صوت الموتور عـــــــــــــــــــالي

**wsf74** · 08-07-2009 03:17 PM

يا جماعة أنا هتجانن عربيتي ريجاتا موديل 85 صوت الموتور يعلى أوديها للميكانيكي يظبطها وأخدها من عنده صوت الموتور واطي و فله وبعدها بيوم أو إتنين على الاكثر الصوت يعلى تاني وأنا تقلي أكتر حاجه تكرها إه = صوت الموتور العالي
يا جماعه حد يريحني ده عادي و انا وسواس ولا في حاجة و إه هيا؟

معلومة أظن هاتفيدفي التقييم :-

التاني بيجيب 20 كم/س والصوت يعلى
الثالث بيجيب 50 - 60كم/س والصوت يعلى
الرابع بيجيب80كم/س والصوت يعلى وتشم رائحة عادم

**samirayad** · 08-07-2009 04:29 PM

الرابع بيجيب80كم/س والصوت يعلى وتشم رائحة عادم

لو قصدك بريحة العادم ....ريحة شياط زى بتاع حرق الكاوتش .......يبقى الدبرياش بيخلص.........

**Ashraf_Ashraf** · 08-07-2009 04:37 PM

معلش يعنى ايه بيعلى بتقرص عليها فالصوت بيعلى ولا فى السلانسيه الموتور بيعلى لواحده
من الطبيعى انك اخر مشوار النقله الصوت بيعلى لانك مدى عدد لفات اكبر ومحمل على الموتور

**faron525** · 08-07-2009 09:33 PM

المشاركة الأصلية كتبت بواسطة samirayad

لو قصدك بريحة العادم ....ريحة شياط زى بتاع حرق الكاوتش .......يبقى الدبرياش بيخلص.........

**samirayad** · 08-07-2009 10:32 PM

لا والحاجه اللى محيره أخونا صاحب السؤال .....وهو لما بيوديها للميكانيكى وياخدها فله زى مابيقول .....وبعد كده تنقلب الصوره للأسوء بعد يومين زى مابيقول .....فى الغالب حتلاقى الميكانيكى بيرجلش شويه على واير الدبرياش من عند الفتيس ويعلي الدواسه سنه ......علشان يزود كفاءة التعشيق بين أوجه الأسطوانه من الجنبين والفلام والديسك من الجوانب المقابله لكل وجه من وجهى الأسطوانه ....يعنى بيقلل الخلوص .....علشان الديسك سمكه قل .....ده توقع شخصى وغالبا هو ده اللى بيعمله الميكانيكى كل مره ......بس حيجى مره ومش حيعرف يعمل كده تانى ......لأن قوة رد سوسست الديسك للتعشيق ليها حدود برضه ..............دا لو كان فعلا ريحة الشياط بتاع تآكل الأسطوانه هى اللى موجوده فعلا ......لأن دى ريحه ولسه مش عارفينها ..................هههههههههه

**wsf74** · 09-07-2009 02:04 PM

يا جماعة أشكركم جداً على الرد و على المعلومات القيمة
أريد أن أوضح الآتي :-

أولاً:- الرائحة التي أقصدها رائحة عادم سيارة (بنزين محروق) ولا تظهر هذه الرائحة إلا مع الغيار الرابع وعند سرعة 80 كم / س فأكثر

ثانياً :- أريد الإفادة هل صوت الموتور طبيعي مع هذه الغيارات و السرعات الآتية

التاني بيجيب 20 كم/س والصوت يعلى
الثالث بيجيب 50 - 60كم/س والصوت يعلى
الرابع بيجيب 80 كم/س والصوت يعلى
الخامس بيجيب 120 – 125 كم /س وبعد كده بخاف

أريد أن أعرف هل هذه البيانات مناسبه و منطقية أم لا و إذا كان في حاجة فما هي و ما علاجها

ملحوظة:- أرجوا الإفاده لأن هذا الموضع مجنني ومكرهني في العربية لانني مش عارف هل كده طبيعي و منطقي أم لا و لو في مشكلة فما هي و حلها إه

