الموضوع: الله يخرب ... لا الله يسامحه

المشاركة الأصلية كتبت بواسطة lion_heart

على العموم ربنا يعوضك خير و يفاديك ,
معلش بعد ما شفت عمايل ايديهم دى دفعت حاجة ؟؟ ولا عملت معاهم ايه ..؟

والله انا لقيتها وحشة انى امشى من غير ما ادفعلة فلوس بس طبعا بعد ما بينتلة قرفى منة ومن شغلة
طلب 20 جنية اديتلة 10 بس وانا متضايق قلتلة نص عليك ونص عليا عشان انت بوظتلى الزجاج
مش مهم الفلوس المهم الزجاج نفسة

المشاركة الأصلية كتبت بواسطة ak1981

شارع حسن الشريف اللي هو امتداد حسن المأمون

عارف مسجد السلام اللي في ذاكر حسين

لو مسجد السلام على يمينك خش يمين في حسن المامون هيبقى فيه موقع عسكري على يمينك و على شمالك عمارات و محلات هتلاقيه هو عالشمال بعد ما تخش الشارع بكام عمارة

شكرا يا باشا على اهتمامك

المشاركة الأصلية كتبت بواسطة ahmed a.maksoud

قلبى معاك يا بوب......مش عاوز أخضك بس حصلت معايا قبل كده فى أزاز كنت لسه مغيره.....كان عليه زى بقع كده أفتكرناها بويه أو حاجة جت عليه......طلعت حاجة محببة على الأزاز ( غالباً كان عيب صناعة ) أكتشفنا الموضوع ده بعد التلميع لما لقبنا البقع دى تقريباً زى ما هى بس زاد عليها تجاريح كتيييييييييييىر مكان الصاروخ.
بعد المحاولة أول مرة و تانى مرة غيرولى الأزاز ( الكلام ده فى التوكيل )

و خللى بالك عشان الشغل بالصاروخ بيسخن الأزاز......يعنى لازم اللى بيشتغل يكون فاهم و واخد باله كويس........ربنا معاك يا باشا.



لو مسجد السلام على يمينك خش شمال مش يمين........اليمين هيطلعك ناحية التجمع الخامس.

الله يخليك يا احمد باشا
هو اللى حصل عندى بالظبط ان الحتة اللى مشى عليها الصاروخ بقت لون واللى ممشيش عليها لون تانى
بقى الزجاج زى اللى مبقع
والمشكلة كمان ان ايدة مكانتش مظبوطة والصاروخ كان بيتهز فى ايدة فالعلامات اللى على الزجاج عاملة زى الموج عبارة عن بقع مخططة ورا بعض
اللى خايف منة بقى انى لو جيت المع الزجاج كلة هيبقى على اللونين مع بعض فمش عارف اية النتيجة ربنا يستر
والف شكر على التصحيح لانى كنت هروح الف حولين نفسى
ههههههههههههههههههههههه

المشاركة الأصلية كتبت بواسطة ashouhdy

دة فنان وحط بصمتة ع الازاز بتاعك
انا حصل معايا حاجة اظرف بقى
خد ظلطة عملت شرخ ضغير قعد يزيد سنتى كل اسبوع
رحت لواحد ذى اخونا دة قام جايب الماظة و عمل دايرة حوالين الشرخ الله يخرب بيتة بقى شكلها ذفت
انا اقعدت ابوصلة كدة و متنح
قاللى كدة تمام الشرخ مش حيعدى الدايرة !!

بعد يومين الشرخ أخترق الدائرة المستديرة ولف حواليها كمان !!!!!!!!!!!!!!!!!!!!

ياخبر ابيض ....... انا لو منك كنت قتلتة ودفعتة تمن الزجاج

المشاركة الأصلية كتبت بواسطة adhmawy

أنا سمعت إن د.خالد فتح فى المنصورة فى المحلات اللى فى شارع سور المحطة قرب نفق عزبه عقل إسأل هناك يمكن توفر المشوار
تحياتى

ياريت والله..... هشوف الموضوع دة
بس هل ياترى هيبقى عندهم نفس الخبرة والشغل
متهيألى المفروض عشان سمعتة ... ولا اية ؟

المشاركة الأصلية كتبت بواسطة ahmed_su

شوف الموضوع ده وفيه هتلاقى فروع د.خالد

http://www.nilemotors.net/nile/showthread.php?t=82125

الف الف شكر يا احمد باشا
بس قوللى النتيجة النهائية اخبارها اية؟
وفى اى عيوب ظهرت بعدها ولا حاجة ؟

المشاركة الأصلية كتبت بواسطة pro_samir

ههههههه
المصريين اهم

فعلا .... فعلا
اللى ميعرفش لازم يفتى
مينفعش يقول معرفش
الفهلوة واخدة حقها اوى معانا

المشاركة الأصلية كتبت بواسطة ahmed a.maksoud

لقبنا البقع دى تقريباً زى ما هى بس زاد عليها تجاريح كتيييييييييييىر مكان الصاروخ.


و خللى بالك عشان الشغل بالصاروخ بيسخن الأزاز......يعنى لازم اللى بيشتغل يكون فاهم و واخد باله كويس........ربنا معاك يا باشا.

.

انت خوفتنى يابو حميد
يعنى الصاروخ هيعمل تجريح ؟؟؟؟
دة المشكلة الاساسية عندى اللى سبب فى انى رحت لبتاع الزجاج دة هى التجريح

انا اتصلت بالدكتور خالد
قاللى المفاجأة



مفيش اى حل للخدوش والخرابيش اللى فى الزجاج


قلتلة على المصيبة اللى حصلت قاللى رحلة تانى خلية يشوفهالك
وطبعا دة استحالة اروحلة تانى
اية العمل؟؟؟؟؟؟؟؟
اروح لواحد بتاع دوكو يلمعلى الزجاج ببوليش ويجرى اللى يجرى ولا اية

مفيش أى حل فى الدنيا للخرابيش
لا بوليش و لا صاروخ
و الصاروخ يجيب اجل الزجاج
لو غسيل الزجاج ما جابش نتيجة يبقى كل سنة و انت طيب يا تغير الزجاج يا تعيش بيه

المشاركة الأصلية كتبت بواسطة sabbagh

مفيش أى حل فى الدنيا للخرابيش
لا بوليش و لا صاروخ
و الصاروخ يجيب اجل الزجاج
لو غسيل الزجاج ما جابش نتيجة يبقى كل سنة و انت طيب يا تغير الزجاج يا تعيش بيه

الله يطمنك

مش قصدى ازعلك بس للاسف دى الحقيقة
انا قلت لك عشان ما تضيعش وقتك او حد يشتغلك

المشاركة الأصلية كتبت بواسطة sabbagh

مش قصدى ازعلك بس للاسف دى الحقيقة
انا قلت لك عشان ما تضيعش وقتك او حد يشتغلك

الظاهر هى دى الحقيقة
امرى لله
حسبى الله ونعم الوكيل وعوضى على الله

قدر الله وماشاء فعل