رشحولى غسالة اوتوماتيكية غير الايديال زانوسى

**Mohamed.Fawzy** · 14-07-2009 03:31 PM

المشاركة الأصلية كتبت بواسطة sab3aawy

معلش هزود شوية فى الأسئلة

1-هل المجفف ده اختراع عملى وللا مالوش فايده

2-وبيشتغل بالهواء وللا التسخين وللا كلاهما

3-وظروفه ايه مع استهلاك الكهرباء؟

4- اخبار ال جى ايه مع قطع الغيار والصيانة؟

ج1 - ايوه اختراع و المدام هتدعيلك عليه و مالوش علاقه انت عند منشر ولا لأ... الناس فى اوروبا كلها معندهاش مناشر و عندها دراير و محدش فيهم هدومه مكرمشه ولا حاجه و خالى بالك انها كمان بتعقم الهدوم

بجانب ان lg اللى عندى فيها تكنولوجى مش بتكرمش الهدوم

ج2- بتشتغل بالهواء و بالبخار الساخن

ج3- طبعا بتزود من استهلاك الكهرباء بس مش للدرجه ممكن حضرتك تشوف التفاصيل بتاعتها و بتستهلك كهرباء قد ايه لما تتفرج عليها

ج4- توكيل lg كان الأول مع بهجت و دلوقت خدته شركه تانيه محترمه جدا و عندهم اهتمام غير طبيعى بالعميل انا من اشد المعجبين بالتكنولوجى بتاعه lg

انا لسه شارى من عندهم تكييف lg واحد ونصف حصان بالمناسبه هما لسه منزلين التكييفات بتاعتهم الصيف ده و المكونات بتاعته و الكومبريسور جايه من مصانه lg تركيا

و بسم الله ما شاء الله اداءه غير طبيعى سواء فى البروده او الهدوء و التكنولوجى (البلازما فلتر و الجيت كوول و خلافه) و لقيت فيه ميزه جامده جدا هيه انه بينضف نفسه بنفسه عن طريق زرار بتدوس عليه بعد ما تطفى التكييف بيعمل هواء ساخن و رزاز ماء على الفلاتر علشان ينضفها و يتخلص من الشوائب و تطرد فى مجرى الماء علشان كده عمره ما يطلع ريحه

و فى النهايه ربنا يوفقك و تجيب غساله كويسه و فيها كل المميزات اللى حضرتك عايزها والله انا حاسس اننا حيرناك معانا

عموما حاول تدخل على السايتس بتاعه LG و دايو و اريستون و تشوف المنتجات و تقارن بينهم و تشوف الخصائص التفصيليه ليهم و قدرتهم الكهربائيه قبل ما تنزل تتفرج فى المحلات و ربنا يوفقك

**كابوس الليل** · 14-07-2009 03:44 PM

مفيش احسن من الجنرال الكتريلك
جنرال الكتريك ديه ممكن تقول عليها اخت جنرال متوزرز
الشكرة ديه بتعمل كل حاجة بتعمل جرارات للقطار و بتصنع طيارات مش شركات تانية
انصج بيجنرال الكتريلك

**dreslam** · 15-07-2009 11:43 AM

رايي الشخصي ال جي اهدا غساله سمعتها في حياتي انا عندي الكوري 6 كيلو بمجفف ما شاء الله

**CryptonX** · 15-07-2009 12:13 PM

وفي برده " العبد"

لوحضرتك عارفه يا استاذ سبعاوي .

نزل غسالات "Whitepoint " و هي مكونات ايطالية مجمعة في تركيا .

تمنها ابن حلال اوي .. انا جبت واحدة 5 كجم تقريبا فول اوتوماتيك ب 2000 جنيه مصري .

و جبتها من موزع بتاع اديال و توشيا و وايت بوينت .

قالي الايديال خلاص مبقتش زي زمان و بتسخن و بتعمل , التوشيبا الي من فوق دي قالي مبيعاتها كويسة بس لسة مبنلهاش اي عيوب او مشاكل فمنصحكش بيها حاليا .

