الموضوع: صوت الموتور

ده تعليقى فى أحد المواضيع على أستفسار أحد الزملاء عن أى الزيوت نستخدم وليه ( تخليقى ولا معدنى )

شوف .....هو كنصيحه عامه ....لو العربيه مابتعملش 10 الاف سنويا ......أستعمل زيت معدنى لضمان التنظيف المستمر للموتور من الرواسب الكربونيه الناتجه عن الحريق ............

_ أنا حاليا بأستعمل تخليقى والعربيه عامله 15 ألف ..........بس ناوى أتحول لمعدنى المره القادمه ....بسبب أنى مابعملش 10 آلاف سنويا ......لتخليص الموتور من الرواسب بأستمرار ( على الأقل مرتين سنويا ) لأن غياب الزيت بشوائبه جوه المكنه مش حلو على منطقة التاكيهات بالذات .................لأنها بتعتبر ملجأ لتراكم الرواسب الكربونيه ....وده بيأثر على منظومة التاكيهات ( وبالذات النوع الهيدروليكى ) اللى بيشتغل بالزيت..........

الله يخليك يا أخى .........وكلنا أخوات .....وبنفكر مع بعض من أجل الصالح العام ......معلومه على معلومه ( هى دى الحاجات اللى بتعمل الثقل الفنى والأضافات للمعلومات الشخصيه )

معني كلام حضرتك هتغير الزيت المعدني مرتين سنويا
اللي اعرفه انه المفروض يقعد 3 شهور فقط
يعني بكده المفروض تغير 4 مرات سنويا علي الاقل

ولو الزيت تخليقي يبقي بيتغير كل 6 شهور يعني مرتين سنويا علي الاقل

ممكن توضيح

زيت موبيل ا .....مغيره بقاله حوالى 7 شهور .....وكل اللى عملته من كيلووات .............حوالى 3000 كم ............وناوى أخليه لآخر السنه ......أصلى ما بشميش بالعربيه كتير وعلى آخر السنه مش حوصل ل6000 بالزيت لو كان فيه عمر ............تقريبا كل شهر فى حدود 500 كم

هو ده اللي يقصده الباشمهندس سمير فعلا , أن الزيت التخليقي هايتغير مرتين في السنة و بالتالي الرواسب و الشوائب هاتظل عالقة مدة 6 شهور , لكن في الزيت المعدني هايغيره كل 3 شهور و بالتالي هاتظل الشوائب و الرواسب عالقة لمدة أقل

أرجو أن أجابتي تكون متوافقة مع كلام الباشمهندس / سمير

مفيش شك ...أن كلامك يابشمهندس : سمير ............موافق لتعليمات الكتالوج تماما ......بس أنا فعلا أتناقشت مع زميل مهندس ( فى أحد شركات الزيوت فى النقطه دى فعلا ) .....وقاللى أن معاه عربيه فيرنا 2008 وبيغير الزيت كل سنه تقريبا ( زيت موبيل 1 ) .........وعلشان كده نويت أغير للمعدنى بسبب عدم سواقتى الكتيره للعربيه ...........وأغير المعدنى ....قول كل أربع أو 5 شهور