نرجو مساعدة من المتخصصين كابرس 94

**lonedoctor** · 10-07-2009 12:47 AM

عندى سيارة كابرس بوكس 94 ظهر فيها عيب غريب فجأة واثناء السير وبأى سرعة عالية او منخفضة تنطفئ ماكينة السيارة بشكل مفاجئ بالرغم من ان دائرة الكهرباء تعمل والعددات كلها شغالة وبعدين احاول ادارة المحرك فيعمل بشكل طبيعى وبعد شوية يتكرر العيب وطفشت منه لانه عيب خطير جدا ممكن يتسبب فى حادث مروع لان السيارة اوتوماتيك المهم بدات الرحلة مع الفنيين بمكة المكرمة بدا من تغيير اسلاج بواجى ثم بواجى ثم طلمبة بنزين ثم تغيير كل الفيوزات والكتاوتات بلا فائدة وكل هذا الكلام تكلف كتير جدا لانه القطع الاصلية بالطبع غالية جدا والسيارة بينى وبينكم قديمة وما تستاهلوبدانا مرحلة الكشف بالكمبيوتر والذى اظهر عيوب فى حدود 5 مشاكل منها منظم الهواء mass air flow ثمنه بعد الخصم 430 ريال و2 حساس MAP AND TPS وكل واحد على الاقل 190 ريال وما ادرى اغيرهم ولا لا ياليت اى احد من المتخصصين يفتينا فى هذا الموضوع وله جزيل الشكر

**samirayad** · 10-07-2009 02:04 AM

طيب أيه موقف حساس الكرنك .....ماتنظف الفيشه بتاعته كويس جدا بمنظف الكتروكلينر مثلا .....وتأمن الفيشه تمام وتجرب .....لأن ده اللى ممكن يخللى المكنه تعمل الحركات دى ......وده المهم الأول (أننا نتخلص من الجزئيه بتاعة التوقف بدون سابق أنذار ) وبعد كده حنجرب ونشوف الآداء .......ونتعامل معاه حسب الحاله ......

**ahmed1981** · 10-07-2009 10:36 AM

بدايةً راجع على مصفاة (فلتر) البنزين

**lonedoctor** · 11-07-2009 12:59 AM

لايوجد حساس كرنك بهذه السيارة بعد سؤالى للميكانيكى

**samirayad** · 11-07-2009 01:06 AM

مش حقن ألكترونى كامل...........وياريت تدينا شويه بيانات عن المكنه .....وهل هى أربعه سلندر ......وبعدين دا فيها حساس mass air flow وبتقول فيها حساس ماب .............يبقى فيها حساس كرنك...........وأعتقد المفروض بيكون فيه ياحساس ماب أو ماف بس فى المكنه (لأن الوظيفه واحده ) وهى تحديد كمية الهواء المطلوبه للمكنه

**lonedoctor** · 11-07-2009 05:36 AM

السيارة 8 سلندر 4.7 الف سىسى تعتبر من الجيل الاول للحقن الاليكترونى

**samirayad** · 11-07-2009 07:30 AM

يبقى البلوك حرف v ........عاوزين بقه نعرف موقف كل الحساسات اللى فيها .......ولا فيها كربوراتير ....وهاف أنجكشن هى .....وفلتر الهواء فوق الكربوراتير ......عاوزين نتعرف على الحاله صح .....علشان نفكر صح ...........وأهم شىء عدد الحساسات ونوعها بالضبط ......لو تقدر ........أصل أكيد فيه حاجه فى عملية التحكم اللى بيعمل الكلام ده ..........وبرضه ححاول أشوف جديد محتمل وأوافيك بيه .......وحاول برضه أنت من جانبك .....لو تدعمنا بمعلومات تانيه

**samirayad** · 11-07-2009 07:37 AM

مبدئيا كده بشكل عام ....حاول تأمن كل الكتاوتات والفيوزات اللى عندك كويس .....وشوف الآداء كده ......يمكن تكون فيه حاجه مهزووه وشغاله بمزاجها من عناصر الأمداد الكهربى لعملية التحكم بمشتملاتها ....بتفصل وتوصل وجرب

**SAMEH_FOUAD** · 11-07-2009 11:04 AM

شوف الموبينا لما بتسخن ممكن تخلى العربية تبطل وهية ماشية ,وحاول تنظف الرشاشات ,ونظف فلتر طرمبة البنزين ,
كل الحاجات اللى انت غيرتها دية ماتخليش العربية تبطل وهية ماشية,وعن طريق الكبيوتر تقدر تحط العربية على الكمبيوتر وتشوف ان الحساسات دية تعمل بكفاءة ولا لأ ,لكن مافيش منها حاجة تخلى العربية تفصل وهية ماشية