الموضوع: حملات مكثفة لتعقب السيارات المزودة بالزينون

انت عندك حق في اللي بتقولة ... بس بدل ما يبقى الضابط له هو منعة يكون تقنينة

بحيث يكون الفحص مش عشان يتاكد من انك شلتة و لاكن يتاكد انك ضبطة صح بحيث ما يؤذيش حد

انا عن نفسي مأدرش استغنى عن الزنون لاني بسافر على الصحراوي كتير و بيبقى مريحني و مطمني شوية من الطريق

قمه الغباء بصراحه ......... وبدون ادنى مبالغه ....... الزينون بقى كشافات خطيره !!!!!!!!!!!!!!!
الزينون لو متركب صح ... بيبقى احسن من النور العادى ....... لانه بيكون متركز على الطريق ومش مشتت ....
بلد غريبه ومسؤلين غير مش فاهمين اى حاجه فى اى حاجه !!!!!!!!!!!!
انا عماتا معنديش زينون ..... بش شايف انه مهم جدا .. بس لازم يتركب صح .

فين السجن .؟ ما يسجنونا بالمره :d

المشاركة الأصلية كتبت بواسطة محمد البحيري

انا معاك مقولتش حاجه وكمان طريق الاسكندريه بليل احسن بكتير من طريق العريش بليل ولكن معلش واحده واحده الا لو انت اصلا مش شايف اي تحسين او علي الاقل مش مقتنع ان في تحسين بيحصل
القصد انه محدش معاه عصايه سحريه ممكن يصلح كل حاجه في ثانيه وربنا يلطف بينا
ولعلمك انا مستاء اكتر منك ولكن مواجهه الامر الواقع والرؤيه الموضوعيه افضل من الهجوم ولا انت رايك ايه؟

فكرتنى بكلام محمد صبحى فى مسرحية الهمجى تقريبا لما كان بيقول لحورية مراته(سعاد نصر) لما كل واحد يولع شمعة بدل ما نلعن الضلمه حانبقى شعب منور و للعلم المسرحية دى كانت بتسخر من اوضاع البلد يعنى لو مثلا المسرحية دى معمولة من 17 و لا 18 سنة يبقى المشكلة دع بقالها اكتر من كده تخيل ؟!!!!
يبقى حرام كفاية كده و لا ايه ؟؟؟

علي فكرة انا بعدي علي لجان كتير و ماحدش قال علي الزينون حاجة

بصوا ياجماعة وسامحوني في اللي هاقوله ده رغم ان قانون المرو الجديد فيه فعلا قرارات سخيفة وبلهاء وعقوبتها اكتر من خطأ المخالفة إلا انهم عندهم حق جدا في النقطة بتاعة الزينون ده.
انا لسة بسوق جديد والحمد لله نظري 6/6 ومعنديش اي مشاكل في نظري والحمد لله أوعوا حد يحدسني (الله اكبر يعني )
قبل ماسوق وانا ماشية في الشارع مكنش بيفرق معايا اي نور لعربية ولا زينون ولا غيره كنت بمشي عادي جدا ، بس لما سوقت العربية بالليل حسيت بكارثة كبيرة اوي بسبب الزينون والنور العالي فعلا لإن الإضاءة العالية دي لما بتيجي في وشك وفي ازاز العربيه اللي انت سايقها بيعمل انعكاس فظيع وبيعمي الواحد فعلا لفترة قد تكون بسيطة جدا بس ممكن تسبب كارثة كبيرة اوي وبيشتت انتباهك جدا
ومش فاهمة ليه الناس بتركب الزينون اللي مش أصلي ده مع ان في حاجات افيد للعربية كتير من الإضاءات الهبلة دي (هو فرح يعني) وليه برده الناس بتنور العالي في طرق عادية مش طرق سفر ويقعد يقلبلك نور في وشك حتي لو انت بعيد عنه ماهو كده بيعميك وممكن جدا تخبطه غصب عنك.
ياجماعة الزينون ده لو مكنش فعلا كارثة مكانوش هايمنعوه بره الا في البلاد اللي جوها وتلجها وطرقها محتاجاه احنا لاعندنا تلج ولا نيلة يبقي نستخدم زينون ليه.
الا لو كان الزينون الأصلي اللي نازل مع العربيات من بره أو الأصلي اللي بيتركب صع بعدسات وكده وده بيبقي غالي جدا محدش يقدر علي تمنه لإن تمنه بيوصل ل 8000 جنيه مش الزينون الرخيص ده.
طب انا من يومين كده كنت بسوق في طريق عادي جدا لاهو سفر ولا سريع ولا نيلة واكتشفت ان كل العربيات منورة النور العالي ليه مش فاهمة وده تعبلي عينيا جدا واللي يضحك بقي ويحزن في نفس الوقت اني وانا ماشية لاقيت توك توك طلعلي من تحت الأرض ومركب كمية أضواء ازرق وأبيض وجميع الألوان لدرجة انه مسابش مكان فيه الا لما حاطط فيه نور انا اول ماشوفته من كتر الزينون والإضاءات بتاعته ضربت في عيني لدرجة إني مبقتش عارفة احدد مكانه واضطريت اني اقف تماما لحد ماعدي من قدامي وحسبي الله ونعم الوكيل بجد.
يارب يطبقوا القانون ده فعلا ويسحبوا رخصة كل حد مركب زينون مش أصلي أو رخيص أو ماشي منور العالي علي الفاضي والمليان عشان بجد حرام.:angelsad2:

بس يدوهاله تاني لما يشيله من غير مايدفعوه حاجة يالا بقي عشان الأخوة اللي مركبين زينون في المنتدي ميزعلوش مني :)