رشحولى غسالة اوتوماتيكية غير الايديال زانوسى

**sab3aawy** · 12-07-2009 05:21 PM

منذ زمن طويل كنت قد قررت ان تجربتى مع تلاجات ايديال قد وصلت الى نهايتها بسبب انها غير مناسبه نهائيا لفكرتى عن منتج جيد وخالى من المشاكل، لكن بقيت لفترة محتفظا بفكرة طيبة عن الغسالات ايديال نظرا لتجربتى مع الغسالة ايديال زانوسى فى بيتنا قبل الزواج ، عموما مش هطول عليكم لان الغسالة ايديال زانوسى اللى اشتريتها لبيت زواجى اقنعتنى تماما ان قصتى مع كل منتجات ايديال قد انتهت سواء تلاجات او غسالات
المهم انا حاليا محتاج اشترى غسالة اخرى، ومحتاج ممن لديه خبرة بهذة المسائل منكم ان يتفضل بارشادى لما هو جيد بالسوق-مع اخراج الغسالة ايديال زانوسى تماما من الاختيارات

ويمكن ان ناخذ النقاط الآتية فى الاعتبار:

الحمولة-مدى اتساع خيارات البرامج- تحكم من خلال المؤقت الميكانيكى ذو البكرة ام تحكم الكترونى- الاعتمادية- سهولة الاستخدام- مقاومة بدنها للصدأ- مقاومة ازرارها للتلف والانكسار- كفائة التوكيل وتوافر قطع الغيار-هدوء الصوت وانعدام الرجرجة- السعر ، يعنى كل اللى يقدر يقيم الغسالة اللى هيقترحها من وجهة نظر النقاط السابقة او اللى يقدرعليه منها هيفيدنى كتير.

لو فيه منتج مصرى ذو سمعة طيبة فأهلا به. ولو مافيش يبقى هشترى مستورد وقلبى ينفطر حزنا، لكنى لست مستعدا لتكرار تجربة الايديال مرة اخرى

**أبو صلاح** · 12-07-2009 05:24 PM

بط يا زعيم
في واحد اعرفه متجوز من سنة وجاب غسالة مستوردة lg
وبيشكر فيها جدا وبيقول من ساعة لما جابها ولا مرة اتصل بالصيانة وشغالة فل

**eng.octooo** · 12-07-2009 05:29 PM

ال جى كويسة اوى

**ابو حسين** · 12-07-2009 05:43 PM

سبعاوى باشا ان سالت كمان وسمعت ان الغساله توشيبا العربي الفوق اوتوماتك 10ك كويسه لانها تستخدم مسحوق عادي بس في مشكله مش فهمه مش لاقيها في السوق وفي توشيبا غير متوفره الان مش عارف ليه

**mohamed_mohsen** · 12-07-2009 05:47 PM

white whale ....لسه شايفها من يومين في هايبر 1
بس ....غاليه جدا

**dr.nemo** · 13-07-2009 02:40 AM

احنا عندنا
كلفينيتور ....... امريكي
صوتها خفيف جدا
وتنظيف رائع
برنامج سهل جدا
خدمة الصيانة ممتازة جدا
مش فاكر كام كيلو بس هي مش اقل من 10ك ابدا

عيبها
ثمنها غالي جدا .........ب 11 الف جنيه بس لو جبتها من برة ارخص كتير(اقل من5 آلاف)
قطع غيار غالية جدا
محتاجة عناية خاصة
محتاجة مدخل سخن ومدخل بارد

**mramzy** · 13-07-2009 09:43 AM

بيكو تحفة ايطاليه

ودايو برضه حكايه
بس عن تجربه من اول ما تجوزت من 20 سنه جى ام سى
ما شاء الله الله اكبر يادوب كاوتشه الباب مره واتغيرت
ورمان البلى مره واحده
والحمدلله وكان سعرها ببلاش كده

**sh21s** · 13-07-2009 09:59 AM

الأنواع الكورى ممتازة (دايو أو lg)
عندى موديل دايو 7 كيلو. اخترتها لللأسباب التالية:
1- حلة 7 كيلو
2- سعرها سعر الإديال 5 كيلو ويمكن أقل
3- موفرة فى استهلاك المياه و المسحوق. غير الإيديال بتاعت والدى اللى الحلة كلها مياه ورغاوى.
4- أنظمة متعددة مناسبة لكل الاستخدامات.
5- صوتها مريح و التعامل معها سهل.
بالنسبة لل إل جى موجودة عند أختى و تقريبا نفس المواصفات و المزايا، و الفرق الجوهرى إن دايو تجميع بهجت و ال إل جى كانت تجميع إردنى بس مش فاكر التوكيل. أثناء التركيب كان توكيل إل جى مريح جدا.
وربنا يوفقك لاختيار الأنسب

**أبو_يوسف** · 13-07-2009 10:02 AM

متهيألي الحمولة الكبيرة للغسالة مش ميزة في الاستخدام المنزلي..
لأن غسل الملابس بكمية اقل من الحمولة بيقطع ويدوب ويبهدل الملابس بدري بدري..
وعلشان الواحد يجمع 10ك ملابس عايزله وقت طويل
متهيألي 5ك معقولة..
والحمدلله عن تجربة إيديال زانوسي ممتازة..
وسمعت ان العبد منزل نوع جديد تقريبا اسمه ...... بوينت .. بس مش فاكر ايه بوينت..

**kh_talaat** · 13-07-2009 10:07 AM

في غساله مستوردة وسعرها معقول أسمها أريستون وهي صناعة ايطالية وهي تعتبر من أرخص الغسالات الاوتوماتيك المستوردة وكتير بشكروا فيها وطبعا في منها بأحجام مختلفة وبرامج مختلفة حسب احتياجاتك

الموضوع: رشحولى غسالة اوتوماتيكية غير الايديال زانوسى

LinkBack

أدوات الموضوع

عرض

رشحولى غسالة اوتوماتيكية غير الايديال زانوسى - انشر الموضوع فى :

-

-

-

-

-

المواضيع المتشابهه

تنظيف حساس الايديال

الايديال كونتلولار

بوتجاز زانوسى ايطالي للبييع 90*60

غسالة فريجدير ايطالى اتوماتيك للبيع بسغر غسالة عادية !

عداد ال Rpm بوضع الايديال

الكلمات الدلالية لهذا الموضوع

المفضلات

المفضلات

ضوابط المشاركة