حد يقول لي اللي في الصورة ده رشح منين؟

انا كان عندي ترشيح زيت على الموتور من تحت الموبينة وكان نازل على الفتيس من فوق كمان فغيرت اويلسيل الموبينة وقولت للميكانيكي على الترشيح ده وقاللي بعد ماتغير الاويلسيل ده مش هتلاقي ترشيح خالص
بعد كده غسلت الموتور غسلة محترمة وتابعت لقيت في ترشيح خفيف من حتة غريبة ومش عارف دي ايه
ياريت حد يقول لي ايه دي وتتعالج ازاي والصور اهي
http://www10.0zz0.com/2009/07/05/08/560795369.jpg

ده جزء من المكان اللي كان غرقان زيت في الاول وطبعاً كان لامم تراب وقرف كان جاي من تحت الموبينة بالظبط ونازل فارش على تحت
http://www10.0zz0.com/2009/07/05/08/590304068.jpg

وده مكان الترشيح اللي لاقيته هو تقريبا ده المكان اللي بين الفتيس والموتور
http://www10.0zz0.com/2009/07/05/08/903965729.jpg

ودي صورة اوضح للترشيح

للعلم انا مغير اولسيهات الكرنك الخلفي والفتيس وزور الفتيس من فترة طويلة

للأسف الترشيح ده برضه جاى من مكان تركيب حافظة الفتيس على مخرج الفلام (الداير بين المكنه والفتيس )............وبرضه الترشيح ده حيكون سببه حاجه من أثنين ( أويل سيل مدخل عمود الدريك بتاع الفتيس .......أو أويل سيل الكرنك الخلفى )

يعني الزيت ده زيت موتور ولا زيت فتيس؟؟؟؟؟؟

اصله لو زيت موتور يبقى ده السبب اللي بيخللي زيت الموتور يقل عند القياس
لكن لو زيت فتيس يبقى زيت الموتور بيتحرق فعلا ومحتاج طقم شنبر
والله يا استاذ سمير انا فاكك الفتيس 3 مرات عشان الاويلسيلات دي (الكرنك الخلفي وزور الفتيس) منهم مرتين الصنايعي واخد مصنعيته كامله 150 في المرة ومرة مادفعتش حاجة عشان اتخنقت بئا
ومش عارف اعمل ايه افكه للمرة الرابعة:majd(4):

اقتباس:

---

اصله لو زيت موتور يبقى ده السبب اللي بيخللي زيت الموتور يقل عند القياس

---

ده أحتمال .....والمفروض كان يبان التعريق من وراء الحدافه (ساعة ماكان بيغير سيل الكرنك الخلفى )

اقتباس:

---

لكن لو زيت فتيس يبقى زيت الموتور بيتحرق فعلا ومحتاج طقم شنبر

---

برضه ده تفسير سليم ..........

اقتباس:

---

والله يا استاذ سمير انا فاكك الفتيس 3 مرات عشان الاويلسيلات دي (الكرنك الخلفي وزور الفتيس) منهم مرتين الصنايعي واخد مصنعيته كامله 150 في المرة ومرة مادفعتش حلجة عشان اتخنقت بئا

---

أنا فاكر أننا أختلفنا فى الموضوع ده قبل كده ( مابين زيت الفتيس وزيت الموتور )....ولازم نعرف ده زيت أيه الأول ......ماتحاول تشوف لونه ( زيت الموتور بيبقى محروق ولونه بنى بعد فتره من أستعماله لأنه بيتعرض لحرارة الموتور والحريق وخلافه .............أما زيت الفتيس حيكون شفاف وواضح ) ولو عندك عينه منه ......ركز معاها شويه لتوضيح اللون بقدر المستطاع ......وبعدين ممكن تلاحظ ....هل لون التسريب بيغمق مع مرور الوقت ....يعنى أول مابتغير زيت المكنه بيبقى التسريب فاتح وبعد كده بيغمق بعد 2000كم مثلا ....وكده حيبقى زيت مكنه

