| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 5 1 2 3 4 5 الأخيرةالأخيرة
النتائج 1 إلى 10 من 43

  1. #1

    الصورة الرمزية MoToRiZeR

    رقم العضوية : 2780

    تاريخ التسجيل : 24Oct2007

    المشاركات : 4,837

    النوع : ذكر

    الاقامة : beneath the sky

    السيارة: Renault Clio 2007

    السيارة[2]: Daihatsu Sirion XL 2008

    الحالة : MoToRiZeR غير متواجد حالياً

    افتراضي انــــا مــــش فـــي الدايـــــرة ! - Facebook Twitter whatsapp انشر الموضوع فى :

    hasad">




    يعتقد كل منا بأنه بمجرد أن يؤدب سائق تاكسي أو سائق ميكروباص قليل الأدب، سواء معنوياَ أو جسدياَ، بأنه قام بعمل بطولي لأنه قد لقنه درس سيمنعه من تكرار الغلطة بشكل نهائي .. و لكن الواقع أن الأثر النفسي لمثل هذه الواقعة هو مجرد نقاط من البنزين التي تشعل نار "دائرة القهر" في الشارع المصري .. فهناك دائرة من القهر و الظلم يمارسها سكان القاهرة علي بعضهم البعض بدون وعي في المكان الوحيد الذي يلتقون فيه و يتعاملون مع بعضهم البعض دون سابق معرفة .. الشارع .. خلف عجلة القيادة .. كل شخص فيهم يمارس القهر علي شخص بسبب شخص أخر قد مارس هذا القهر عليه سابقاَ ! فمجرد أن يكسر عليك شخص و يعدي بالبلطجة و مفيش حاجة تجبلك حقك .. ده نوع من أنواع القهر !

    مثلاَ .. إنت متعود أن سائقي الميكروباص في منتهي الإهمال .. و لديك في سيارتك العديد من العاهات المستديمة بسببهم .. لذلك فأنت علي موقف دفاعي عدائي دائماَ منهم .. و إذا حدث موقف بينكم .. ففرصة تطوره أكبر من فرصة تطور الموقف مع أي فئة أخري من السائقين .. فأنت مشحون لدرجة إنك بتتلكك لأي سواق ميكروباص .. و تعتبر أن سائقي الميكروباص كلهم "عائلة" واحدة و متفقين عليك في مؤامرة كبيرة .

    الوضع فوضوي .. نعم .. لا يوجد قانون لحكمه .. بالتأكيد .. و لكننا عندما نتصرف بطريقة "حقك بدراعك" و ننظر لها النظرة البطولية .. فإننا نغفل العديد من الحلقات في السلسلة .. فماذا من الممكن أن يحدث لسائق قد تعرض للتأديب علي يد سائق أخر ؟ فبالرغم من إن الغلط ممكن يكون راكبه من ساسه لراسه .. إلا إنه سيشعر بالقهر و سيبحث عن طريقة للتنفيس .. ماهي بعض السيناريوهات المحتملة ؟

    1- أن يرجع هذا السائق لبيته مهموماَ مش طايق نفسه، فيجد أمامه أولاده فيوسعهم ضرباَ، و من الممكن أيضاَ أن يضرب زوجته .
    2- أن يقبل دعوة علي بعض المخدرات حتي "ينسي و يروق" .. و يقود مركبته بعدها و يصدم أحدهم و يقتله .. أو يموت هو .
    3- أبسط السيناريوهات .. أن يقود بغضب فيصدم أحدهم و يقتله .. أو يتسبب في حادث يودي بحياته .. أو يصدم سيارة و يحدث بها ضرر بالغ فتحدث مشاجرة يكون نتيجتها موت أو عاهة أحد الأطراف !

    و تخيل كل ده بدأ بإيه ؟ بيك ! بسبب كلمة .. شتيمة .. قلم لطشتهوله .. أي حاجة زودت القهر اللي حاسس بيه الناس .. شئ مرعب مش كدة ؟ مين كان يتخيل إن الشتيمة اللي شتمها لسواق التاكسي أو الخناقة اللي هراه ضرب فيها متخيل إنه كدة بيمنعه من تكرار الغلطة .. إنها ممكن تنتهي بأطفال نايمة معيطة و حاسة بقهر -هتمارسه علي حد في يوم من الأيام- أو زوجة مطلقة أو شخص ميت ! و مش لازم سواق ميكروباص! ممكن سائق ملاكي عادي تكسر عليه .. فيشعر بالقهر و يكمل باقي الطريق سواقة عنيفة لإحساسه بالغصب و يعمل حادثة يموت فيها .