ثالثاً :- ما مشكلة أن صوت الموتور بيعلى لوحده على السلانسيه

**aYaBooY** · 09-07-2009 02:15 PM

بص انا مش شايف مشكلة في الجزء بتاع السرعات مع اليغارات و اعتقد انه عادي جدا
موضوع انك تشم ريحة بنزين محروق مع السرعات العالية استني الردود من مهندس سمير
موضوع الموتور الي ظبطتة بتتغير ده كان بيحصل معايا في 128 و ملقلهوش حل بس انا كنت بمشي بيها كتير اوي و علشان كدة كنت بروح كل فترة انظف الكربراتير و الابلاتين و الاسبراتير و كانت العادي انها تمشيلها بعد كل عملية تنظيف حوالي 3 اسابيع و بعد كدة تبداء تتملعن اسبوعين
لحد ما تبقي زيارة الميكانيكي واجبة

**wsf74** · 09-07-2009 02:29 PM

يا جماعة أشكركم جداً على الرد و على المعلومات القيمة
أريد أن أوضح الآتي :-

أولاً:- الرائحة التي أقصدها رائحة عادم سيارة (بنزين محروق) ولا تظهر هذه الرائحة إلا مع الغيار الرابع وعند سرعة 80 كم / س فأكثر

ثانياً :- أريد الإفادة هل صوت الموتور طبيعي مع هذه الغيارات و السرعات الآتية

التاني بيجيب 20 كم/س والصوت يعلى
الثالث بيجيب 50 - 60كم/س والصوت يعلى
الرابع بيجيب 80 كم/س والصوت يعلى
الخامس بيجيب 120 – 125 كم /س وبعد كده بخاف

أريد أن أعرف هل هذه البيانات مناسبه و منطقية أم لا و إذا كان في حاجة فما هي و ما علاجها

ملحوظة :- أرجوا الإفاده لأن هذا الموضع مجنني ومكرهني في العربية لانني مش عارف هل كده طبيعي و منطقي أم لا و لو في مشكلة فما هي و حلها إه

ثالثاً :- ما مشكلة أن صوت الموتور بيعلى لوحده على السلانسيه

**samirayad** · 09-07-2009 03:04 PM

أولاً:- الرائحة التي أقصدها رائحة عادم سيارة (بنزين محروق) ولا تظهر هذه الرائحة إلا مع الغيار الرابع وعند سرعة 80 كم / س فأكثر

هى دى اللى يجب معرفة سببها الأول ........وأنا شاكك فى فرن الشكمان .....ياعاوز جوان يتغير ويتربط كويس ......يافيه جاويط أو أكتر مكسور على رأس السلندر ......وخللى بالك ممكن الصوت ده اللى مع السرعات الواطيه ....بيكون العادم بيبدأ يصفر ويطلع من جوان الفرن .....وطبعا أنت بتقلق من الصوت فبتروح ناقل للسرعه اللى بعدها فبتنزل الrpm وبترتاح المكنه ............لحد ماتوصل للرابع والخامس وتشبع غيارالرابع فبيبدأ العادم يطلع من جوان الفرن ......وأعتقد حيكون ده السبب بأذن الله ................

**samirayad** · 09-07-2009 04:08 PM

......يافيه جاويط أو أكتر مكسور على رأس السلندر

على فكره أنا أقصد جوايط تركيب الفرن على الرأس .....وممكن تكون نهايتها حالقه (السن تعبان ) والميكانيكى كان بيربطه كل ما تروحله ومع الشغل بتحل تانى

الموضوع: صوت الموتور عـــــــــــــــــــالي

LinkBack

أدوات الموضوع

عرض

صوت الموتور عـــــــــــــــــــالي - انشر الموضوع فى :

-

-

-

-

المواضيع المتشابهه

الحل السحري لحماية الموتور الجديد و لتجديد الموتور بدون عمره

برجاء تعرييف الفرق بين الموتور الأسود و الموتور الكاربيرتير

الموتور بيطلع دخنه بيضه عايز اغير الموتور

ما سبب تأخير او عدم بدء تشغيل الموتور (دوارة الموتور) صباحا؟

تفصيص الموتور او فتح الموتور - استفسار للمتأكدين فقط -

الكلمات الدلالية لهذا الموضوع

المفضلات

المفضلات

ضوابط المشاركة