايزة أفضل سيارة صغيرة عامين علي التوالي في إستراليا و الأكثر مبيعا في فئتها في أمريكا
يعني الأصل مضمون تماما ،،
هتسألني السؤال التقليدي ، طب لو كان معاك فلوس أكتر ،، كنت برده تشتريها ؟
أقولك دلوقتي اه ، أنا كان ممكن أوصل لرنج 90 ألف ، بس بالضغط ، و كنت بفكر في الأوبترا و الياريس الأتوماتيك
و بعد ماشتريتها قعدت شوية الوم نفسي و قول ايه المشكلة مكنت تهيص نفسك (في وجهة نظري فرق صالون و شكل حديث مش أكثر)
لحد ماخدت خبطة في الإكصدام الفيبر و لا شفتها و لا شفت اللي عاملها فبعدها قلت والله أنا كان معاي حق ،، اه لو كنت جبت عربية باحلم بيها و دفعت اخر قرش معاي فيها كان زماني قاعد متحسر ، البلد دي مينفعش فيها غير يدوب العربية الكويسة المريحة اللي تأدي الغرض و شرا العربيات ده كده كده خسارة فلوس
اسف للإطالة

**Ahmed Anwer** · 11-10-2007 02:07 AM

بالنسبة لحكاية ال 128
يا أخ أحمد
تفتكر عقلية الشعب المصري زي الشعب الهندي اللي عربيته الوطنية دي

بيصنعوها من سنة 59 :?: :?:
و بقت عربية هندية 100% ، هي أساسا عربية انجليزي اسمها موريس فضلوا وراها من سنة 59 لحد مابقت سيارة الهند الوطنية ممكن تشوفها كتير في الأفلام الهندي ،،
بس إحنا مش عمليين زيهم تأثرنا بالخليج خلانا بندور علي الترف و العنطزة

11-10-2007 02:09 AM

المشاركة الأصلية كتبت بواسطة Ahmed Anwer

لحد ماخدت خبطة في الإكصدام الفيبر و لا شفتها و لا شفت اللي عاملها فبعدها قلت والله أنا كان معاي حق ،، اه لو كنت جبت عربية باحلم بيها و دفعت اخر قرش معاي فيها كان زماني قاعد متحسر ، البلد دي مينفعش فيها غير يدوب العربية الكويسة المريحة اللي تأدي الغرض و شرا العربيات ده كده كده خسارة فلوس
اسف للإطالة

يا باشا ولا يهمك اسمحلي انا بقي اللي اتفق معاك تماما في كل اللي قولتة انا شايف اننا متفقين تماما فيه فرق بين العربية الاصلية والمعاد تصنيعها بس بالمقارنة بالسعر وتوفر قطع الغيار وبلدنا اللي عايزة مدرعات تمشي فيها الحسبة لصالح المعاد تصنيعة ولا ايه ؟

**Ahmed Anwer** · 11-10-2007 02:13 AM

يا باشا ولا يهمك اسمحلي انا بقي اللي اتفق معاك تماما في كل اللي قولتة انا شايف اننا متفقين تماما فيه فرق بين العربية الاصلية والمعاد تصنيعها بس بالمقارنة بالسعر وتوفر قطع الغيار وبلدنا اللي عايزة مدرعات تمشي فيها الحسبة لصالح المعاد تصنيعة ولا ايه ؟

+ 1000
بس تبقي بالحد المقبول من الجودة و الراحة و تلبية إحتياجات اللي شاريها

**إسلام شاهين** · 11-10-2007 02:15 AM

المشاركة الأصلية كتبت بواسطة ahmed1981

المشاركة الأصلية كتبت بواسطة إسلام شاهين

عقبال مصر ما تبدأ تصنع حاجة زي كده

بالنسبة للسيارة ال 128 في مصر وهي المظلومة بين كل القديم
واللي جمعوها ظلموها لأسباب كتير
ليه ما قدروش الطلب العالي عليها وطوروا العربية
ليه ما اشتروش خط إنتاجها بالكامل لما اتعرض عليهم من إيطاليا قبل ما يتباع ليوغوسلافيا
وكانت هتبقى مصرية 100%
ويغيروا فيها زي ما هما عايزين
ويصلحوا عيوبها المستعصية
أدينا بقينا بنجيب قطع غيار ال 128 من تركيا

جايز لو كانوا إشتروا خط الإنتاج لما إتعرض عليهم وأصبحت ال 128 مصرية 100% وكأني أتخيل الآن ال 128 المطورة بأيدي وعقول مهندسين مصر المتعطشين لتطوير أي حاجة حتى لو اسكوتر
جايز كانت مصر خشت في المقارنة بتاعت الأستاذ أبو نورا الآن

طيب يا باشمهندس أحمد ما احنا عندنا الشاهين المفروض إنها مصري بص عليها عامله إيه ؟

جوز اختي كان شاريها موديل 2007 زيرو عمل بيها 15000 كيلو مروح من عندن في يوم الكهربا عملت قفله والموتور ولع منه بس ربنا ستر نزل تاني يوم باعها وجاب كرولا طبعا ده إن دل على شيء يدل إن عمر المصري ما هيفضل طول عمره مصري .

