الموضوع: لانسر بصدر جديد

انا عندى نفس المشكلة برضه مش عارف اعمل ايه؟
تويوتا 94 مغير كبوت ورفرفين واكصدام و موتور و فتيس و بربريز امامى بس الحمد لله الساشيه والعفشة متاثروش بحاجه لان الحادث جه من فوق بمعنى اصح نزلت تحت مينى باص
تم تغيير الجزء الامامى بقطع اصليه مفكوكة من عربيات مثيلاتها (من الحرفيين) كل الاجزاء فابريكة
العربيه كان موتورها 1300 2e مكنتش لاقى زيه خالص ركبت 1500 3e
صارف عليها مبلغ 15 الف جنيه بالتمام والكمال
اعمال الدهان الخارج بالكامل الداخل الشنب الى تحتيه سربنتينة التكييف فقط
طبعا لما ابيعها هاقول للهشتريها على كل حاجة بس ياترى هتقل من تمنها كااام؟؟
10-15 برضه؟؟؟
العربيه كانت هتتباع قبل الحادث باسبوع الحمد لله على كل شئ
المضحك فى الموضوع ان الموتور ال1300 والفتيس فى التوكيل ب 40+20 يعنى 60 الف جنيه اكتر من سعر العربية اساسا انا جايب الموتور بالفتيس ب 5600 جنيه استيراد طبعا
ياريت تفيدونى فى الموضوع ده عشان مخنوق بجد ومش عارف اعمل ايه واكون شاكر ليكو

يا جماعة دلوقتى انا راجل هاشترى عربية ليه اجيب عربية مخبوطة قبل كدة و لو حتى اتصلحت فى اليابان و قدامى فى السوق الفابريكة انا لو هاجيبها يبقى اكيد لازم سعرها يكون اقل بكتير من الفبريكة عشان يغرينى انى اشتريها و خلى بالكو انى بعد كدة لو حبيت ابيعها العيب ده انا اللى هاشيلو.
النقطة الثانية ان لا يوجد عربية عملة حادثة و ترجع للاصل ابدا الحديد يا جماعة خصائصوا بتتغير نتيجة الطرق و التسخين و الشغل اللى بيحصل عليه ازار يعنى عربية خارجة من المصنع معالجة حراريا تبقى زى عربية الصنيعية عجنو فيها عشان يرجعوها لاصلها حتى لو ابعاد الحديد رجعت ذى ماكانت فالصلابة بتعتو بتقل معلش انا كلامة ثقيل بس دى الحقيقة
نصيحتى انك تقول للمشترى الحقيقة كاملة و رزقك على الله