ريحت سخونة او غليان

**محمود نجيب** · 29-07-2009 12:23 AM

المشاركة الأصلية كتبت بواسطة samirayad

توكل على الله .....طالما الوضع بالشكل ده ....وبرضه حاول تنفض الشكمان بمشوار كويس لتفويق المكنه لأنك بتقول لأن عدم المشى كتير بالعربيه وركنتها كتير والمشاوير الصغيره ممكن تكربن الشكمان .....وده يجهد المكنه برضه .....واعملك مشوار أو أكتر كده بالعربيه على طريق سريع وفوق العربيه ....وكل حيبقى فل أن شاء الله

بشمهندس سمير عياد :
ماذا تقصد بــــ: ( المشاوير الصغيره ممكن تكربن الشكمان .....وده يجهد المكنه برضه ... )
بالتفصيل مثلما تعودنا منك ، لكي يفهم الجميع (الخبير و قليل الخبرة )

**samirayad** · 29-07-2009 12:43 AM

حنفترض واحد مابيسافرش بالعربيه ....ودايما مشاويره من البيت للشغل داخل نطاق أقامته ....يعنى كل أستعماله جوه البلد ....والسرعات داخل البلد بتكون قليله ( يعنى بكتيره 60 كم /س ) على بدايه التالت وياسلام لو كانت حركته بالسياره فى منطقه مذدحمه وأشارات وخلافه ...........يعنى عدد لفات مكنه مش كبير .....يعنى سرعة عادم مش كبيره .....والعادم من مكوناته الكربون الصلب .....والكربون ماشى مع الغازات بتاعة العادم بمكوناتها.....فيه اللى حيطلع مع العادم بره الشكمان من الماسوره الخلفيه ....وفيه اللى حيسقط داخل العلب ....وبالذات جزيئات الكربون ذات الحجم الكبير ....لأن طاقة سرعتها حتبقى مش قد كده ....وتقيله فى حركتها والعادم ماشى بسرعه بطيئه .....علشان سرعة العربيه مش كبيره .....تخيل بقه مع أستمرار الحاله دى .....أيه اللى بيحصل .....تحويش كربون فى علب الشكمان ......هنا بقه العلب بتبدأ تنسد شويه .....هب أثرت على مسار العادم .....كده بقه فيه رد فعل عكسى على المكنه .....كده المكنه سخنت ....كده قل السحب .....أما لما بنمشى على الطرق السريعه .....سرعة العادم بتاخد فى سكتها كل زرات الكربون .....كده الشكمان بيبقى نظيف على طول .....وبالتالى سلاسة فى حركة عادم المكنه .......معقول الشرح ده يا أخويا : محمود ......ومعلش مش عارف أجهزه فى خطوات ....علشان حرف الa ....متاكل عندى فى الصندوق الماسى الكبيربتاع الردود... ....وأنا شغال على النايل بلو nile blue القديم ............ولو ليك أستفسار تانى ....أبقى أعيد صياغة الكلام مره تانيه أن شاء الله

**MMamdouh** · 29-07-2009 10:56 AM

المشاركة الأصلية كتبت بواسطة samirayad

حنفترض واحد مابيسافرش بالعربيه ....ودايما مشاويره من البيت للشغل داخل نطاق أقامته ....يعنى كل أستعماله جوه البلد ....والسرعات داخل البلد بتكون قليله ( يعنى بكتيره 60 كم /س ) على بدايه التالت وياسلام لو كانت حركته بالسياره فى منطقه مذدحمه وأشارات وخلافه ...........يعنى عدد لفات مكنه مش كبير .....يعنى سرعة عادم مش كبيره .....والعادم من مكوناته الكربون الصلب .....والكربون ماشى مع الغازات بتاعة العادم بمكوناتها.....فيه اللى حيطلع مع العادم بره الشكمان من الماسوره الخلفيه ....وفيه اللى حيسقط داخل العلب ....وبالذات جزيئات الكربون ذات الحجم الكبير ....لأن طاقة سرعتها حتبقى مش قد كده ....وتقيله فى حركتها والعادم ماشى بسرعه بطيئه .....علشان سرعة العربيه مش كبيره .....تخيل بقه مع أستمرار الحاله دى .....أيه اللى بيحصل .....تحويش كربون فى علب الشكمان ......هنا بقه العلب بتبدأ تنسد شويه .....هب أثرت على مسار العادم .....كده بقه فيه رد فعل عكسى على المكنه .....كده المكنه سخنت ....كده قل السحب .....أما لما بنمشى على الطرق السريعه .....سرعة العادم بتاخد فى سكتها كل زرات الكربون .....كده الشكمان بيبقى نظيف على طول .....وبالتالى سلاسة فى حركة عادم المكنه .......معقول الشرح ده يا أخويا : محمود ......ومعلش مش عارف أجهزه فى خطوات ....علشان حرف الa ....متاكل عندى فى الصندوق الماسى الكبيربتاع الردود... ....وأنا شغال على النايل بلو nile blue القديم ............ولو ليك أستفسار تانى ....أبقى أعيد صياغة الكلام مره تانيه أن شاء الله

