الاخـــتيار الصعـــب فى زمن الاوتوماتيك .!!!!!!!!

**ahmed1981** · 11-10-2007 06:18 PM

المشاركة الأصلية كتبت بواسطة وائل عطية

بصراحة وبعد تجربة طويلة مع المانيوال أقدر إني أقول " يغور " المانيوال :lol: (وآسف في اللفظ) طالما ساكن في القاهرة
فليسقط المانيوال..وليحيا الأوتوماتيك :lol:

وأنا معاك يغور المانوال في القاهرة وأهلا بالأوتوماتيك الجيد في زحمة القاهرة

**Ahmed Anwer** · 11-10-2007 06:32 PM

أتوماتيك طبعا ،،،، يغور المانيوال أكيد ........
أحب أضيف ميزة اخري للأتوماتيك غير الراحة في الزحام
أي عربية مهما كان نوعها مع الأتوماتيك بتحس إنها مرسيدس ،، لأن خلاص إنتا و لا بتحس بنعومة و لا بخشونة و لا كركرة عشان النقلة مش مضبوطة و لا و لا ولا .....
تدي D زي الباشا و تركز بعد كده مع الفرامل و البنزين بس
الكلام ده عن خبرة عشان عندي فيرنا أتوماتيك حاليا و قبلهم نوبيرا أتوماتيك موديل 2001 و سويفت هاتشباك 1000CC lموديل 92 ،،
و زي مانتوا شايفين كلهم مش العربيات الوهمية ،، بس الأتوماتيك بيخليهم ممتعين جدا

**hamo2007** · 11-10-2007 09:59 PM

هل هناك اختلاف فى استهلاك البنزين بين المنيوال والاوتوماتيك وما هو الفارق؟
هل الاوتوماتيك به مشاكل والمنيوال اقل مشاكل؟ وماهى ؟

حروف الاوتوماتيك ماذا تعنى؟ يعنى يا ريت حد يكتب الحرف ووظيفته. ده طبعا لو سمحتم وذلك للافادة الخاصة والعامة.

**ahmed1981** · 11-10-2007 10:52 PM

المشاركة الأصلية كتبت بواسطة hamo2007

هل هناك اختلاف فى استهلاك البنزين بين المنيوال والاوتوماتيك وما هو الفارق؟

نعم هناك فرق بسيط لصالح الفتيس العادي (الأوتوماتيك بيستهلك أكثر نظرياً) والفرق بسيط
لكن هناك دراسة مؤخراً توصلت إلى أن الفتيس الأوتوماتيك أوفر في إستهلاك البنزين نتيجة أنه أقل إنفعالية وأكثر سلاسة ويتعامل مع المحرك بواسطة وسادة الزيت الرفيقة بالمحرك

المشاركة الأصلية كتبت بواسطة hamo2007

هل الاوتوماتيك به مشاكل والمنيوال اقل مشاكل؟ وماهى ؟

الإثنين بهم مشاكل على حسب نوعهم ومدى المواظبة على صيانتهم ولكن الفتيس العادي أطول في العمر الإفتراضي وقابل للإصلاح لو حدث به مشكلة
قد يظهر أن الأوتوماتيك به مشاكل أكثر ولكن هذا نتيجة بعض أنواع الفتيس الأوتوماتيك الرديئة بالإضافة لأنه لو حدث به عطب فهو غير قابل للإصلاح ولابد من تغييره
وأهم ما في صيانة الأوتوماتيك هو تغيير زيته في المعاد المحدد وكذلك تغيير فلتره في المعاد المحدد

المشاركة الأصلية كتبت بواسطة hamo2007

حروف الاوتوماتيك ماذا تعنى؟ يعنى يا ريت حد يكتب الحرف ووظيفته

R ـــــــــــــــــــــــــ ـــ = مارشيدير
D ـــــــــــــــــــــــــ ـــ = القيادة العادية للأمام
1 & 2 & 3 & L ــــ = القيادة على نقلات منخفضة في الطرق الصعبة والمطالع
p ـــــــــــــــــــــــــ ـــ = الوقوف

