هل انتهكت دايهاتسو خصوصية عملائها؟

**aliabutaleb** · 05-07-2009 08:24 PM

السلام عليكم ورحمة الله وبركاته

الحقيقة موقف أكتر من بايخ اتعرضت له اليوم

فوجئت باتصال تليفوني من جيم في دريم لاند قدمت فيه اللي كملتني نفسها وقالت إنها حصلت على رقمي من دايهاتسو.
وان الجيم عامل عرض خاص لعملاء دايهاتسو بسعر خاص وبتجربة مجانية فيه لمدة أسبوع

انا بصراحة الخبر رفع ضغطي سبعتلاف درجة وسخنت وكلمت مركز خدمة دايهاتسو عشان اعمل شكوى على إفشائهم لمعلومات عملائهم بالشكل القبيح ده.

كانت المفاجأة ان اللي رد عليا تقريباً أقسم لي ان دايهاتسو مستحيل تفشي معلومات العملاء بالشكل ده

ورجعت تاني للجيم اللي مرضيش يديني أي معلومات زيادة عن الكيفية اللي جابوا بيها رقمي

دلوقتي عندنا أكتر من معطى

رقم تليفوني اللي مع الجيم
ومعلومة إني من مالكي سيارات دايهاتسو
وزلة لسان اللي في الجيم اللي قالت انهم واخدين البيانات من دايهاتسو
وآخر معطى هو نفي دايهاتسو القاطع إنه أفشى المعلومات

ممكن حد يفكر معايا بصوت عالي ويقوللي

هل انتهكت دايهاتسو خصوصية عملائها بإفشاء معلوماتهم الشخصية؟
ولا فيه إحتمال آخر، ويا ترى إيه ممكن يكون الاحتمال ده؟

انا طبعاً مش منتظر رد من م. مي عبد الحميد لأني عارف إنها غالباً مش موجودة معانا

**MoToRiZeR** · 05-07-2009 08:41 PM

ممممم ... ممكن الكول سنتر ؟!

الشركة اللي ماسكة الكول سنتر لدايهتسو مثلاَ أكيد بتتعامل مع شركات تانية
و بتستخدم داتا بيز النمر بتاعة الشركات كلها في حملات الدعاية التليفونية اللي زي دي

المهم كان إيه العرض يابو حمزة انا بدور علي جيم في أكتوبر مكلمونيش انا ليه ههههههههه .

**aliabutaleb** · 05-07-2009 10:43 PM

المشاركة الأصلية كتبت بواسطة motorizer

ممممم ... ممكن الكول سنتر ؟!

الشركة اللي ماسكة الكول سنتر لدايهتسو مثلاَ أكيد بتتعامل مع شركات تانية
و بتستخدم داتا بيز النمر بتاعة الشركات كلها في حملات الدعاية التليفونية اللي زي دي

المهم كان إيه العرض يابو حمزة انا بدور علي جيم في أكتوبر مكلمونيش انا ليه ههههههههه .

فكرت زيك في الاول يا محمود
لكن لما كلمت الكول سنتر قالولي ان شركة الكول سنتر اتغيرت وان اللي موجودين دلوقتي شغالين مباشرة في دايهاتسو أو حاجة زي كدة
لكن لا زال الكلام مش مقنع

العرض مرضيوش يقولولي عليه غير لما أروح :)
بس قبل العرض
1550 جنيه كل 3 شهور

**MoToRiZeR** · 05-07-2009 11:01 PM

1550 كل 3 شهور ! طب ما أروح gold's gym أحسن !!
لأ إحنا كدة بقي نطلع عنيهم و نقاضيهم بسبب موضوع إنتهاك الخصوصية دي مش أسعار بصراحة

يمكن شركة الكول سنتر القديمة ؟!
عامة دي مجرد تكهنات لحد ما نلاقي رد من أستاذة مي

**A.Saad** · 06-07-2009 12:09 AM

قدموا شكوى فى ديهاتسو افضل

**medo_sirion** · 06-07-2009 05:35 AM

ولا عزاء فى من تنادى
فين الانسة مى مش المفروض انها اسرع وحدة ترد على الموضوع دة

**Ahmed Samy** · 14-07-2009 05:47 PM

شكرا للسيدة مي على الرد و تبرئة ساحة دايهاتسو

ولكن مازال هناك حقيقة ان عملاء شركات السيارات تباع ارقامهم لشركات تجميع البيانات و منه الى محتلف النشاطات الدعائية

فعلا شئ مقرف

**توفيق طة** · 14-07-2009 07:48 PM

المشاركة الأصلية كتبت بواسطة maimahmoudcrm

dear respected
regarding the above mentioned subject, i investigated in the case myself as i doubted that may be the previous call center could have made that eventhough they know that it is illigal and that we could sue them for that, but when i knew that mr. Hesham hosny, our sales & marketing general manager did receive the same phone call as mr. Aly as a regular daihatsu customer, i confirmed that it is not from them as mr. Hesham's number is not registered in our database also his title is registered with his name
i called the management of that gym and they said that they got the database from a company that is specified in collecting database, and they did the same thing with other automotive companies and with cib, and finally i prohbited them from doing such promotion again with our customers
kind regards

عزيزتى م/ مى ..

ياريت الرد يكون باللغة العربية لغتنا الجميلة .لغة الأسلام .لغة القرآن الكريم ..

تحيــــــــــــاتى

-

الموضوع: هل انتهكت دايهاتسو خصوصية عملائها؟

LinkBack

أدوات الموضوع

عرض

هل انتهكت دايهاتسو خصوصية عملائها؟ - انشر الموضوع فى :

-

-

-

-

-

-

المواضيع المتشابهه

شركة موباكو ...تحترم عملائها....وصنع في مصر

شركه فودافون وعروضها الهزيله والمريضه يجب على عملائها محاسبتها

رولز رويس تحقق احلام عملائها فى السيارة جوست

تويوتا و عملائها

تى إى داتا وعدم إحترام عملائها

الكلمات الدلالية لهذا الموضوع

المفضلات

المفضلات

ضوابط المشاركة