أخطاء يقع فيها مبتديء القيادة

**هيثم المنياوى** · 28-03-2011 12:47 AM

المشاركة الأصلية كتبت بواسطة nonetta

ممكن اعرف ليه بلاش المور في المنازل ؟؟؟؟؟؟؟؟؟؟؟؟

السلام عليكم:
موضوع محترم جداً......تحياتى لصاحب الموضوع
بالنسبه حضرتك لعدم تموير العربيه أثناء المنازل وده لإن العربيه وهى مموره بيكون الفتيس مفصول عن العجل تماما وده بيدى حريه للعجل ان سرعته تزيد والمشكله تكمن ان لوحضرتك اضطريتى لاستخدام الفرامل ده هيأدى إلى ارتفاع حرارة الطنابير أو الديسكات ما يؤثر بالسلب على جودة الفرامل(وفى حالة زيادة السخونه قد لاتعمل الفرامل نهائياً)
.......................
بالنسبه إن العربيه بتبطل منك فى المطالع ده سببه ان رجلك خفيفه على دواسة البنزين والدبرياج
يعنى بمعنى أصح حضرتك وانتى طلعه مطلع سمعى نفسك صوت العربيه يعنى دوسى بنزين بس مش قوى طبعاً وسيبى الدبرياج على قد ماتحتاجى واستخدمى فرامل اليد للوقوف
تحياتى..........والسلام عليكم

**hpxp** · 28-03-2011 12:50 AM

انا عملت غلطه كنت هموت فيها اتنين
اناماشي في امان الله في طريق بلدنا عادي وفيه تقاطع رعشت عادي وكسرت كله عادي وهوب الاقي متسكل عليه اتنين جاي من علي شمالي يعني جاي من الرئيسي ومرعش والطريق ظلمه والمتسكل لونه احمر غامق وهما لبسين غامق مبنوش الا لما جه قدام النور ارتبكت جامد ومدستش فرامل وروحت كاسر كله ووجهت نفسي ناحيه الارض الزراعيه اهو احسن ما اموت اتنين لما ابن #$*+!!!! عدي روحت عادل مرة واحده
الي عايز اقوله اعمل مليون حساب لخطا الغير
واوعي تامن لطريق مهما كان فاضي ومغري علشان برضه علي نفس الطريق لقيت كلب نط قدامي ليه معرفش بس ربنا ستر
دايما وانت راجع لورا تبص بنفسك اكتر من من المريا
ركز اوي من الي قدامك خاصه لو تكس او مكروباص لانهم ولاد #@%! تلاقيه نط قدامك مرة واحده
لو فراملك مش abs والعربيه زحفت اقعد نط علي الدواسه هتلم معاك بسرعه
ودي خبرتي المتواضعه في 4 سنين سواقه
سوال بقي انا اما ابقي في يو ترن بقف عادي فيه واكسر كله بلاقي العربيه عدتت مني علي الحارة اليمين كده صح ولا لزم ادخل في الشمال علي طول

**A.Saad** · 28-03-2011 12:57 AM

المشاركة الأصلية كتبت بواسطة nonetta

ممكن اعرف ليه بلاش المور في المنازل ؟؟؟؟؟؟؟؟؟؟؟؟

لا مش ممكن

الموضوع مرتبط ببحاجة اسمها فرملة المحرك engine breake
ودى اما تكونى ممورة او دايسة دبرياج بتبقى مش موجودة
واما تكونى معشقة بتخللى المحرك بيكتف العربية ويفرملها بصورة اسرع
لانه بيعتبر بيقلل حركة العجل المرتبط بيه هنا

التموير فى المنزل او الطريق العادى بيعتبر حمل اكتر على الفرامل ويؤدى لسخونيتها
سخونة الفرامل بتخللى مشوار الفرملة يطور وممكن تضعف

**A.Saad** · 28-03-2011 01:02 AM

المشاركة الأصلية كتبت بواسطة nonetta

انا حاليا في مرحلة الرهبة
لسة ما نزلتش الشارع بتقلي
مشكلتي لما باتمرن عالوقوف في المطالع
لازم العربية تطفي مني وبابقى مشدودة جدا وبردو بتطفي
بتفلح معايا مرة اه ومرة لأ
مش عاوزة اي عربية تقرب مني جنبي او ورايا
بابقى مشدودة جدا ومرعوبة جدا
المشكلة اني باخد تدريب مرة واحدة بس في الاسبوع عشان كدة التقدم بطئ