**Adham** · 11-10-2007 11:19 PM

المشاركة الأصلية كتبت بواسطة hamo2007

هل هناك اختلاف فى استهلاك البنزين بين المنيوال والاوتوماتيك وما هو الفارق؟
هل الاوتوماتيك به مشاكل والمنيوال اقل مشاكل؟ وماهى ؟

حروف الاوتوماتيك ماذا تعنى؟ يعنى يا ريت حد يكتب الحرف ووظيفته. ده طبعا لو سمحتم وذلك للافادة الخاصة والعامة.

لا شك ان الاوتوماتيك بيستهلك بنزين اكتر لأن قربة الاوتوماتيك حمل عالموتور( للفتيس الاوتوماتيك نفسة يعتبر Load عالموتور فبيخلية يستهلك بنزين اكتر
بالاضافه ان العربيات الاوتوماتيك بتستهلك تيل فرامل اسرع من المانيوال

الفتيس المانيوال اعطالة اقل و إصلاحها أسهل و أرخص و معروف للميكانيكية و قطع غيارة متوفرةو الفتيس نفسة بيتجاب استيراد مضمون و بسهولة و ارخص , عكس الاوتوماتيك

P=Parkingالركن = وضع التعشيق الكامل للفتيس (بيحجر العربية و مايخليهاش تتحرك)
R=Reverse المارشدير
N=Nutral المور
D4= Over drive بيدي غيارات الفتيس كلها لغاية الآخر سواء الرابع او الخامس او السابع
D3= Drive بس للغيار التالت بس (لمعظم العربيات السبور)
2العربية تمشي عااول و بعدين تجيب االتاني و بس
L or * or 1=العربية تمشي عالغيار الأول فقط

**hamo2007** · 11-10-2007 11:20 PM

الله يبارك فيك كنت على وشك اختار الاوتوماتيك كتر خيرك الواحد مش عارف من غيركم ممكن يعمل ايه الله يبارك فيكم

**doublerisk** · 11-10-2007 11:23 PM

الاوتوماتيك فعلا افضل في زحمة القاهرة وبدا ينتشر بشكل ملحوظ

**Adham** · 11-10-2007 11:23 PM

ملحوظة هامة: ان العربية لو هيه هيه و بنفس الموتور و السعه اللترية و نازل منها مانيوا و اوتوماتيك بتلاقي المانيوال تجميعها اسرع شوية و السرعه القصوى برضة ازيد شوية

و ملحوظة تانية: ان بعض العربيات السبور قوي بتنزل بفتيس اوتوماتيك و دة مايقللش من ان العربية سبور مثل البروش كاريررا و الفولكس الكورادو و العديد من العربيات الأمريكية و بعض الالماني مثل المرسيدس ال SLK

**hamo2007** · 11-10-2007 11:26 PM

كل عام وانت بالف خير العيد عندنا فى الاسكندرية يوم السبت مش عارف فى القاهرة امتى ! كل عام وانتم بالف خير

**hamo2007** · 11-10-2007 11:34 PM

والله لحقتونى كنت خلاص على وشك اوصل لمرحلة انى امشى اضرب الناس فى الشارع الحمد لله كده توصلت الى ان المنيول افضل واطول عمرا و ارخص سعرا وكمان بيحسس الواحد انه بيسوق لان الواحد لما بيبقى شاغل تفكيره فى النقل بيفضل صاحى اما الاوتوماتيك هيخليك توخم وتنام وانت سايق. وكمان عرفت بانه الافضل من كل اتجاه من حيث السرعة وقطع الغيار والاعطال .....الخ . انا تعبتكم جدا شكرا لكم واتمنى لكم من كل قلبى عيد سعيد لانى بفضل الله وبفضلكم وبعد الاستخارة ان المنيوال افضل وشكرا لكم مرة اخرى..

حمو الذى نجا من الغرق فى بحر التفكير ومحيط الحيرة .