الموضوع: العربيه بتعلق ومابتدرش

طيب سيبنا من موضوع حساس الكرنك دلوقتى

1- جرب لما يحصل معاك الحاله دى ....تجيب فوطه صفراء مبلوله ومعصوره وحطها على جسم البوبينا بهدف تبريدها لحد ماتبرد البوبينا
وجرب الدواره ......لو العربيه دارت على طول
تبقى البوبينا عندك خلاص حتعوز تتغير .........
2- طيب لو عملت الموضوع اللى فى رقم 1 ده ولسه العمليه معصلجه
حتحتاج تغير جلب المارش للأسف
لأن مع السخونه ساعات المارش بيعمل الحركه دى
الجلبه الأماميه بتاعة قلة المارش بتقفل بسبب السخونه على عمود ترس البندكس ...وتمنعه من الطلوع على الحدافه ( الفلام )
ولما تتفك الزرجنه دى مع محاولات ملف السحب (اللى جوه الأتوماتيك )......بتسلك العمليه