الموضوع: لانسر بصدر جديد

المشاركة الأصلية كتبت بواسطة Dr_Ahmed_Abdelghany

شكرا لردك أخى العزيز
أنا استخدمت نفس المصطلحات اللى كان بيستخدمها الصنايعية وهم بيشتغلوا فى العربية
الجزء اللى اتعوج فى الشاسيه هو ال حديدتين اللى ورا الصدر على طول بطول 25 سم تقريبا ، كانو معووجين بزاوية حوالى 30 درجة عن وضعهم للأمام وما ورائهم من علب وقوايم وغيره سليم وللأسف مافيش صور

أنا باتناقش معاكموطالب رأيكم لأنى عارف إن مجرد فتح الموضوع ده أمام أى مشترى هينزل السعر فعايزين نعرف الحدود المعقولة بعيد عن حرق تمن عربية فى الحقيقة جيدة جدا

مفيش شكر ولا حاجه واجبنا هنا نساعد بعض

الصدر ده الجزء الي ورا الموتور (من اول الكابينه) ده مبدأيا وسيبك من كلام الصنايعيه ومدخلش نفسك في حواري

بالنسبه بقي لوصفك كده غالبا الخبطه كانت جايه من احد الجانبين(يمين او شمال) و الخبطه عوجت فردت سلاح وطبعا لان الموتور محمل علي فردتين السلاح وتحتيه كمرة الموتور فسمع في فردت السلاح الناحيه التانيه

بمعني اصح وش العربيه كله اترحل (شمال او يمين)

يعني بالبلدي اسمها (فرادي السلاح كشكشت) وطالما متغيروش ده بيدل انهم كانو سولام وكانو محتاجين استعدال بس وده بيتم بونش هيدروليكي (سيبك من انه يربط العربيه في شجره ولا يربطها في عمود والكلام الفارغ ده)

علشان السلاح يستعدل ويطلع مسطره لازم يتعمل بونش ومعاه مزوره بيمشي عليها بالملي

دلوقت حضرتك بتتكلم علي انك مش عايز تحرق تمن العربيه

للاسف ممكن يكون في واحد زيك امين لاكن عمرك مهتلاقي الامين الي يقدر كلامك (الا من رحم ربي)

بالعكس مصدق يسمع منك الي حصل ( وطبعا هيقول الراجل بيقول كده بلسانه يعني يمكن الي حصل اكتر من كده كمان) هيعمل حاجه من اتنين :

- هيسيبك ويمشي ومش هيشتري

- هيخسف بتمن العربيه الارض ومش بعيد تلاقيه بيقولك تلتين او نص السعر الي انتا عايز تبيع بيه

اصراحه مش عارف انا لو مكانك هعمل ايه

عموما سيبني افكر وهرد عليك تاني وان شاء الله نوصل لحل باقل خساير

A.Yakout