الموضوع: عيوب مش قاتله بس تغييييييييييظ

المشاركة الأصلية كتبت بواسطة mummy_47

موضوع الزيت ده عندي انا كمان....انا كنت ليسه مغير زيت موبيل 1 4 لتر وبعدين رحت عند الميكانيكي وبعد شوية وانا راجع لاقيت المقاس عند النصف..وده مش معناه انه ناقص لانه مش مفروض يكون على الماكس او يعديها خالص عشان ميخنوقش المتور...لان وانا جايب العربية ديه من بورسعيد حطيتلها زيت كده اي كلام عشان المشوار بس وبعدين وانا ماشي لاقيتها بدخن جامد من عند الشكمان ولمبة التشيك نورت وانا طبعا غشيم ومش عارف فيه ايه فرحت واقف وشالت ميكانيكي على الطريق وقالي ده زيت زيادة ولازم ينقص ..فراح شاله منه يجي كيلو وبعدين العربية كملت المشوار ومفيش اي مشاكل...على فكرة انا غيرت الزيت يجي 3 مرات موبيل1 والعلامة برضة عند النصف..وفي عربيتي القديمة كانت كده برضه.لكن مبتنزلش عن النصف واعتقد ده شئ عادي ....وطبعا في انتظار اراء خبراء المنتدى..

كأنك بتحكي عن عربيتي بالضبط وفعلا مبينقص عن النص أبدا بس غريبة ان اللى فوق النص بيتاكل بعد 500 كم تقريبا في التخليقي و1500 كم في المعدني أيام ما كنت بحط xhb ودلوقتي موبيل 1 وبعدين علشان ارجعه على الماكس بتاخد اقل من نص كيلو.

الزيت بيتبخر ولا بيستهلك ولا كده طبيعي (مستبعد الاحتمال ده).

في انتظار رأي الخبراء...

طيب انا الزيت عندى من اول ما بغير زيت مش بينقص عندى للدرجة دى يادوب بيكون عند منتصف الجزء الاول بين الماكس وعلامة النص يعنى فاضل ربع على النص يعنى فى ربع المؤشر فرق بينى وبينكم والزيت طبعا بيغمق طبيعى بس مقدار النقص مش للدرجة دى ياترى انهو الحالة الافضل ؟؟

المشاركة الأصلية كتبت بواسطة astsaae

الظاهر الكلام دة بيحصل بسبب مشكلة معينة فى الماتور ومحدش لسة اكتشفها لان المشكلة دى عندى انا كمان اول ماغيرت الزيت نقص وبعدين ثبت ومنقص تانى وقررت انى اسيبو زى ماهو طلما مبينقص عن علامة النصف

حضرتك عربيتك كوري استيراد برضو لأني بحاول اشوف عامل مشترك بينا احنا التلاته لأن عندنا نفس الظاهرة الغريبة دي. مفيش حد يقولنا سبب منطقي للحكاية دي؟!!!!!!!!!!!

المشاركة الأصلية كتبت بواسطة samirayad

صلو على النبى ..............عليه الصلاة والسلام ...........

- الموضوع اللى بيحصل بتاع ثبات الزيت عند مرحله معينه على المقاس .....سببه أيه

- طبعا مع تأمين كل الجوانب ( مفيش أى تسريب مبدئيا ) وواضح أن فعلا مفيش عندكم أى تسريب خارجى .....والا كان أستمر معدل النقصان لزيت المكنه ....أرجع بقه معاكم للسبب العلمى ...........

- السبب فى الموضوع ده ..........شنبر الزيت .....بدأ يتعب شويه مع الأخوه اللى بيشتكوا من الموضوع ده .....

- [gdwl]والحل هو التعايش مع الموضوع ده ....بالحفاظ على منسوب الزيت عند الوضع الثابت[/gdwl] ......

- أما أى زياده عن الوضع الثابت على المقاس ....حتهرب للغرف ....وتتحرق ....وتخرج من الشكمان .....

- ولو فيه زميل من حضراتكم جرب زيادة مقاس الزيت عن الوضع الثابت ......وعمل أمبليهات ...وبص على الشكمان ....حيلاقى الشكمان بيطلع دخان كتير ( تقريبا أسود مزرق )........

ياترى الحل الأمثل هو طقم شنبر؟ والواحد لو تعايش مع الموضوع ممكن يضر؟ وبعد قد ايه وقت الضرر يكبر؟

يابشمهندس أنا جربت ضبط المقاس تاني على الماكس وفضل حد الكيلومترات المناسبة لتغيير الزيت ومنقص وقطع مسافة زيادة حوالي 500 كم يعني بالحساب :

موبيل xhb بعد 1500 كم زيادة نص كيلو زيت وبعدها 2000 كم ثم تغيير بدون نقص.

حاليا موبيل 1 بعد 500 كم زيادة نص كيلو زيت وبعدها عامل 700 كم لحد دلوقت ولسه بدون نقص.

وفي كل مرة النقص ثابت وبعدين العادم عندي ملوش لون..