الموضوع: السيارات المعاد انتاجها

المشاركة الأصلية كتبت بواسطة ahmed1981

المشاركة الأصلية كتبت بواسطة tutankhamoun

بس هو علشان الناس أصلا في دماغها عفريت أسمه الصناعة المصرية فلا تقبل أي عيب فيها
أما السيارات الصيني مثلا فمليئة بالعيوب و لا أحد يتكلم و الناس بتدافع عنها .....
يعني من الأخر المشكلة دي مشكلة نفسية أكثر منها مشكلة فنية
و ربنا يهدينا و نشتري منتج بلدنا الكويس و كفاية بقى تشجيع الأحنبي على حساب بلدنا
لو كل الناس تمشي بمبدأ شراء المستورد ........ طيب ما نجيب أمريكا تحتلنا و تصنع كل حاجة و خلاص بقى نريح دماغنا و نقفل المصانع المقامة في مصر و نبقى مجرد عبيد عند الناس

شيء طبيعي إن أي واحد في مصر هيشتري صناعة بلده الجيدة قبل التفكير في المستورد
ولكن إذا رأى أن أحد الصانعين يستغل حماية الجمارك ليسرق ما في جيوبنا ويعطينا سلعاً معيوبة فهذا ليس له إلا المقاطعة حتى يتعلم الأمانة وإذا قبلت غشة وإشتريت منه لكونه مصري فأنا أشجع الفساد

أضرب لك مثال تلفون لاسلكي صناعة مصرية إسمه بينجو تقريباً وفيه إظهار رقم الطالب إشتريته وقلت خلينا في المصري وعند التجربة في البيت لم يظهر رقم الطالب وإتصلت بخدعة أقصد خدمة العملاء قالوا لي أصلة نظام رقم الطالب بتاعه مش متماشي مع السنترال قلتلهم يا جماعة طب إنتوا بتصنعوه في مصر وعارفين إنه مش هيظهر رقم الطالب أمال ليه بتقولوا عليه إظهار(قصروا معايا وقفلوا)
رجعت للمحل اللي إشتريته منه (جاب الله) قاللي لو عايز ترجعو رجعوا قلت له خده مش عايزه
وزي بتاجازات يونيفرسال (صناعة مصرية) بعد أسبوع تلاقي كوتش الباب إتحرق نتيجة للغش في نوعية هذا الكوتش وأمثلة كثيرة أخرى

مش معنى إني أشجع صناعة بلدي إني أشجع الحرامية والغشاشين
وبالعكس الصناعة المصرية الجيدة المستهلك المصري يقوم بسحبها بالكامل من الأسواق بدون مبالغة وتجد عليها طلب رهيب زي (النساجون & عصفور & الهلال والنجمة & بتشينو كهرباء & سيراميك وبورسلين وغيرهم كثير)

فمن البديهي إن أي مصري يجد منتج مصري جيد يقوم بشرائه فوراً ولا حاجة له بالمستورد

شكرا اخي الكريم على المداخلة الجميلة و توضيح وجه نظرك
على فكرة التليفون البينجو ده معايا منذ 8 سنوات و شغال زي الفل لغاية دلوقتي و بيظهر رقم الطالب !!! ....... حتى البطارية لم أغيرها مطلقا ....... أما بالنسبة لبعض المنتجات الأخرى التي بها عيوب ......... فأنت عندك حق تماما فيما تقول لأنك مش هاترمي فلوسك في الأرض
بس أنا أقصد إن الناس لازم تدور على المنتج الكويس و تشتريه علشان ده أقتصاد بلدنا وولدنا
و لو أحنا مش بنشري المصري و يكون غريب في مصر مين اللي هايشتريه
و لو المصانع المصرية قفلت هاتلاقي نسبة بطالة عالية جدا ........ و في نفس الوقت تخرج فلوسنا إلى الخارج بدل ما تدور في البلد
و عيد سعيد عليك

حذفت للتكرار ........... آسفين جدا
حذفت بواسطتي ........ tutankhamoun

المشاركة الأصلية كتبت بواسطة tutankhamoun

بس أنا أقصد إن الناس لازم تدور على المنتج الكويس و تشتريه علشان ده أقتصاد بلدنا وولدنا
و لو أحنا مش بنشري المصري و يكون غريب في مصر مين اللي هايشتريه
و لو المصانع المصرية قفلت هاتلاقي نسبة بطالة عالية جدا ........ و في نفس الوقت تخرج فلوسنا إلى الخارج بدل ما تدور في البلد و عيد سعيد عليك

أتفق معاك 100 %