قالي العبد عامة من احسن الناس في الصيانة و اعتقد انه كان توكيل ايديال زمان ( مش متاكد ) .

ممكن برده تطحها في اختياراتك لو الاموال مش متوفرة اوي .

**ahmed1981** · 18-07-2009 11:41 PM

أنا عندي في البيت بعد أن قمت بإصلاح الإيديال زانوسي أول مرة
وتركيب بلي للحلة
وكان نوعه SKF
وبعد فترة ليست كبيرة باظت تاني

فكرت أصلحها لقيت جسمها من تحت الصدأ كل قلبه ونخر في عضمه

المهم بدأت رحلة البحث عن نوع آخر غير الزانوسي الإيديال

المهم بعد جهد جهيد وبحث وتدقيق توصلت لغسالة lg
ومواصفاتها:
7 كج
تحكم رقمي ديجيتال
توفير في الماء
توفير في المسحوق
توفير في الكهرباء
صناعة أردني

ولها وكيل محترم وصيانة وضمان

المهم إشتريتها من حوالي سنتين أو أكثر ب 2400 جنيه
وحتى الآن تعمل مثل الحصان (ولله الحمد)

بخصوص الضمان والصيانة:

من فترة حوالي شهر بدأت الغسالة متعصرش
إتصلنا برقم الصيانة وكان يوم خميس
قال هنجيلكم السبت
بعد عدة ساعات لقيته بيكلمني على الموبايل إنه تحت البيت وأنا مكنتش موجود
المهم يوم السبت جاء وفك الموتور وغير الشربون
ودفعت 80 جنيه تكلفة الصيانة بقطع الغيار

أنا بحكي قصة هذه الصيانة لتوضيح تميز الوكيل حسب ما حدث معي

والعيب الذي أؤخذه على هذه الغسالة هو إرتفاع صوت موتورها

وهذا كل ما حدث
وبعت الغسالة الإيديال مستعملة ب 400 جنيه بالسلامة

طبعاً نزل منها (الغسالة LG) إلى جانب الأردني بعض الموديلات الكوري
والتي تتميز بتقنية جديدة وهي الدفع المباشر بدون سير
الموتور على الحلة على طول
أكيد أهدأ وأكثر إتزاناً
وبعضها به مجفف ذاتي
وبعضها به خاصية الغسيل بالبخار

والحمد لله أولاً وأخيراً

**NaderNabil** · 18-07-2009 11:50 PM

المشاركة الأصلية كتبت بواسطة ahmed1981

أنا عندي في البيت بعد أن قمت بإصلاح الإيديال زانوسي أول مرة
وتركيب بلي للحلة
وكان نوعه skf
وبعد فترة ليست كبيرة باظت تاني

فكرت أصلحها لقيت جسمها من تحت الصدأ كل قلبه ونخر في عضمه

المهم بدأت رحلة البحث عن نوع آخر غير الزانوسي الإيديال

المهم بعد جهد جهيد وبحث وتدقيق توصلت لغسالة lg
ومواصفاتها:
7 كج
تحكم رقمي ديجيتال
توفير في الماء
توفير في المسحوق
توفير في الكهرباء
صناعة أردني

ولها وكيل محترم وصيانة وضمان

المهم إشتريتها من حوالي سنتين أو أكثر ب 2400 جنيه
وحتى الآن تعمل مثل الحصان (ولله الحمد)

بخصوص الضمان والصيانة:

من فترة حوالي شهر بدأت الغسالة متعصرش
إتصلنا برقم الصيانة وكان يوم خميس
قال هنجيلكم السبت
بعد عدة ساعات لقيته بيكلمني على الموبايل إنه تحت البيت وأنا مكنتش موجود
المهم يوم السبت جاء وفك الموتور وغير الشربون
ودفعت 80 جنيه تكلفة الصيانة بقطع الغيار