و دة اللى الكتالوج بيصنفة تحت بند "الاستخدام الشاق"

و لربط المواضيع ببعضها حنلاقى ان دى اقرب حاجة لاستخدام الطبيب... مشاوير بين البت و العيادة و المستشفى و الجامعة اذا كان بيدرس فيها... بالتالى العربية اللى بيتقال عليها "استخدام طبيب" هى اسواء عربية خصوصا ان الطبيب حيبقى فاكر ان كدة هو مبيستهلكش العربية و حيمشى على الحد الاقصى لمدة و كيلومترات الصيانات الدورية دا لو كان فاضى يعمل صيانة اصلا

MMamdouh

**samirayad** · 29-07-2009 03:01 PM

و لربط المواضيع ببعضها حنلاقى ان دى اقرب حاجة لاستخدام الطبيب... مشاوير بين البت و العيادة و المستشفى و الجامعة اذا كان بيدرس فيها... بالتالى العربية اللى بيتقال عليها "استخدام طبيب" هى اسواء عربية خصوصا ان الطبيب حيبقى فاكر ان كدة هو مبيستهلكش العربية و حيمشى على الحد الاقصى لمدة و كيلومترات الصيانات الدورية

علشان اللى بيقولوا .....العربيه أستعمال طبيب....ويتخيلوا أن لقوا لقيه...... يشوفوا ويعرفوا ....أن العبره بهل العربيه فايقه ولا لا ......أصل العبره فعلا بالأستعمال الصح ....قبل العربيه ماتعجز ....أما لو العربيه بتتحرك مشاوير قصيره (نظرا لظروف صاحبها ) وبعد كده .....حنقول كل 15 يوم أو شهر بكتيره بتعمل مشوار محترم على الhigh way لعمل تطهير عرقى للشكمان وتفويق المكنه .....يبقى العربيه مفيش فيها مشاكل فنيه .....

**welloo** · 30-07-2009 10:04 AM

السلام عليكم جميعا ... دي أول مشاركه ليه بالمنتدى الأكثر من رائع وأرجوا الإستفاده من خبرات الجميع والأفاده إذا كان في الإمكان .
أنا معايا لانوس مو 2007 والحمد لله موش باطاله فضلت مع التوكيل حوالي سنه وسيبتهم من كتر النصب وإعتمدت على أراء الأخرين ولحد دلوأتي تمام .
أنا حبيت أعلق على موضوع الريحه اللي من العربيه وخصوصاً لو جديده لأن ده حاصلي لغاية ال 5000 كم والتوكيل ما فادنيش . المهم غسلت الموتور بالفوم في محطة موبيل اللي في شيراتون والريحه راحت تماما ثم ظهرت تاني بعد ما عملت 30000 وغسلت الموتور بردوه والريحه راحت .. أعتقد أن الريحه دي بسبب الأبخره الناتجه من الموتور واللي بتتراكم عليه كل فتره ده غير التراب ز ده رأي الشخصي طبعا وياريت الخبراء يفيدونا في حالة صحة أو عدم صحة الكلام ده .

**محمود نجيب** · 31-07-2009 03:52 PM

المشاركة الأصلية كتبت بواسطة welloo

السلام عليكم جميعا ... دي أول مشاركه ليه بالمنتدى الأكثر من رائع وأرجوا الإستفاده من خبرات الجميع والأفاده إذا كان في الإمكان .
أنا معايا لانوس مو 2007 والحمد لله موش باطاله فضلت مع التوكيل حوالي سنه وسيبتهم من كتر النصب وإعتمدت على أراء الأخرين ولحد دلوأتي تمام .
أنا حبيت أعلق على موضوع الريحه اللي من العربيه وخصوصاً لو جديده لأن ده حاصلي لغاية ال 5000 كم والتوكيل ما فادنيش . المهم غسلت الموتور بالفوم في محطة موبيل اللي في شيراتون والريحه راحت تماما ثم ظهرت تاني بعد ما عملت 30000 وغسلت الموتور بردوه والريحه راحت .. أعتقد أن الريحه دي بسبب الأبخره الناتجه من الموتور واللي بتتراكم عليه كل فتره ده غير التراب ز ده رأي الشخصي طبعا وياريت الخبراء يفيدونا في حالة صحة أو عدم صحة الكلام ده .

أنا عكسك تماما ، أنا الريحة لم تظهر الا بعد أن غسلت الموتور بالفوم فقط بدون قطرة مياه .