الموضوع: تقييم اليارس وصيانة الالف

المشاركة الأصلية كتبت بواسطة alisleman

ذهبت يوم الخميس لصيانة الالف كيلو فى توكيل ابورواش الصراحة ابورواش افضل كتير من القطامية فى كل حاجة المواعيد و مشاهدة السيارة من صالة عرض امامك وهما شغالين فيها غير القطامية اللى متعرفشى حاجة عن العربية غير لما تستلمها + المعاملة ممتازة
العربيه اخدت ميعاد استلمها الساعة 3.30 استلمتها 3.00
فى القطامية خدت ميعاد استلمها الساعة 4.30 استلمتها 5.40
التقييم
اول مركبت العربية حسيت انى راكب كورولا 2007 مع الفرق ان العربية واسعة من جوة والعداد فى منتصف التابلوة

اولا العربية فى مجاملها فوق الممتازة لان ببساطة مميزاتها اكتر من عيوبها

انا شايف العيوب من وجهة نظرى مقدور التغلب عليها وهى السرعة العالية
فوق 120 لان بصراحة العربيه ثباتها على الطريق مش حلو اوى

العداد اللى الناس بتقول عليه من اهم العيوب
انا شايف ان هيا حاجة جديدة وجميلة جدا وروية العداد ممتازة جدا لمرمى البصر
و
وبالنسبة لانذار السرعة لا يعنى بشىء

زوايه العربيه كانت تعبانى فى الاول ومش بعرف اركن ولا اكنى بتعلم لسه اتعودت عليها وحفظت العربيه بسهولة جدا وانا فى اعتقادى اى عربية مهما كانت نوعها لازم فى الاول تتعود عليها فى الركوب والمشى والركن كمان

ودى كلها عيوب لا تذكر

المميزات
المميزات كتير تحكم فى العربيه على الطريق فوق الخيال
تحس انك راكب فى عربية كبيرة من جوة لدرجة ان اهلى وكل اللى ركبه معايا بيقولولى انها اوسع من عربيتى اللى فاتت الانسر 2007
العداد فى منتهى الشياكة شيك جدا جدا جدا جدا جدا
انذار لفرامل اليد مش موجودة فى عربيات كتير
تدوير العربيه من لمسه انا مشوفتهاش فى اى عربيه خالص
التقفيل ممتاز جدا يابانى بقى تقدر تقول حاجة
العفشة ممتازة جدا مع الشوارع المصرية
العربيه فى النيو تيرن والمراوغات على الطريق مثاليه جدا
الفرامل بتلحقك فى حاجات كتير بكلبشتها فى الارض
التكييف تلاجة
باور الطارة ممتاز جدا خفيف جدا والعربيه سرعتها هادية وبيتقل حبه حبه فى السرعات العاليه علشان التحكم فى العربيه



لو انا نسيت حاجة معلشى الاعضاء يكملوها

تم تغيير اللون الاحمر الى الازرق.
نرجو عدم استخدام اللون الاحمر حيث انه مخصص للمشاركات الاداريه

علي فكرة موضوع الثبات أيضا أفتراء , العربية ثابته جدا جدا في الملفات و ده أتأكدت منه خلال سفري الكثير بالعربية و لكن عيبها خفة وزنها تجعلها كالريشة تتلاعب بها الرياح علي الطرق و ساعتها ماتقدرش تزود عن ال 100 كم/ساعة و ده شئ طبيعي و أتأقلمت عليه خلاص