أنا بحكي قصة هذه الصيانة لتوضيح تميز الوكيل حسب ما حدث معي

والعيب الذي أؤخذه على هذه الغسالة هو إرتفاع صوت موتورها

وهذا كل ما حدث
وبعت الغسالة الإيديال مستعملة ب 400 جنيه بالسلامة

طبعاً نزل منها (الغسالة lg) إلى جانب الأردني بعض الموديلات الكوري
والتي تتميز بتقنية جديدة وهي الدفع المباشر بدون سير
الموتور على الحلة على طول
أكيد أهدأ وأكثر إتزاناً
وبعضها به مجفف ذاتي
وبعضها به خاصية الغسيل بالبخار

والحمد لله أولاً وأخيراً

انا سامع كل خير عن الغسالات ال lg...
ال 7 كيلو دلوقتي ب حوالي 2500
و فيه 7 كيلو برضو بس الموتور دايركت علي الحلة...من غير سيور...هدوء تام و أقل إستهلاك في الكهرباء...ب 3500

و أيضاً الثلاجات و التكيفات ال lg...الناس بتشكر فيها جداً

**D . a .\ AYMAN** · 20-07-2009 05:58 PM

المشاركة الأصلية كتبت بواسطة نور القمر

وميزة اللي فتحتها فوق كمان لو نسيت حاجة عايز تضيفها او تشيلها تقدر تفتح في اي وقت مش مضطر تستنى لما البروجرام يكمل زي ما حصل معايا وغسلت بنطلون جوزي بالفلوس واستنينا لما خلصت البروجرام علشان ننقذ يا يمكن انقاذه

أنا مرة برضه نسيت الفلوس في الملابس وطبعا إتحطت بيها روحت شايل الفيشة بتاعة الغسالة وإستنيت لما اللوك فتح روحت مطلع الفلوش وقعدت أنشف فيهم ورجعت شغلت الغسال تاني .... ودلوقتي كمان اللوك الإلكتروني بتاع الباب بايظ فساعات بفتح الباب وهي شغالة كمان وأحط حاجات وأشيل حاجات

المشاركة الأصلية كتبت بواسطة sab3aawy

معلش هزود شوية فى الأسئلة

1-هل المجفف ده اختراع عملى وللا مالوش فايده

2-وبيشتغل بالهواء وللا التسخين وللا كلاهما

3-وظروفه ايه مع استهلاك الكهرباء؟

4- اخبار ال جى ايه مع قطع الغيار والصيانة؟

بصراحة المجفف لو كان عملي في المواقف الطارئة لكنه غير عملي بصورة دائمة لأن الملابس وأي أقمشة محتاجة الشمس هناك أنواع كائنات دقيقة لا تموت إلا بأشعة الشمس

عموما اللى أقدر أفيد بيه في الموضوع ده هوة حاجة واحدة بس

إبعد

عن

حاجة

إسمها

كريازي

1- صوتها وحش
2- القفل بتاعها ضعيف وهما عارفين كده وبرغم كده لم يطوروه حتى هذه اللحظة ( تم تغييره مرتين وفي الآخر روحت فاصل الإلكتروني ولازق القطعة البلاستيك بإيبوكسي ومركبها )
3- ساعات البرامج بتاعتها بتهيس وتحس إن في بعض الدورات عدت منها ( مرة ماتشطفش .. مرة ماتنشفش .. وهكذا )
4- درج المسحوق بتاعها تصميمه وحش جدا وبيسيب بقايا مسحوق لازقة تركمت مع الزمن ومش عارف أشيلها منه
5- أزرار التحكم بتاعتها مش حلوة .. تحس إنها هاتكسر في إيدك وانت بتلفها

**hani945** · 22-09-2009 01:47 PM

المشاركة الأصلية كتبت بواسطة نور القمر

انا جربت كذا نوع من الاتوماتيك المعتادة زي كريازي وايديال زانوسي في بيت والدتي وحماتي ونوع تاني الماني كان عندي في ابوظبي مش فاكرة اسمه وفي الاخر استقريت على ان الفوق اتوماتيك هي الافضل

