الحاجات دي بتروح فين ؟ محتاج افهم بس !!

**نور القمر** · 19-07-2009 01:20 PM

متشغلش بالك عشان متعبش نفسيا ويجيلك اكتئاب
فكرك يعني كبار المسئولين اللي عايشين عيشة ولا عيشة قارون في زمانه عيشينها منين
ده على سبيل المثال يعني وما اكثر الامثلة
خلي الكبار يعيشوا

**Drift_Lover** · 19-07-2009 01:25 PM

الحاجات دي بتروح فين. محتاج أفهم بس.

لو السؤال كده يبقي العيب فينا إحنا.
وعلي رأي محمود سعد إمبارح في برنامج واحد من الناس.

"بلدنا بتتسرق من 7000 سنه وخيرها لسه موجود. وكان زمان في عز مالدنيا كحل كان هنا عز النهار. ودلوقتي الآيه إتقلبت. "

السؤال محتاج يتغير ويبقي.
إمتي حنستمتع بخير بلدنا ؟
البلد إتخصخصت واتباعت وماشفناش حاجه وماشفناش اصلاح ؟
مابال كل اللي بنشوفه غرامات وفواتير بتزيد.

السؤال اللي نفسي أسأله.

إمته حتشبعوا وتسيبوا البلد ؟
منكم لله.
منكم لله.
منكم لله.

حسبنا الله ونعم الوكيل.
حسبنا الله ونعم الوكيل.
حسبنا الله ونعم الوكيل.

**maka** · 19-07-2009 02:06 PM

المشاركة الأصلية كتبت بواسطة rembrandt

يا شعبي حبيبي يا روحي يا بيبي يا حاطك في جيبي يا ابن الحلال

يا شعبي يا شاطر يا جابر خواطر يا ساكن مقابر وصابر وعال

يا واكل سمومك يا بايع هدومك يا حامل همومك و شايل جبال

يا شعبي اللي نايم وسارح وهايم وفي الفقر عايم وحاله دا حال

أحبك محشش مفرفش مطنش ودايخ مدروخ وآخر انسطال

أحبـك مكبـر دماغـك مخـدر ممشـّي امورك كدة باتكال

وأحب اللي ينصب وأحب اللي يكذب وأحب اللي ينهب ويسرق تلال

وأحب اللي شايف وعارف وخايف وبــالع لســانه وكاتم ما قال

وأحب اللي قافل عيونه المغفل وأحب البهايم وأحب البغال

وأحب اللي راضي وأحب اللي فاضي وأحب اللي عايز يربي العيال

وأحب اللي يائس واحب اللي بائس و احب اللي محبط وشايف محال

واحبك تســـافر وتبعد تهاجــر وتبعت فلوسك دولار أو ريال

واحبك تطبـّل تهـلل تهبـّـل عشان ماتش كورة وفيلم ومقال

واحبـك تأيــّد تعضّـد تمجّــد توافق تنافق وتلحس نعال

تحضّر نشـادر تجـمّع كوادر تلمـّع تقمـّع تظبـّط مجـال

لكن لـو تفكـّر تخـطط تقـرر تشغللي مخك وتفتح جدال

وتبدأ تشاكل وتعمل مشاكل وتنكش مسائل وتسأل سؤال

وعايز تنور وعايز تطور وتعمللي روحك مفرد رجال

ساعتها هاجيبك.. لايمكن أسيبك وراح تبقى عبرة وتصبح مثال

هابهدل جنابك وأذل اللي جابك وهيكون عذابك دا فوق الاحتمال

وامرمط سعادتك واهزأ سيادتك واخللي كرامتك في حالة هزال

وتلبس قضية وتصبح رزية وباقي حياتك تعيش في انعزال

هتقبل ها حبك.. هترفض هلبـّك هتطلع هتنزل هاجيبلك ....
منقول

القصيدة دى بتاعت احمد فواد وبتعبر عن حال البلد بشدة

ومقدرش اقول غير لنا الله

**abzoabzo** · 19-07-2009 03:59 PM

اذا عرف السبب بطل العجب

واهى بتروح للاصحاب نصيبها

**eng.octooo** · 19-07-2009 04:49 PM

بجد اسئلة عاوزة مسؤل يجاوب عليها

**Imhotep** · 19-07-2009 04:56 PM

عشان تعرف الحاجات دى بتروح فين، فكر كالاتى:
الحكومة المصرية زيها زى الفرد المصرى رب الاسرة المكونة من 9 افراد بالظبط....... يبقى مرتبه 200 جنيه و مخلف 7 عيال و امهم و معاه كمان امه و حماته و كلهم عايشين فى اوضة 4*5......... نفس الكلام عن الحكومة........ عندها 80 مليون بق مطلوب منها تأكلهم و كلهم عايشين على مساحة 5 % من مساحة دولة مساحتها مليون كيلو متر مربع، و تعملهم طرق و كبارى و انفاق و مترو انفاق و مدارس و مستشفيات و هيصة........ كل ده ب 200 جنيه....... قصدى بموارد البلد من الدخل المحدود و اللى ابتدا يتأكل و البشاير بانخفاض الدخل من قناة السويس و البقية تأتى........ ده ايه بقى غير الطبع المصرى الاصيل و الميل الجينى للفشخرة و المنظرة........ يبقى مش لاقى ياكل و تلاقيه بيشحن موبايل و اتنين و تلاتة كمان ال ايه عشان لما شركة تنزل عروض يستفيد منها فى تمشية صفقاته اللى بالملاليم و ملهاش حل........ بس المشكلة فى بلدنا ان الفشخرة مبينوبش منها جانب الا كل من كان فى منصب يمكن ان ينوله بسببه من الحب جانب......... عرفت يا باشا كل ده بيروح فين.........