اقتباس:

---

ومش عارف اعمل ايه افكه للمرة الرابعة ولا كده حرام بئا

---

للأسف لازم .....حيتفك فى يوم من الأيام ( سواء ده من الفتيس أو الموتور )..........وبعدين ....حاول تطمن برضه لكبس الموتور كنوع من الأطمئنان مؤقتا..........قبل ماتفكر فى موضوع الشنبر ....لو كان السحب كويس معاك

اقتباس:

---

المشاركة الأصلية كتبت بواسطة samirayad

وبعدين ....حاول تطمن برضه لكبس الموتور كنوع من الأطمئنان مؤقتا..........قبل ماتفكر فى موضوع الشنبر ....لو كان السحب كويس معاك

---

انا كبست الموتور من شهر وكان اول بستم 58% لكن الباقيين كويسين من 65 الي 70%
بس هل ترشيح خفيف كده يخليني ازود لتر زيت كل 1500 كم
انا ركزت مع اللون طلع لون اصفر - انا لسا مغير زيت امبارح-

اقتباس:

---

انا كبست الموتور من شهر وكان اول بستم 58% لكن الباقيين كويسين من 65 الي 70%

---

هو البستم الأولانى كده خفيف وأعتقد أنك تقصد اللى جنب البوبينا بالأولانى ...........تمام كده

اقتباس:

---

بس هل ترشيح خفيف كده يخليني ازود لتر زيت كل 1500 كم

---

لا كده الكلام يشكك فى المكنه فعلا

اقتباس:

---

انا ركزت مع اللون طلع لون اصفر - انا لسا مغير زيت امبارح-

---

غالبا كده حتحتاج طقم شنبر فعلا ......بس ياريت تحددللى اللى تقصده بالبستم الأولانى .....من جنب البوبينا ولا الفلتر بتاع الهواء.....أنا شاكك أنك تقصد اللى جنب البوبينا.......منتظر ردك

اقتباس:

---

المشاركة الأصلية كتبت بواسطة samirayad

بس ياريت تحددللى اللى تقصده بالبستم الأولانى .....من جنب البوبينا ولا الفلتر بتاع الهواء.....أنا شاكك أنك تقصد اللى جنب البوبينا.......منتظر ردك

---

فعلا هو اللي جنب البوبينا

في اويل سيل تحت الموبينة العيب ده منه
وتغيره بسيط جدا

اقتباس:

---

المشاركة الأصلية كتبت بواسطة badblood

في اويل سيل تحت الموبينة العيب ده منه
وتغيره بسيط جدا

---

انا غيرته فعلاً بس انا بتكلم عم الزيت اللي في الصورة الثالثة اللي السهم بيشاور عليه

اقتباس:

---

المشاركة الأصلية كتبت بواسطة nasroo

فعلا هو اللي جنب البوبينا

---

ضعف الكبس بتاع الغرفه دى ...اللى هو 58% ......مخللى عمود الكرنك مش موزون من عند الحته دى ......وكده العيب 90% من سيل الكرنك ......وحتعوز تظبط المكنه قبل ماتعمل أى حاجه فى السيل ده بتاع الكرنك ( لأن أختلاف الضغوط داخل غرف الحريق بالشكل ده والتفاوت بين رقم واحد والتلاته التانين هو اللى عامل المشكله دى .....لأن دلوقتى ...مفيش عندك أتزان ديناميكى على عمود الكرنك ....وتأثيره الكبير عند الجانب الخلفى من المكنه....أى جانب خروج القدره للفتيس ) ومعلش المعلومات دى هندسيه وصحيحه ميه فى الميه ..............وكده الفتيس بيعتبر برىء

معلش سؤال غبى يا جماعة هوة يعنى اية كبس الموتور واطمن علية ازاى

اقتباس:

---

المشاركة الأصلية كتبت بواسطة akramlail

معلش سؤال غبى يا جماعة هوة يعنى اية كبس الموتور واطمن علية ازاى

---

أتضامن معك
:rfds:

اقتباس:

---

المشاركة الأصلية كتبت بواسطة akramlail

معلش سؤال غبى يا جماعة هوة يعنى اية كبس الموتور واطمن علية ازاى

---

اقتباس:

---

المشاركة الأصلية كتبت بواسطة tlrsiap

أتضامن معك
:rfds:

---

....كبس الموتور يعنى حبك غرف الحريق ......بنعمل الأختبار بتاع الكبس ده .....علشان نطمن أن مفيش غرفه بتفوت أثناء الحريق سواء من بين الشنبر والشميز أو من عند الصبابات من فوق ..................وليه أجراء معين وقت تنفيذه فى اللأماكن المخصصه ( مراكز خدمه معينه بتعمل أختبار الكبس ده ) وبكده بتتعرف على حالة الموتور عندك ............كفاءه حبك غرفه كام فى الميه ......( الموضوع بتاع الحبك أو الكبس ده ....عامل شبه الحقنه بالضبط ...لازم يكون حبكها كويس ...علشان تقدر تضخ المحلول الطبى بيها بقوه معينه فى جسم المريض ).....وعلشان كده كل ماكان كبس الموتور أو حبك الغرف كويس ......كل ما أخدنا عزم وقدره كويسين من المكنه بتاعتنا......................

http://img6.imageshack.us/img6/1826/48714772.jpg شوف أدى أماكن التفويت ....أما من عند الصبابات ( 1 أو 2 ).....أو من بين البستم والشميز( المكان رقم 4 ) ......وفيه مكان تالت ....اللى ممكن يحصل تفويت منه بتاع منطقة رأس السلندر(مكان رقم 3 ) .....بس ده بيحصل مع تلف الجوان بتاع رأس السلندر ومابيهمناش وقت أجراء أختبار الكبس ............

http://img3.imageshack.us/img3/5194/55218863.jpg....وأدى شنطة عداد الضغط اللى بنستخدمه للتعرف على ضغط الكبس

http://img36.imageshack.us/img36/9410/20966545.jpg وأدى شكل عداد الضغط وهو راكب فى فتحة البوجيه للتعرف على ضغط أو حبك الغرف فى صورة ضغط بقيمه معينه لتحديد حالة الموتور ....عامله كام فى الميه

اللة يفتح عليك يا بشمهندس والله متعرفش الواحد من غيرك كان جاهل قد اية ----بس سؤال اغبى منة شوية بعد معمل الاختبار دة وعرفت ان الموتور 70% مثلا المفروض انة بيعرفنى العيب فين واصلحة ازاى ؟وتكلفة الاختبار دة كام --وكدة يبقى انت عملت اللى عليك وزيادة

اة حاجة كمان ---انت بتقولة هتعوز تظبط المكنة ؟؟يعنى اية بردة

ربنا يخليك يا بشمهندس سمير انت فعلا انسان عبقري ربنا يزيدك

السؤال بقي ايه الحد الادني ( يعني كام %) نقدر نقول ان الموتور ده كويس ؟

والف شكر ليك

ايوة ياريت ياهندسة توضحلنا اية الحد الادنى والحد الاقصى لكبس الماتور
ولو مثلا كبس الماتور متوسط هيأثر على اية وبيبان ازاى على مشى العربية وعزمها وسحبها
وسعر ة تقريبا انا افتكر اول لما جبت العربية ابويا اخدة مرة ورجع قالى انا عملتلك قياس كبس للماتور
والراجل قاله ممتاز بس مش فاكر النسبة كام
وشكرا على المعلومات القيمة وبارك الله فيك ياهندسة

طيب ممكن كل واحد من الأخوه الأفاضل ......يقرأ الموضوع ده الأول بتمعن ......وبعد كده لو ليه سؤال .....فأنا تحت أمره .......http://www.nilemotors.net/Nile/showthread.php?t=65410

اقتباس:

---

المشاركة الأصلية كتبت بواسطة akramlail

اللة يفتح عليك يا بشمهندس والله متعرفش الواحد من غيرك كان جاهل قد اية ----بس سؤال اغبى منة شوية بعد معمل الاختبار دة وعرفت ان الموتور 70% مثلا المفروض انة بيعرفنى العيب فين واصلحة ازاى ؟وتكلفة الاختبار دة كام --وكدة يبقى انت عملت اللى عليك وزيادة

---

تكلفة قياس كبس الموتور 50 جنيه ولو هتكشف على العربية كلها 100 جنيه - ده في بنزينات شل
لو طلع العيب عندك من الصبابات يبقى هتغير كاوتش صبابات وتعمل روديه بالمرة وده تكلفته ماتعديش 50 جنيه من غير المصنعية
لكن لو طلع التفويت من الشنابر الموضوع هيخش في 700 جنيه من غير المصنعية

تمام ياهندسة بعد ما قريت الموضوع لقيت الرض للسؤال ومعلومات جديدة
ربنا مايحرمنا من مواضيعك ومعلوماتك القيمة الى ديما بتفيد الاعضاء وانا اولهم اتعلمت من حضرتك كتير جدا فى عالم السيارات

خلاص عالجت المشكلة بتاعت ترشيح الزيت من الحتة دي ودلوقتي ناشفة خااالص الحمد لله

لكن طلع ان في حتة تانية بترشح من تحت الفتيس اعتقد والله اعلم انها كارتيرة الفتيس - هي جنب كارتيرة الموتور هصورها واحط الصورة

http://www10.0zz0.com/2009/07/13/06/864851612.jpg

http://www10.0zz0.com/2009/07/13/06/758799190.jpg

هي المنطقة اللي عليها الدايرة الحمرا دي وبالاخص اللي فوق الصفيحة السودا (انا لسا عامل جوان كارتيرة الفتيس عند خراط ومركبه)

طيب انت عملت كارتيرة عمولة ليه؟؟؟ مهى موجودة عند بتوع قطع الغيار

MMamdouh

اقتباس:

---

المشاركة الأصلية كتبت بواسطة mmamdouh

طيب انت عملت كارتيرة عمولة ليه؟؟؟ مهى موجودة عند بتوع قطع الغيار

mmamdouh

---

انا عملت جوان الكارتيرة مش الكارتيرة نفسها - كانت فتية من الميكانيكي
بس هو المكان ده كارتيرة الفتيس فعلاً؟
انا لاقيت الزيت على الجزء الاسود والجزءاللي فوقيه كمان - ده كده من الكارتيرة؟ ولو من الكارتيرة ايه اللي طلع الزيت فوقيها؟

انا قصدى جوان الكارتيرة... معلش خطاء مطبعى

جوان الكارتيرة ب 10 فى المحلات

الصورة لجوان الكارتيرة فعلا... و لو الزيت فوقية ممكن يكون التسريب من اويل سيل العقربة مثلا بفرض ان الزيت بيتسرب من نقطه اعلى من جوان الكارتيرة

MMamdouh

اقتباس:

---

المشاركة الأصلية كتبت بواسطة mmamdouh

انا قصدى جوان الكارتيرة... معلش خطاء مطبعى

جوان الكارتيرة ب 10 فى المحلات

الصورة لجوان الكارتيرة فعلا... و لو الزيت فوقية ممكن يكون التسريب من اويل سيل العقربة مثلا بفرض ان الزيت بيتسرب من نقطه اعلى من جوان الكارتيرة

mmamdouh

---

الميكانيكي الفذلوك قال لي اللي في المحلات مش حلو نخرطة احسن وقد كان بس لسا زي ما انت شايف
اما لو اولسيه العقربة تبقى العربية دي هي اللي معقربة لاني غيرته 3 مرات ورا بعض عند عبده لغاية ما قال لي انا خلاص بقيت اكره اغير اي حاجة على الفابريكة لان الموجود في المحلات كله بيضرب بسرعة حتى لو اصلي