    طب ماذا عن أثر الموضوع عليك إنت ؟

    1- هيتولد لديك إحساس دائم بإنك بمجرد ما تفتح باب السيارة و تدورها إنك داخل علي خناقة .
    2- هتنتظر حد يغلط حتي تبدأ في الدفاع عن نفسك و القيادة بنفس أسلوب "الرخامة" تأديباَ لباقي الناس اللي في الشارع !
    3- مزاجك هيبقي سئ و إحتمال القيادة تسبب لك إكتئاب .
    4- هتبوظ علي نفسك لحظات حلوة كتير بسبب عصبيتك بعد السواقة .

    لو بتسوق ساعتين بس كل يوم يبقي بتسوق 60 ساعة في الشهر و 730 ساعة في السنة .. يعني بتسوق في السنة .. 30 يوم .. شهر كامل بدون إنقطاع ! و السنة فيها 12 شهر .. تخيل إنك مضيع من ال 12 شهر اللي في السنة وقت شهر كامل بدون نوم ولا إنقطاع .. في حرقة الدم ! و لو بقالك 12 سنة بتسوق فا إنت قعدت وقت سنة كاملة دمك محروق ! هل الموضوع مستاهل؟ و هل عندنا وقت كفاية عشان نضيع شهر في حرقة الدم ؟ و هل دي الحياة اللي بنتمناها لنفسنا قبل غيرنا ؟ و مش أكيد الشهر ده ممكن تستغله في حاجة أحسن ؟

    و أثر الموضوع ده علي صحتك .. تخيل قعدوك في مكان لمدة شهر بدون نوم و إنت في حالة غضب و إحباط طول الشهر .. أكيد مش هتكمل الشهر و هتنهار في الوسط .. أو علي الأقل يجيلك مرض مزمن .. أهو إنت بتاخد نفس الجرعة لمدة ساعتين يومياَ علي مدار السنة .

    فيه في مجتمعنا ناس كتير مختلفة عننا و تفكيرها غير تفكيرنا و ظروفها غير ظروفنا .. و لو تخيلنا إننا نقدر نغير ده يبقي مستحيل .. لكن اللي نقدر نغيره .. نظرتنا للأمر .. فإذا إستطعنا تغييرها لتخدمنا في النهاية .. فسيكون أفضل من أن نقوم بعمل نظنه بطولي و لكنه من الممكن أن يكون له عواقب لا نراها علي الإطلاق .. فيه مقولة بتقول إنك إذا عملت نفس الحاجة بنفس الطريقة هتطلعلك نفس النتيجة .. من الممكن أن تنطبق علي السواقة .. لو فضلت تبص للشارع علي إنه مؤامرة و سكة لحرق الدم و العكننة هتكون النتيجة الطبيعية .. إن يتحرق دمك!

    إذا حاولت أن تغير نظرتك .. و لو جزئياَ .. قد تكون السبب في أن بعض الأطفال لن يناموا دامعي العينيين اليوم .. أو أن شخص سيفقد حياته أو القدرة علي تحريك أحد أعضاؤه أو علي الأقل .. كرامته! و في نفس الوقت .. ستحظي بذلك الشعور بأنك خارج الدائرة .. خارج دائرة القهر و لست ممن يغذوها بإستمرار .

    شغل في العربية مزيكا بتحبها و روق و إنزل بدري و سوق براحتك .. انا مش في الدائرة .