**ahmed1981** · 11-10-2007 02:47 AM

المشاركة الأصلية كتبت بواسطة إسلام شاهين

طيب يا باشمهندس أحمد ما احنا عندنا الشاهين المفروض إنها مصري بص عليها عامله إيه ؟
جوز اختي كان شاريها موديل 2007 زيرو عمل بيها 15000 كيلو مروح من عندن في يوم الكهربا عملت قفله والموتور ولع منه بس ربنا ستر نزل تاني يوم باعها وجاب كرولا طبعا ده إن دل على شيء يدل إن عمر المصري ما هيفضل طول عمره مصري .

الشاهين مش مصري وإنما تجمع بترخيص (قص ولزق) من تركيا أو يغوسلافيا (مش فاكر)

يعني في النهاية هي تجميع ليس لك أن تعدل فيها لزقة وأضف لذلك رداءة وسوء التجميع المصري (قلة مهارة العمالة وقلة الضمير من الإدارة)

لكن لو حد إشترى خط إنتاج الشاهين أو ال 128 من زمان هو نفسة هيطور لأنه بقى ماله ولو خسر هو اللي هيفلس وهيضطر ينافس بالجودة وهيحاسب موظفينه
وقتها ممكن نحكم نقول السيارة المصري الخالصة حلوة ولا لأ

**eng_mkhalaf** · 11-10-2007 09:58 AM

موضوع جميل ومتخافش يا عم مفيش خناق أنا أتعودت خلاص - بس أنت نمسيت الشيرى A11 فى المقارنة مش مهم - بس أنا شايف من كلامكم عن الشاهين أنا الشيرى أحسن وهو دة إللى أنا عمال أقولة من قرن وحدش مصدق الصراحة الشاهين أحسن فقط فى قطع الغيار غير كدة لا

**tutankhamoun** · 11-10-2007 10:06 AM

المشاركة الأصلية كتبت بواسطة إسلام شاهين

المشاركة الأصلية كتبت بواسطة ahmed1981

المشاركة الأصلية كتبت بواسطة إسلام شاهين

عقبال مصر ما تبدأ تصنع حاجة زي كده

بالنسبة للسيارة ال 128 في مصر وهي المظلومة بين كل القديم
واللي جمعوها ظلموها لأسباب كتير
ليه ما قدروش الطلب العالي عليها وطوروا العربية
ليه ما اشتروش خط إنتاجها بالكامل لما اتعرض عليهم من إيطاليا قبل ما يتباع ليوغوسلافيا
وكانت هتبقى مصرية 100%
ويغيروا فيها زي ما هما عايزين
ويصلحوا عيوبها المستعصية
أدينا بقينا بنجيب قطع غيار ال 128 من تركيا

جايز لو كانوا إشتروا خط الإنتاج لما إتعرض عليهم وأصبحت ال 128 مصرية 100% وكأني أتخيل الآن ال 128 المطورة بأيدي وعقول مهندسين مصر المتعطشين لتطوير أي حاجة حتى لو اسكوتر
جايز كانت مصر خشت في المقارنة بتاعت الأستاذ أبو نورا الآن

طيب يا باشمهندس أحمد ما احنا عندنا الشاهين المفروض إنها مصري بص عليها عامله إيه ؟

جوز اختي كان شاريها موديل 2007 زيرو عمل بيها 15000 كيلو مروح من عندن في يوم الكهربا عملت قفله والموتور ولع منه بس ربنا ستر نزل تاني يوم باعها وجاب كرولا طبعا ده إن دل على شيء يدل إن عمر المصري ما هيفضل طول عمره مصري .

الشاهين ليست سيارة مصرية ....... فلم يتم لا تصميمها و لا تصنيعها في مصر
إنما هي سيارة تجميع بمساعدة مصنع توفاس التركي الذي أشترى ترخيص السيارة 131 الفيات و عدلها إلى هذا الشكل و الموتور مصنوع في تركيا و مصنع النصر عليه التجميع و صناعة الصاج و بعض الأشياء الأخرى
و بعدين مشكلة الكهرباء اللي حصلت دي ممكن تحصل في أي عربية
بس هو علشان الناس أصلا في دماغها عفريت أسمه الصناعة المصرية فلا تقبل أي عيب فيها
أما السيارات الصيني مثلا فمليئة بالعيوب و لا أحد يتكلم و الناس بتدافع عنها
و السيارات الفورد كانت بتنزل موديل مش فاكره في أمريكا و أتسحب كله من السوق علشان كان فيه عيب في التصميم وكان يتسبب في الحوادث عن الانحناءات
يعني من الأخر المشكلة دي مشكلة نفسية أكثر منها مشكلة فنية
و ربنا يهدينا و نشتري منتج بلدنا الكويس و كفاية بقى تشجيع الأحنبي على حساب بلدنا
لو كل الناس تمشي بمبدأ شراء المستورد ........ طيب ما نجيب أمريكا تحتلنا و تصنع كل حاجة و خلاص بقى نريح دماغنا و نقفل المصانع المقامة في مصر و نبقى مجرد عبيد عند الناس