انا عندي توشيبا لكن كانت من برة ماشاء الله بجد ممتازة بقالها اكتر من 6 سنين واختي جابت زيها توشيبا العربي من مصر

مميزاتها
ممتازة من ناحية النضافة لان تكوين حلتها اشبه بالغساله العادية فيها مروحة من تحت وبتلف دورة شمال ودورة يمين
وبستخدم مسحوق عادي وطبعا تكلفته المادية اقل
الصيانه يكفي انها من العربي من ناحية الصوت والرجة مقبولين
اما بالنسبة لطلمبة الطرد فدي حلها سهل عملنا ماسورة الصرف منخفضة وبالنسبة للتسخين عملنا لها خلاط مية
وبالنسبة للازرار كلها لوحة الكترونية مساحتها حوالي 10 سم *25سم لو لقدر الله باظت بتتغير اللوحة كلها
بتظبط نفسها على حسب كمية الغسيل وتملى الميه على اساسه يعني ممكن تستخدم كغسالة اطفال
وتوشيبا المصرية ال 5 كيلو فيها 3 مستويات يعني في الحالة دي ممكن تستخدم كغساله اطفال
عندي انا الاكبر ال 7 كيلو فيها 5 مستويات للمية مش عارفه الاكبر في مصر نفس الوضع ولا ايه
هي بالمناسبة في منها 5 و7 و10
انا شايفه ان ال 7 الانسب كحجم
ميزة كمان ان الوقت المستخدم كله في الغسيل لا يتعدى الساعة والنصف
مفيش مشكلة لو المية قطعت او كانت ضعيفة لانها في لوحة ديجيتال بطلع ايرور بكل مشكلة سواء ضعف المية او غيره
اهم ميزة انها ارخص كتير من الغسالات الاتوماتيك المعتادة الاخرى
على فكرة قريبتي اشترت زيها يونيفرسال بتشكر فيها برضو لكن فريش شوفتها عند قرايبي وحشة جدا

البرامج
بتتحكم في عدد دقائق الغسيل في 3 اختيارات
بتتحكم في عدد مرات الشطف في مرة او مرتين او شطف مستمر يعني بتملى ميه وتصرف في نفس الوقت لمدة معينة طبعا وهي بتلف بالغسيل
فيها نقع للغسيل
فيها امكانية غسيل بطانية انا بغسل فيها البطاطين الصغيرة ولو عندك ال 10 كيلو ممكن تغسل بطانية كبيرة
فيها غسيل ثقيل للملابس شديدة الاتساخ
فيها عامل امان للاطفال بمعنى انها لو بابها اتفتح اثناء الدوران السريع وبتقف وتدي صفاارة انذار عاليه
صفارة عند الانتهاء من الغسيل
صفارة لو حصل اي ايرور زي ضعف المية او غيرة
في امكانية انك تلغي الصفارة نهائي ولو ان وجودها افضل
هي في مجملها بسيطة الاستخدام وعملية

أنا عندى غسالة يونيفرسال الفوق اوتوماتيك 8 كجم فيها 18 برنامج وفيها عصر وفيها طرمبة لطرد المياه ، هى ممتازة قوى وبتنضف كويس ، بس فيه عندى سؤال

طرمبة السحب صوتها عالى فى سحب المياه وخرطوم الصرف بينزل مية قليلة ولما المياه تقرب تخلص من حلة الغسيل صوت الطرمبة بيختفى وخرطوم الصرف بينزل مياه كتيرة .
هل ده عيب فى طرمبة الصرف ولا هى طبيعتها كده ، وهل كل الغسالات اليونيفرسال الفوق أوتوماتيك كده ولا المشكلة دى عندى أنا بس وشكراً ؟؟؟؟؟