**Mohamed.Raafat** · 19-07-2009 05:10 PM

يا جماعة انتوا متضايقين ليه بس

الحكومة واخده فلوس الشعب و داخلة بيها جمعية و هتاخدها الاسم الاخير
بس المشكلة انهم مش عارفين ان الاسم الاخير ده هييجي امتى

**samoevil911** · 19-07-2009 05:15 PM

قال المولي عز وجل " ومن اعمالكم سلط عليكم "
و ان الله لايغير بقوم حتي يغيروا ما بأنفسهم

**نور العمر** · 19-07-2009 05:17 PM

المشاركة الأصلية كتبت بواسطة medo55

السلام عليكم
بدون مقدمات

رئيس مصلحة الضرائب بيقول انه اجمالي حصيلة الضرايب على المبيعات 140 مليار و 500 مليون جنيه عن العام الماضي ( تقريبا من شهر 4 - 2008 لشهر 4 2009 بما ان الاقرار والدفع بيكون في الشهر دا )

وقال ان الضرايب على الدخل 89 مليار و 500 مليون جنيه عن نفس الفتره

وقناة السويس دخلها السنه الي فاتت تجاوز 4 مليار دولار على اساس انه تم الاعلان عن دخل قناة السويس من شهر يناير لشهر يوليو مليار و 999.6 مليون دولار ,,, وانه قل عن نفس الفتره في السنه الي فاتت وكان 2 مليار و 638.5 مليون دولار

انا مش هتكلم عن دخل السياحه الي هو دخل اساسي للبلد برضو
ولا هتكلم عن فلوس الغاز الطبيعي الي بيتصدر
ولا هتكلم عن مترو الانفاق الي بيركبه 3 مليون شخص كل يوم في 1 جنيه يعني 90 مليون جنيه في الشهر في السنه ما يقارب من مليار و 80 مليون جنيه
ولا هتكلم عن المصريه للاتصالات الي ارباحها بتوصل مليارات
ولا هتكلم عن الضرايب العقاريه
ولا هتكلم عن شركات الكهربا والميه الي بندفعهم كل شهر اد كدا
ولا هتكلم عن اي حاجه تانيه بتعتبر مصدر بتمثل دخل للبلد

انا بس عايز اعرف دا كله بيروح فين ؟؟

شوارع خربانه في كل حته
تعليم والحمد لله نسبة النجاح في الثانويه العامه 40 % ودي اعلنها الوزير نفسه بعد النتيجه , دا طبعا بخلاف مدارس لم ينجح احد
يعني مثلا في انكش بتصفح مدرسة المرج للثانويه بنين لقيت النتيجه 50 % من عدد طلاب المدرسه الي هم 400 طالب ثانويه عامه بالظبط 200 طالب جايبين تحت درجة النجاح ابتداء من 49% وانت نازل
الصحه ؟ مستشفيات اقل ما يقال عنها دورة مياه من كثرة الحشرات الى الروائح الكريهه وموظفين مابيشتغلوش الا لما بتدفعلهم

الدين المحلي في الاخر 666 مليار جنيه والخارجي 39 مليار دولار !!!!

وكل سنه الدين المحلي بيزيد والخارجي بيزيد ومفيش حاجه فيهم بتقل

في حاجه بس مش فاهمه ,, هو الدين المحلي دا من فلوس الشعب الي محطوطه في البنك المركزي ؟؟ الحكومه بتسحب منها زي ما هي عايزه ولا مين الداين للحكومه ؟

والحكومه عماله تقول الدعم وصل 40 مليار جنيه في السنه !!!! طيب والباقي فين ؟؟
معلش بس انا مش فاهم هي الحكومه بتحوش لينا الفلوس ؟

انت تسأل ... والكمبيوتر يجيب

**elassar2010** · 19-07-2009 05:33 PM

بتروح سويسرا طبعا مش محتاجة تفكيررررررررررررر

الموضوع: الحاجات دي بتروح فين ؟ محتاج افهم بس !!

LinkBack

أدوات الموضوع

عرض

-

-

-

-

-

-

المواضيع المتشابهه

محتاج اعرف سعر الحاجات دية

محتاج حد يقولى اسعار الحاجات دى؟ لل e36

محتاج اسعار الحاجات دي

محتاج اعرف اسعار الحاجات ديه

الكلمات الدلالية لهذا الموضوع

المفضلات

المفضلات

ضوابط المشاركة