ارفعى رجلك من الدبرياج سنة سنة
هتلاقى فى سنة معينة العربية بتعلى والاربى ام بتاعها اتغير
دوسى بنزبن ساعتها
تشيلى رجلك من الفرامل وتحطيها على البنزين بسرعة
وتدوسى سنة بنزين وتشيللى دبرياج
والبنزين هنا اتقل من الطلوع العادى علشان انتى فى مطلع

الرهبة دى ممارسة

**A.Saad** · 28-03-2011 10:36 AM

المشاركة الأصلية كتبت بواسطة nonetta

شكرا على المعلومات القيمة دي
معلوماتي مازالت قليلة وطبعا دي معلومة جديدة بالنسبة لي
وطبعا استفدت منها
بس يعني ايه الار بي ام بيتغير
وبعدين لما باشيل رجلي من عالفرامل بسرعة واجي ادوس بنزين العربية بترجع لورا لازم اكون شادة فرامل اليد وانزلها مع بداية الحركة
بس طبعا الكلام دة في حالة الوقوف تماما مع اعطاء الغيار الاول

وبعدين يا استاذ احمد الكلاكس بتاع البيكانتو صوته وحش اوي انا عاوزة اغيره.. فطسان كدة و مش عالي
انا عاوزة ادي كلاكس اللي ماشي جنبي او ادامي ينتطر ويتنفض من مكانه من الخضة

يعنى بيزيد
بصى على العداد اللى فى الشمال
لو شيلتى رجلك من على الدبرياج الاول لحد ما تلاقى العربية صوتها اتغير والار بى ام اتغير وبوزها طلع فوق سنة
وحركتى رجلك من الفرامل للبنزين بسرعة العربية مش هترجع منك

كلاكس البيكانتو حلو
عايزة كلاكس ينفض من الخضة

هاتى كلاكس نقل او فيام ايطالى

**hondaman** · 28-03-2011 11:04 AM

خطاء شائع للى كان بيسوق فتيس عادى من زمان ومحترف سواقة وجة نصيبة يسوق أتو يدوس فرامل بالشمال بيىلاقى العربية كلبشت حتى لو كان غرضة تهدية السرعة طبعا النتيجة محسومة وش بتلاقى اللى وراك اعد معاك فى الصالون حذارى دوس الفرامل بالرجل الشمال فى العربية ال أتو كل استخدامك بالرجل اليمين بنزين وفرامل

**nonetta** · 28-03-2011 05:14 PM

المشاركة الأصلية كتبت بواسطة a.saad

يعنى بيزيد
بصى على العداد اللى فى الشمال
لو شيلتى رجلك من على الدبرياج الاول لحد ما تلاقى العربية صوتها اتغير والار بى ام اتغير وبوزها طلع فوق سنة
وحركتى رجلك من الفرامل للبنزين بسرعة العربية مش هترجع منك

كلاكس البيكانتو حلو
عايزة كلاكس ينفض من الخضة

هاتى كلاكس نقل او فيام ايطالى

المشاركة الأصلية كتبت بواسطة hanter

بالنسبة ا الار بى ام بيتغير يعنى عند السرعات العالية يعلى عدد لفات الموتور هيرفع معاكى 3 و 4 لفات وعند الضغط على الفرامل ينزل تانى و هذا ودة مهم جدا متابعتة فى الغيارات لانة بيساعد على فى ترشيد استهلاك البنزين. اما بالنسبة لتحرك السيارة للخلف فذلك لعدم رفع قدمك من على الدبرياج وتاخرك بعد دوس البنزين لابد ان يكونوا بالتوازى. اما بالنسبة لاالكلاكس فيوجد انواع كثيرة اكثر قوة مثل(طاط)بعدد 2 سرينة. ارجوا ان اكون افادتك وشكرا

شكرا على الافادة

هاجرب موضوع الفرامل والبنزين دة واشوف
اصل المدرب بتاعي اللي هوا زوجي مش راضي يخرجني في الشوارع الرئيسية الا لما اتمكن من المطالع
نظرا لطبيعة المقطم اللي اسكن فيه .. كله مطالع ومنازل

ادعولي ربنا يكرمني بسرعة وتضيع مني الرهبة وخوفي على عربيتي

-

-

الموضوع: أخطاء يقع فيها مبتديء القيادة

LinkBack

أدوات الموضوع

عرض

-

-

-

-

-

-

المواضيع المتشابهه

أخطاء اثناء القيادة للمبتدئين

أخطاء يقع فيها الكثيرون عند الوضوء؟؟؟؟؟؟؟؟؟؟؟؟؟؟؟؟؟؟؟؟؟؟

الحالات التى تلغى فيها رخصة القيادة

ما هي اكثر أخطاء القيادة التي تستفزك في الشارع المصري

الكلمات الدلالية لهذا الموضوع

المفضلات

المفضلات

ضوابط المشاركة