    Leadership is based on inspiration, not domination


  2. #2

    الصورة الرمزية Imhotep

    رقم العضوية : 22719

    تاريخ التسجيل : 20Oct2008

    المشاركات : 3,543

    النوع : ذكر

    الاقامة : Egypt

    السيارة: none

    السيارة[2]: Accent rb

    دراجة بخارية: none

    الحالة : Imhotep غير متواجد حالياً

    افتراضي -

    تشخيص اكثر من ممتاز لحالة عامة كلنا بنعيشها...... لكن انا احب اضيف انها حالة مجتمع بالكامل اسلوب حياته معتمد على القهر الذى لا يترك احد فرصة لممارسته الا و قام بالفعل بذلك...... قهر الحكومة للمواطن، قهر الزوج لزوجته و بالعكس، قهر الاب لابناؤه و بالذات الكبير بزعم جعلهم يتحملون المسؤلية، قهر المدير لمرؤسيه و اساءة استغلاله لسلطته واساءة استخدام اسلوب الثواب و العقاب، وهكذا....... دوائر جهنمية من القهر لا يفلت منها احد، وان نجا من احداها فلابد سيصتدم بالاخرى فى وقت ما...... هو اسلوب حياة لمجتمع للاسف اصبح يتسم بالعدوانية الشديدة و غياب متزايد لكل ما يجعل الحياة تستحق ان تعاش...... اشياء صغيرة مثل البهجة لرؤية ابتسامة طفل صغير او رؤية زهرة صغيرة تنبت على احد جوانب الطريق دون يلتفت اليها احد او الالتفات لرؤية تشكيل جميل من السحاب فى سماء يوم شتوى ممطر و غيرها....... للاسف افتقدنا الاحساس بالحياة و الجمال الذى وضعه الله سبحانه و تعالى فيها...... لكن لازال الامل موجود كما تقول انت بالرجوع لمحاولة رؤية الاشياء البسيطة البديهية التى تغيب عنا جميعا مثل القيادة الهادئة و عدم ارهاب الناس بالسرعة الشديدة او امراض القيادة المتوطنة من حرق و شد و غرز او الكلاكسات اللى تنرفز، وكلمة الاعتذار التى غابت عن الكثيرين فى محيط يرى الكل فيه انه على صواب مطلق و باقى الناس على خطأ بين...... و على المستوى الاكبر محاولات لاعادة الاستمتاع باشياء الحياة البسيطة الجميلة المجانية التى منحها الله لنا لكى نبصرها لكننا تغافلنا عنها فاصبحت حياتنا على ما هى عليه....... يسعدنى ان اضم نفسى لك لكى نكون معا..... خارج الدائرة!


  3. #3

    الصورة الرمزية megaman

    رقم العضوية : 27846

    تاريخ التسجيل : 16Dec2008

    المشاركات : 526

    النوع : ذكر

    الاقامة : 6th of october

    السيارة: accent 2009

    السيارة[2]: 128

    دراجة بخارية: no

    الحالة : megaman غير متواجد حالياً

    افتراضي -

    والله عندك 1000 حق مره عاتبت احدهم على سيره العكسى وتعديه على حقى فقلى طب خلص واتكل على الله بطريقه معجبتنيش فرحت راجع بالعربيه حكيته غصب عنى فقامت خناقه ومسكنا فى بعض وهو اضرب وفرجت عليه الشارع ساعتها حسيت انى اديتله درس فى الاخلاق والمرور طبعا طول الطريق كنت متعصب ومتضايق وندمت انى كلمته من اصله لان الكلام حتى خساره فيه انا ضربته لانه شتم باقبح الشتائم متعرضا للاب والام والدين لو انا مكلمتوش ما كنش ده حصل المشكله ان كل واحد فينا عايز يبقى الضحيه والقاضى والجلاد فى نفس الوقت وفى الاخر نقول الظاهر مفيش فايده ان انت تنصح حد ويسمع منك خاصة اذا كان غير متعلم وعشوائى وبلطجى وما اكثرهم حتى فى المتعلمين ولكم تحياتى ........ اه انا كمان بره الدايره!!!!


  4. #4

    الصورة الرمزية mhoss

    رقم العضوية : 12507

    تاريخ التسجيل : 08Jun2008

    المشاركات : 742

    النوع : ذكر

    الاقامة : شهــــــــر عشـــــــــرة

    السيارة: لا يوجد

    السيارة[2]: جيتــــــــــــــــز 2010

    دراجة بخارية: N\A

    الحالة : mhoss غير متواجد حالياً

    افتراضي -

    و الله بصراحة أنا متبع اليومين دول مبدأ الإسفنجة...(تمتص المضايقات و السخافات و ليس لها رد فعل)!!!
    يعنى بكبر عن أى حد يغلس عليا أو يضايقنى لأنى بصراحة كنت بأعمل مشاكل و حكايات كتير وأحرق دمى على الفاضى و بعد كده أكتشفت اننا فى حالة تدنى أخلاقى فظيع ظهرت و تتطورت و أستفحلت فى مدة قصيرة جداً...!!!!!
    فبقيت أبتسم و أكبر دماغى و أنفض زى ما بيقولوا...و عايش


