اقتباس المشاركة الأصلية كتبت بواسطة mo7a_mo7a مشاهدة المشاركة
علي فكرة هو ده المطلوب
لان السواقة مسؤلية كبيرة مش لعبة



الهدف في الاول هو جذب الناس اللي غاوية تتعلم سواقة بجد وعندها استعداد
انما الهدف علي المدي البعيد هو التعميم وان ده يكون النظام القياسي المصري
جميل أوى الكلام نظريا لأنك ممكن تجذب أعضاء كتير من نايل موتورز و لو حتى بدافع الفضول
بس التعميم و إنه يكون النظام القياسى المصرى تفتكر هى الدولة دى ممكن على المدى البعيد و لا المدى المستحيل حتى تطبق فيها حاجة زى دى.
انت قلت بنفسك فى فقرة من كلامك [overline]لو كان بيمتحن أصلا[/overline]
يبقى لما التعليم و المواصفات و الامتحانات تبقى بتتطبق على الكل أصلا قبل مايطلعوا رخصة نبقى نفكر نعمل تحسينات عليه ما تنساش إن حوالى 90% تقريبا بدون مبالغة ما سمعوش أصلا يعنى امتحان عشان ياخدوا الرخصة و حتى مابقتش محتاجة دلوقتى إنك تعرف ظابط جوة ده انت لو تعرف فراش فى المرور أو حتى بتاع الشاى اللى بيشربوا العساكر من عنده فى الشارع هتطلع رخصة.
أنا متفق تماما مع أستاذ توت اللى حضرتك بتستشهد برأيه فى إننا عايشين فى ج ع ع