حد عنده سؤال عن البيرسونا ؟؟ - أتفضل واحنا نجوبك

**jisso82** · 11-07-2009 01:42 AM

جزاك الله كل خير يا أسامة على التوبيك ده كان فين من زمان يا راجل و بتمنى إن شاء الله أكون قد المسئولية و أقدر أشارك معاك بإيجابية قدام بإذن الله لفائدة باقى الأعضاء
بس طبعا لما آخد حبة خبرة فى العربية و أفوق من إنها لسه جديدة

**M.almaghraby** · 11-07-2009 02:16 AM

ان شاء الله يا جيسو باشا والله بدعيلك

**as01241** · 11-07-2009 02:28 AM

السلام عليكم يا أ أسامة
أحب أولا أحييك على الموضوع الجميل ده واللي هينفع ناس كتير وأنا منهم إن إن شاء الله وربنا يبارك لك على مجهودك فى مساعدة الناس
أنا طبعا الأسئلة الفنية مش هدخل فيها دلوقتي لإني لسة هستلم العربية إن شاء الله إنهاردة بس كان عندي لحضرتك سؤال بخصوص ترخيص العربية في المرور .... يتكلف كام بإعتبار العربية 1600 وموديل حديث بس في حدود كام توتال
وشكرا ,

**ahmedfathy77** · 11-07-2009 02:42 AM

السلام عليكم ورحمة الله وبركاته
احب احيى الاستاذ اسامه بشده على الموضوع المفيد والهام جداجدا جدا ده واشكره على جهده اللى بيبذله فى الرد على كل استفسار او مشكله فى البيرسونا حقيقى انا سعيد جدا بالموضوع ده سبق انى تمنيت ان البروتوناويه يحاولوا ينظموا جهدهم كلهم وكل واحد يعمل اللى بيبرع فيه او بيحبه واعتقد ان الاستاذ اسامه اختار اللى بيحبه وهو انه استغل خبرته الكبيره فى البيرسونا وتحمل مسئوليه كتير كبيره ومهمه انه يتولى الرد على اى سؤال يخص البيرسونا ربنا يعينك يا استاذ اسامه وياريت لو اى حد من البروتوناويه المتخصصين فى البيرسونا يثروا الموضوع بمشاركاتهم وردهم على الاستفسارات مع حضرتك اكيد التعاون جميل ومفيد واكيد بيقرب الناس من بعضها اكتر وده اللى احنا بنتمناه دائما لقسم بروتون الجميل بتاعنا ومستنيين المزيد من حضرتك ومن كل البروتوناويه
سلامى للجميع

**Osama.shihata** · 12-07-2009 02:05 AM

المشاركة الأصلية كتبت بواسطة as01241

السلام عليكم يا أ أسامة
أحب أولا أحييك على الموضوع الجميل ده واللي هينفع ناس كتير وأنا منهم إن إن شاء الله وربنا يبارك لك على مجهودك فى مساعدة الناس
أنا طبعا الأسئلة الفنية مش هدخل فيها دلوقتي لإني لسة هستلم العربية إن شاء الله إنهاردة بس كان عندي لحضرتك سؤال بخصوص ترخيص العربية في المرور .... يتكلف كام بإعتبار العربية 1600 وموديل حديث بس في حدود كام توتال
وشكرا ,

احمد عزت باشا
طبعا 1000 1000 1000 مبروك على استلام العربية الجديدة وربنا يباركلك فيها ويحفظهالك

بخصص تكاليف الترخيص من فحص ونمرة جديدة وطفاية واستخراج الرخصة لمدة عام كل ده لا يتعدى 600 جنيه.
واى حاجة تحتجها حضرتك امرنى ربنا يقدرنى واسعدك فيها ان شاء الله

**Osama.shihata** · 12-07-2009 02:09 AM

المشاركة الأصلية كتبت بواسطة ahmedfathy77

السلام عليكم ورحمة الله وبركاته
احب احيى الاستاذ اسامه بشده على الموضوع المفيد والهام جداجدا جدا ده واشكره على جهده اللى بيبذله فى الرد على كل استفسار او مشكله فى البيرسونا حقيقى انا سعيد جدا بالموضوع ده سبق انى تمنيت ان البروتوناويه يحاولوا ينظموا جهدهم كلهم وكل واحد يعمل اللى بيبرع فيه او بيحبه واعتقد ان الاستاذ اسامه اختار اللى بيحبه وهو انه استغل خبرته الكبيره فى البيرسونا وتحمل مسئوليه كتير كبيره ومهمه انه يتولى الرد على اى سؤال يخص البيرسونا ربنا يعينك يا استاذ اسامه وياريت لو اى حد من البروتوناويه المتخصصين فى البيرسونا يثروا الموضوع بمشاركاتهم وردهم على الاستفسارات مع حضرتك اكيد التعاون جميل ومفيد واكيد بيقرب الناس من بعضها اكتر وده اللى احنا بنتمناه دائما لقسم بروتون الجميل بتاعنا ومستنيين المزيد من حضرتك ومن كل البروتوناويه
سلامى للجميع

