غيرت بطارية البولو..

**original** · 05-07-2009 08:34 PM

البطارية ماتت الله يرحمها كانت نسر 45 أمبير سائلة..
جبت هانكوك Hankook جافة كورى 45أمبير مش عارف كويسه وللا وحشة وكمان معليهاش تاريخ إنتاج!!
أيا كان حتى لو عمرها قصير مش هتبهدل العربية زى السائلة..

**M.Mostafa80** · 05-07-2009 10:20 PM

أطمن البطاريه دى فوق الممتازه الحمد لله والفضل لله ويجعل كلامى خفيف عليها مشاء الله بقالها سنتين معايا بس أنا عندى 70 مش 45
ربنا يحفظهالك وتابع المتابعه الشهريه بتاعتها عشان الضمان

**umoussa** · 06-07-2009 03:12 AM

يا محمد 45 دي ضعيفة على العربية وخصوصاً مع السفر والتكييف في الصيف ولو مركب فوجات أو لمبات بقدرة عالية حيسحب أو لو مركب سنتر أو زجاج أو مريات أو أي حاجة كهرباء حيسحب جامد من البطارية ومش حتعمر معاك.

أفضل وأول اختيار 55 لحد 70

أنا كمان بستعمل 70 على فكرة

**original** · 06-07-2009 05:29 PM

أنا إحترت!! هيا العربية دى بيركبلها 45 وللا 70 أمبير !!
أنا جبتها مقاس اللى كانت فيها ومقاس الكلبس اللى راكب عليها!!
وبعدين اللى أعرفه إن الموديل ده بيركبله 45 أمبير مش أكتر!!
وبعدين الدينامو بتاع الموديل ده 90 أمبير يعنى كفيل بالتكييف!!
يمكن 45 تكون بتاعة الموديل من غير تكييف وممكن تكون 55 للموديلات بتكييف!! بس مش عارف الكليبس بتاع الفيوسات ممكن يركب عليها!! مفتكرش عشان كان معايا بطارية 55 أمبير ماركبتش عليها!!
طيب يمكن فيه بطارية 55 أمبير صغيرة مقاس الكليبس!!
بس عاجبانى عشان جافة..
أنا معنديش غير تكييف ومفيش ولا فوجات ولا سنتر ولا أى حاجة!!
طيب أغيرها!!

شوف الموقع ده كده http://www.carbatteryshop.co.uk/m-Vo...ries-I147.html

**umoussa** · 07-07-2009 02:01 AM

بص الفبريكة 45

بس طبعاً الفبريكة مش أي بطارية دي اتشالن من العربية بعد 7 سنين شغل

أفضل شيء تجيب 55 ودي ليها نفس مقاس القاعدة

وعلى فكرة ال 70 برضو ليها نفس مقاس القاعدة

إلي أنا مركبها تركي مش فاكر اسمها إيه بس كويسة وبنت حلال وربنا يهديها عليا

**original** · 07-07-2009 01:39 PM

يا باشمهندس أسامة أنا خفت على الدينامو!!
طيب هوا الدينامو مالهوش علاقة بالبطارية وللا عادى!!

**M.Mostafa80** · 07-07-2009 01:55 PM

هو اكيد فى علاقه لأن البطاريه المفروض أنا بتاخد الشحن من الدينمو بس اللى هيتأثر هنا مش الدينمو لوفى حاجه لقدر الله اللى هيتأثر الأجزا التى تستخدم الكهرباء فى السياره زى الكاسيت والتكييف والزجاج والمرايات لو موجودين واكيد ليه علاقه بردو بالدينمو وعمتا أسامه هيفيدنا أكيد فى الموضوع

**أبو_حمزة** · 07-07-2009 02:28 PM

بص يازعيم ببساطة لو قلنا البطارية دى شفشق فيه كهربا
و الامبير ده هو حجم الشفشق
لما تيجى تملا الشفشق (شحن البطارية) ها تفتح الحنفية اللى هى كده كده بتخرج نفس كمية المية فى الدقيقة
يبقى الشفشق ال70 مش ها يشفط من المواسير (الدينامو) بعنف اكتر من اخوه ال45
كل اللى ها يحصل انه ها يحتاج الحنفيه ها تفضل مفتوحة و قت اطول عشان يتشحن بالكامل وبدون حمل زياده
و بما ان الدينامو (الحنفية) كده كده شغال و الطاقه الخارجة معمول فيها حساب شحن البطارية
اذا استخدام بطارية بسعة اكبر هو بالضبط كأنك استخدمت شفشق اكبر و هو امر امن
و الله اعلم

**original** · 07-07-2009 04:09 PM

طيب هوا الدينامو هيشحن وللا هيساعد مع بقية الأجزاء الكهربائية!!
أعتقد إنهم عاملين الدينامو 90 أمبير فى الموديلات دى عشان العربية تستفيد منه والبطارية مجرد مساعدة ليه يعنى كفاية عليها تدور العربية..
أنا حسيت بكدة لما البطارية نامت لأنها مجرد ما الماتور بدأ يلف الدينامو ساعد جامد ودارت بس طبعا ماتت بعد كده ولما دارت بالزق كانت كهربتها تمام وكل حاجة كهرباء كانت شغالة تمام..

**redawilliam** · 07-07-2009 04:53 PM

ازيكو يا جماعة واخباركو اية
انشاء اللة تكونوا بخير
كنت عايز اسال على حاجتان
الاولى مقتاح الزجاج الكهربا للعربية االبولو 95 دورات علية استيراد كلة ماسك فى 50 جنية ومش عايز ينزل دة فى الحرفيين حد يعرف مكان اجيب منة ارخص والجديد صينى وببيوظ بسرعة فا انتو رايكو اية
التانية انا عندى رجة وانا برفع الزجاج والعربية بتكون وقفة يا ترى دة من اية
متشكر جداا لاهتمامكم

الموضوع: غيرت بطارية البولو..

LinkBack

أدوات الموضوع

عرض

-

-

-

-

-

المواضيع المتشابهه

غيرت بطارية الكورولا جنوب افريقي .. ... ولكن!!!!!!

أبيع البولو واجيب اوبل استرا ولا اصرف على البولو شوية ؟؟؟

غيرت بطارية العربية وحسبى الله بعد سنه بظبط فيرنا 2009

غيرت بطارية الميجان

ايه الاحسن البولو 99 والا البولو 2001

الكلمات الدلالية لهذا الموضوع

المفضلات

المفضلات

ضوابط المشاركة