  5. #5

    الصورة الرمزية ZALABANY

    رقم العضوية : 2846

    تاريخ التسجيل : 28Oct2007

    المشاركات : 2,776

    النوع : ذكر

    الاقامة : Cairo

    السيارة: Lancer 1600 cc F/O A

    السيارة[2]: Fiat tempra 94 1600cc

    دراجة بخارية: لا يوجد

    الحالة : ZALABANY غير متواجد حالياً

    افتراضي -

    الشارع المصري فعلا بأه عامل زي الغابه ربنا يرحمنا برحمته


  6. #6

    الصورة الرمزية sab3aawy

    رقم العضوية : 72

    تاريخ التسجيل : 21Apr2007

    المشاركات : 5,092

    النوع : ذكر

    الاقامة : البحرين

    السيارة: سوزوكي ماروتي، مصر

    السيارة[2]: تويوتا ياريس، البحرين

    دراجة بخارية: لا يوجد

    الحالة : sab3aawy غير متواجد حالياً

    افتراضي -

    موضوع من اجمل ما قرات فى المنتدى فى الفترة الاخيرة، اشكرك بحرارة

    سبعاوى
    _______________________________________________


  7. #7

    الصورة الرمزية ahmedhilmy

    رقم العضوية : 13412

    تاريخ التسجيل : 22Jun2008

    المشاركات : 3,079

    النوع : ذكر

    الاقامة : cairo

    السيارة: سابقا lanos 2

    السيارة[2]: Optra AT

    دراجة بخارية: no

    الحالة : ahmedhilmy غير متواجد حالياً

    افتراضي -

    اقتباس المشاركة الأصلية كتبت بواسطة mhoss مشاهدة المشاركة
    و الله بصراحة أنا متبع اليومين دول مبدأ الإسفنجة...(تمتص المضايقات و السخافات و ليس لها رد فعل)!!!
    يعنى بكبر عن أى حد يغلس عليا أو يضايقنى لأنى بصراحة كنت بأعمل مشاكل و حكايات كتير وأحرق دمى على الفاضى و بعد كده أكتشفت اننا فى حالة تدنى أخلاقى فظيع ظهرت و تتطورت و أستفحلت فى مدة قصيرة جداً...!!!!!
    فبقيت أبتسم و أكبر دماغى و أنفض زى ما بيقولوا...و عايش
    والله بحاول ابقي زيك

    A.Hilmy


  8. #8

    الصورة الرمزية mhoss

    رقم العضوية : 12507

    تاريخ التسجيل : 08Jun2008

    المشاركات : 742

    النوع : ذكر

    الاقامة : شهــــــــر عشـــــــــرة

    السيارة: لا يوجد

    السيارة[2]: جيتــــــــــــــــز 2010

    دراجة بخارية: N\A

    الحالة : mhoss غير متواجد حالياً

    افتراضي -

    اقتباس المشاركة الأصلية كتبت بواسطة ahmedhilmy مشاهدة المشاركة
    والله بحاول ابقي زيك
    و الله أنا أخدت فترة ...
    بس فى الأخرة رفعت الراية البيضاء و أصبحت من عشاق مبداء الإسفنجة ...

    والحمد لله عايش بس حزين قوى على حال الناس و البلد..
    مش هيه ديه مصـــــــــر و لا هو ده حال المصريين

    الله يجازى اللى كان السبب فى التدنى اللى أحنا فيه ده


  9. #9

    الصورة الرمزية Eng. Rafy Samy

    رقم العضوية : 29847

    تاريخ التسجيل : 12Jan2009

    المشاركات : 1,409

    النوع : ذكر

    الاقامة : Alexandria

    السيارة: N/A

    السيارة[2]: Proton Waja

    دراجة بخارية: NO

    الحالة : Eng. Rafy Samy غير متواجد حالياً

    افتراضي -

    كلام منطقي جداُ
    انا كمان حخرج برو الدايرة بناء على اقتناعي بالموضوع
    شكري وتقديري للنصيحة

    لكم تحياتي واحترامي


  10. #10

    الصورة الرمزية aymansaad

    رقم العضوية : 19101

    تاريخ التسجيل : 15Sep2008

    المشاركات : 1,583

    النوع : ذكر

    الاقامة : السويس

    السيارة: فيات131

    السيارة[2]: فيات125

    دراجة بخارية: vesba

    الحالة : aymansaad غير متواجد حالياً

    افتراضي -

    hasad">

    لو لم اكن مصريا لوددت ان اكون......!!!!!!



 
صفحة 1 من 5 1 2 3 4 5 الأخيرةالأخيرة

المواضيع المتشابهه

  1. حتـــــى لا يقـــولــــوا: جــــاع طيــــر فـــي بــــلاد المســـــلمين
    بواسطة Gelgel2004 في المنتدى المنتــــــدى الاجتمــاعى
    مشاركات: 7
    آخر مشاركة: 11-07-2012, 11:02 PM
  2. انــــا و مـيــــنا
    بواسطة AhMeD EzZ في المنتدى المنتــــــدى الاجتمــاعى
    مشاركات: 10
    آخر مشاركة: 07-01-2011, 08:20 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2