الموضوع: ارجو المساعدة...مشكله في سحب العربية

المشاركة الأصلية كتبت بواسطة iam_me_ahmed

انا عربيتي نصف كماليات بدون rpm
بس عموما بدون جري وبدون تكييف علي 20 التاني- 40 التالت- 60 - 80 وهكذا
لو عاوز اجري بطول يعني ممكن التاني 50 وممكن لحد 60 او اكتر التالت 80 او 90
مع التكييف التاني علي 50 مثلا والتالت 70 والرابع 100
بالنسبة للتليين فانا مشيت بالعربية اول 1000 كيلو مبعديش 80 وسواقه هاديه بدون تكييف
وبعد كده بقيت باخدها مشاوير لاسكندرية وبجري بيها 150 او 160

طيب العربيه عامله كام ألف كم لحد دلوقتى......والبطاريه والدينامو أخبارهم أيه ......وحالة الفرامل (الطنابير بتسخن معاك بعد مشوار مثلا )........والشكمان سالك تمام ........وصوت بلى العجل كويس .......وبرضه بتظبط الكاوتش على كام .................ياريت متنساش تجاوب على أى سؤال من دول ............على فكره (أنا عاددهم ) هما 6 أسئله .....بس معلش جم ملخبطين شويه .....هههههه

المشاركة الأصلية كتبت بواسطة samirayad

طيب العربيه عامله كام ألف كم لحد دلوقتى......والبطاريه والدينامو أخبارهم أيه ......وحالة الفرامل (الطنابير بتسخن معاك بعد مشوار مثلا )........والشكمان سالك تمام ........وصوت بلى العجل كويس .......وبرضه بتظبط الكاوتش على كام .................ياريت متنساش تجاوب على أى سؤال من دول ............على فكره (أنا عاددهم ) هما 6 أسئله .....بس معلش جم ملخبطين شويه .....هههههه

معلش انا اسف اتاخرت في الاجابة يا باشمهندس
1- العربية داخلة علي 40 الف كيلو
2- الفرامل مش مظبطه اوي لان قبل كده ميكانيكي قالي ان الطنابير بتاكل في التيل او حاجه كده بس ما اهتمتش لاني مافهمتش وغير كده العربية بتترج جامد مع الفرامل علي سرعه عالية
3- البطارية والدينامو تمام
4- الشكمان مش عارف بقي يبقي سالك ازاي ومش سالك ازاي بس هو صوته عادي
5- بظبط كاوتش علي 30
6- في اول لما اشتريت العربية كان في صوت في العجل وروحت التوكيل غيرولي بلي العجلتين اللي قدام

اللي عاوز اقوله كمان للمهندس ممدوح اني بقرص علي العربية كتير واللي محسسني ان عربيتي فيها مشكلة اني جربت عربيات تانيه نفس الموديل ونفس السنة سحبها احسن و ادائها مع التكييف عادي جدا انما مع عربيتي الموضوع فعلا ظاهر

معلش انا اسف اتاخرت في الاجابة يا باشمهندس

ولايهمك يا أخى .....

1- العربية داخلة علي 40 الف كيلو

غير بقه سير الكاتينه ....وفلاتر الهواء والبنزين والبوجيهات بالمره

- الفرامل مش مظبطه اوي لان قبل كده ميكانيكي قالي ان الطنابير بتاكل في التيل او حاجه كده بس ما اهتمتش لاني مافهمتش وغير كده العربية بتترج جامد مع الفرامل علي سرعه عالية

أنت محتاج ميكانيكى شاطر يظبطلك دورة الفرامل كلها (طنابير - تيل - رجلاش صح للفرامل الخلفيه ) يعنى تشييك كامل على فرامل الأربع فرد

- الشكمان مش عارف بقي يبقي سالك ازاي ومش سالك ازاي بس هو صوته عادي

مشوار أو أكتر صح على الطرق السريعه ....حيسلكلك الشكمان ويظبطه

5- بظبط كاوتش علي 30

خلى الكاوتش على 32

- في اول لما اشتريت العربية كان في صوت في العجل وروحت التوكيل غيرولي بلي العجلتين اللي قدام

شوف مركز ترصيص كويس ....بحيث تطمن على بلى الفرد كلها .....لو فيه بليه خشنه حتبان معاك ......ولو عملت الحاجات دى صح ....أن شاء الله ستتحسن الأمور كثيرا ......

المشاركة الأصلية كتبت بواسطة samirayad

ولايهمك يا أخى ..... غير بقه سير الكاتينه ....وفلاتر الهواء والبنزين والبوجيهات بالمره أنت محتاج ميكانيكى شاطر يظبطلك دورة الفرامل كلها (طنابير - تيل - رجلاش صح للفرامل الخلفيه ) يعنى تشييك كامل على فرامل الأربع فرد .....مشوار أو أكتر صح على الطرق السريعه ....حيسلكلك الشكمان ويظبطه خلى الكاوتش على 32 .......شوف مركز ترصيص كويس ....بحيث تطمن على بلى الفرد كلها .....لو فيه بليه خشنه حتبان معاك ......ولو عملت الحاجات دى صح ....أن شاء الله ستتحسن الأمور كثيرا ......

هل ده كل اللي ممكن يتعمل ؟ لاني بقيت حاسس ان العربية اصلا فيها مشكله كبيره من البداية ... يعني ممكن تكون هناك مشكله في الموتور او اي شئ من هذا القبيل
وشكرا لاهتمامك يا بشمهندس ولكل الاعضاء الكرام