برضه ده حل مؤقت و ليس جذري .
الحلول الجذرية اللي تحل المشكلة من جذورها و أساسها .
أنا ليه أصلا أدب مشوار من اسوان مثلا علشان أروح أخلص مصلحة في دائرة حكومية ( و ياريتها بتخلص )
دول لازم يشحطاطوك و يجيبوك و يودوك يمين و شمال لمدة كام يوم .
الحل هو ........ تخفيض عدد موظفين الحكومة بنسبة لا تقل عن 75 % و ميكنة النظام مثل الدول المتقدمة
هاديك مثال :
لما كنت أحب أبيع أو أشتري عربية في بريطانيا
كنت بعمل أيه ؟؟
أشوف اعلان و أكلم الراجل و أتفق معاه على مشاهدة العربية على الطبيعة و تجربتها .
و بعد الأتفاق على السعر ..... بيتم توقيع عقد موحد ادارة المرور عاملاه لكل الناس و لكل العربيات .... و كل مالك عربية عنده العقد ده نصين ......
نص فاضي ..... و النص التاني عليه بيانات المالك الحالي .
و النص الفاضي علشان لما أفكر أبيع العربية .
المهم .....
بعد الأتفاق على السعر .
و أحنا قاعدين في بيتنا معززين مكرمين .
المالك القديم يملى العقد أمامي ...... و يأخد فلوسه و أخد العربية ...... و أمشي .....
و بعدين المالك القديم يبعت العقد لادارة المرور .....
بعدها بيومين ..... العقد الجديد بيجي على البريد
و فيه نصين
نص فاضي و نص فيه بيانات المالك الجديد اللي هو أنا .......
و لا شهر عقاري ....... و لا مرور ........ و لا نصب ..... و لا روحت أي حتة غير أني أشوف العربية و أجربها .
و أدام العربية مدفوع ضرائبها ...... لا يتم الدفع من جديد .
و أدام العربية معاها شهادة السلامة الفنية ...... لا أحتاج إلى شهادة جديدة .
و كمان موضوع المخالفات ...... من يوم توقيع العقد بيني و بين المالك القديم .......
أنا غير مسؤال نهائيا عن أي مخالفات تمت قبل ذلك الوقت و هو المسؤل الوحيد عنها و يتم انزالها على ملف رخصته هو و ليس السيارة ...
يعني أشتريت عربية ...... من غير ما أروح مرور و من غير ما أتشحطط و ألف حوالين نفسي .
طيب لو عايز أجدد جواز السفر مثلا ( للبريطانيين )
أدخل على الأنترنت أنزل استمارة التجديد .
أملاها ....... و أدخل بيانات الحساب البنكي .
و بعدين أبعتها للادارة المسئولة .
في خلال عشرة أيام ...... جواز السفر الجديد بيجلي لغاية البيت و أستلمه من غير ما أروح أي مكان .
و لا أتحرك من بيتنا .......
الكلام ده بينطبق على كل شئ .
كل شئ هناك بالبريد بيخلص من غير ما تروح أي مكان .
عدد الموظفين الحكوميين هناك حوالي 700 ألف موظف
بيخدموا 65 مليون نسمة .
هنا في مصر 6 مليون موظف بيخدموا 80 مليون و ياريتهم بيطلعوا انتاج اداري محترم .
و تلاقي وقتك ضايع و مصاريف سفر و زحام و تخلف و خناقات ووجع قلب .
سمعت موظف في وزارة التنمية الادارية بيتكلم و بيتفاخر أن مصر أكبر جهاز حكومي في العالم !!!!
لا تعليق طبعا .
أمريكا اللي عدد سُكانها 260 مليون نسمة
بيخدمهم 900 ألف موظف حكومي فقط لا غير .
و هناك خدمات خدمات .......... مش هنا !!!!!
عاملين بالظبط زي المرور
عنده مُشكلة بدل ما يحلها يشوفلها مُسكن لمدة كام سنة .
زي الكباري و الأنفاق ........ و صرف الفلوس على مُسكنات بدون ايجاد حلول جذرية و كمان تلاقي مثلا المرور عارف ان احنا شعب همجي و مش بنحب النظام
فبدل ما يجبرنا نقف في اشارة ...!!!
يقوم محول كل الاشارات إلى التفاف أو منعطفات أو كما يسموها العامة .... يو ترن .
و طبعا واضح جدا ان المنعطفات دي خراب و تخلف لأن كمان المصريين مش بيحبوا الأنتظام
فتلاقي واحد جاي من أقصى اليمين علشان يأخد منحنى شمال من أدام كل الناس اللي واقفة في الحارة اليسرى
و تحيا ج ع ع ...............................
المفضلات