متشكر جداً على ردك الجميل استاذ احمد فتحى
والله انا بتمنى من الله
ان جميع من لديهم خبرة فى السيارة يشاركم فعلا بمساعد الاخوة العضاء فالرد على استفساراتهم
سواء عندهم جين 2 او واجا او برسونا
والله المستعان

**superkora** · 12-07-2009 05:37 AM

سؤال : أنا عندى ماتريكس 2008 وعايز أعرف صالون جين 2 زى صالون الماتريكس وخاصة من الكنبه الخلفية ولا أضيق من الماتريكس وهل فعلآ سقف الماتريكس أعلى كمان من سقف جين 2 ولا نفس العلو . لأنى بكون محرج لما بيركب معايا فى العربية حد بالذات فى الكنبه وأحس إن رجله متكسره وكمان رأسه فى أى مطب عادى ممكن تتخبط . أرجو التوضيح لأنى بحب جين 2 بس هى دى مشكلتى بالنسبة ليها .

**DADO** · 12-07-2009 10:04 AM

ربنا يباركلك يا اسامة على مجهودك الرائع بجد في المنتدى وبجد الموضوع جديد وهيفيدد ناس كتير اوي انشاء الله , طبعا انت عارف المشكلة الوحيدة اللي حصلتلي وانشاء الله يكون حلها بسيط بس احب اعرف الناس بيها برضو وهي ان الاشارات والانتظار علقو معايا ومش بيشتغلو خالص ورحت كشفت على الفيوزات لقيتها كلها سليمة وعرفت ان المشكلة في الكتاوت وانا رايح التوكيل يوم الاربعاء انشاء الله عشان يحلوها ولمبة الحزام كمان مش بتنور , وطبعا الحاجات دي عشان خدت عين اول ماجبتها ربنا يكفينا شرها يارب

**D . a .\ AYMAN** · 13-07-2009 03:29 AM

طب إزاي تكون البيرسونا أرخص من الجين بالرم إن الفرق الوحيد بينهم على حسب كلام حضرتك هوة طول شنطة البيرسونا بمقدار 15 سم

... يعني الفرق لصالح البيرسونا وليس الجين

**Osama.shihata** · 13-07-2009 09:45 AM

المشاركة الأصلية كتبت بواسطة superkora

سؤال : أنا عندى ماتريكس 2008 وعايز أعرف صالون جين 2 زى صالون الماتريكس وخاصة من الكنبه الخلفية ولا أضيق من الماتريكس وهل فعلآ سقف الماتريكس أعلى كمان من سقف جين 2 ولا نفس العلو . لأنى بكون محرج لما بيركب معايا فى العربية حد بالذات فى الكنبه وأحس إن رجله متكسره وكمان رأسه فى أى مطب عادى ممكن تتخبط . أرجو التوضيح لأنى بحب جين 2 بس هى دى مشكلتى بالنسبة ليها .

طبعا الماتركس اعلى من الجين 2 والبرسونا
ولكن ارتفاع سقف البرسونا من ناحية الكنبة الخلفية افضل من الجين 2 نظراً لسحبة الزجاج الكبيرة فى الجين 2 بس تقدر تجرب وتعاين اى عربية بنفسك وده هيكون افضل
وعربيتى تحت امرك فى اى وقت

الموضوع: حد عنده سؤال عن البيرسونا ؟؟ - أتفضل واحنا نجوبك

LinkBack

أدوات الموضوع

عرض

-

-

-

-

-

-

-

المواضيع المتشابهه

سؤال عن البيرسونا

حد عنده صوت طرقعة فى البيرسونا مع المطبات "عشان هاتجنن منه"

اي حد عنده استفسار عن الواجا ادخل واحنا نجاوبك

حد عنده سؤال عن البيرسونا ؟؟ - (شراء-مواصفات-امكانيات-....)اتصل انا النهاردة معاك

سؤال بخصوص البيرسونا

الكلمات الدلالية لهذا الموضوع

المفضلات

المفضلات

ضوابط المشاركة