الف الف مبروك ربنا يديكى خيرها ويبعد عنك شرها
عرض للطباعة
الف الف مبروك ربنا يديكى خيرها ويبعد عنك شرها
بس نفس المشكلة حصلت معايا فى التويوتا اليارس مش شايف الكابوت خالص وكان معايا لانسر كنت شايف جميع ابعادها
بس اتعودت على الابعاد بتاعتها فى خلال اسبوعين وبقيت حافظها
والف الف الف الف مبروك على السيارة الممتازة دى وعلى فكرة انا كنت حاجزها بس ربنا كرمنى بفلوس زيادة وجبت اليارس
وربنا يديكى خيرها ويكفيكى شرها وادعيلنا احنا الاتنين على القسط يارب نسددة احنا الاتنين
وانا زيك مستنى على الصدقة مش عارف اعمل ايه لانى لسه جايبها بردة والحالة خلاص دنك على الاخر
الله يبارك فيك
الحمد لله روحت النهاردة صلحت الرخصة واديت للمعرض صورة منها واخدت الإيصال بتاعي وكله بقي تمام والحمد لله :shine[1]:.
بص هو المعرض كان عايز صورة الرخصة وشوية ورق كمان زي أصل وثيقة التأمين وصورة البطاقة وإذن التسليم وخطابين المرور وخطاب التوصية عشان يستكمل ورقه ويقدر يصرف الشيك بتاعه من البنك.
انا عارفة ان بنك اسكندرية بيقسط بفايدة 7.2% بس بيشترط تحويل مرتب ولو مش هاتحول مرتبك الفايدة هاتكون 8.5% (الفرق بينه وبين بنك ابو ظبي الإسلامي 0.5% فقط) ومش بيعمل عقد شرا بينه وبين المعرض الأول ، المفروض العميل بياخد الشيك من البنك يروح يسلمه للمعرض ويستلم عربيته فمش عارفة مدى شرعية الموضوع معاهم ايه وفي كمان البنك العربي الأفريقي عامل عرض مع ابو غالي بيقسط ب 6% بس بيشترط توكيل ونسخة مفتاح.
عموماً المعرض اللي اتعاملت معاه محترمين وفعلا بمجرد ماسلمت صورة الرخصة اخدت الإيصال بتاعي ولما استلمت العربية اخدت كل حاجتها كاملة وكفاية انهم التزموا بالتخفيض في سعرها معايا رغم ان العربية مطلوبة وجاله اكتر من زبون كان عايزها كاش رغم اني مكنتش دفعة ليهم اي مقدم خالص ( ولا حتى مبلغ حجز) والمقدم بتاعي دفعته في البنك (انا اصريت على الموضوع ده بردة عشان شرعية الموضوع)
انا اشترطت على البنك ان تعاملي مع المعرض مش هايكون اكتر من اني استلم منه العربية وبس ولا هاودي شيكات ولا هاجيب شيكات لدرجة ان مندوب البنك قاللي لو عايزة تستلميها من قدام البنك كمان معندناش مشكلة عشان كده فضلت اقسط مع البنك ده واحاول ابعد عن الشبهات على قد مااقدر (بس عشان ابقي صريحة معاكوا انا شرعية الإجراءات بالنسبة ليا كانت ورق وعقود لكن الواقع الله اعلم بيه) لكنى استخرت ربنا اكتر من مرة ان كنت اكمل مع البنك ولا لأ ولحد اخر لحظة كنت بستخير اني افركش الموضوع مع البنك لكن ربنا سهل والموضوع تم على خير.
انا برده تقريبا ابتديت اتعود على اني اسوق من غير ماشوف الكبوت وبحاول احافظ على مسافة بيني وبين اللي قدامي بيحث اني اكون شايفة الكاوتش بتاعه عشان اكون مأمنة نفسي برده.
وساعات لما بشب شوية بشوف اجزاء من الكبوت بعرف منها ان كنت هاخبط ولا لسة :ma:.
عموما الله يبارك فيك والف مبروك على الياريس هي فعلا عربية جميلة وانا فكرت فيها للحظات لكني استبعدتها عشان الفلوس طبعا ومبحتش احمل نفسي فوق طاقتي :36_1_31:.
ان شاء الله ربنا يقدرك على وفاء كل الاقساط وانا كمان يارب :ask:.
موضوع الصدقة هو انا مش مأجلاه عشان مش معايا فلوس الحمد لله عملت حسابي في الترخيص بفلوس زيادة ومصرفتهمش كلهم :shine[1]: لكن المشكلة دلوقتي اطلعها ازاي ولميييين :majd(4):.
1000 مليون مبروك لحضرتك ..
و ربنا يعطيكي خيرها و يمنع عنك شرها بإذنه تعالى ..
الف مبروووك بجد ع العربية ربنا يحفظهالك
اللى مش فاهمة
اسلامى اذاى و اية
ما هو عامل ذى اى بنك
فايدة ثابتة و شارى العربية و قسط بيدفع !!!!!!!!!!!!!!!!!!
طب ما انا مع كريدى اجريكول كدة و نفس النظام
و مضيت الشيكات اصلا بعد 3 ايام من استلام العربية !!!!!
صاحب المعرض معرفة :))
انا مش مقتنع بحكاية بنك اسلامى دى و بحس انها خدعة او نصباية كدة بسبب الاسم عشان يشد الزبون ومبحبش وضع كلمة اسلامى دى كدة فى اى حاجة عشان يدوا ثقة للناس وعملائهم يزيدوا احنا اعلى من كدة بكتيير
طالما الفايدة ثابتة يبقى خلاص كلة ذى بعضة
واصلا كل البنوك حرامية من الاساس !!!!!
بالنسبة للعربية الف الف مبرووك بجد و اتاكدى من ضغط الهوا فى الكاوتش
و على فكرة انا شغلت التكييف من اول يوم جبت فىة العربية و التليين بمعنى انك متقرصيش على البنزين
بمعنى تعلى الRpm لدرجة عالية انا مكتوب فى كتالوج الفيرنا متعديش 120 و متقطرش عربية فى اول 2000كيلو
فأطمنى
فكرة التكييف دى عشان قصدهم الحمل ع الموتور و هو بيتلين بس متقلقيش اوى كدة
و اتمنى انك تنبسطى اوى بيها
والف مبروك تانى
---بالنسبة للى حيهاجمونى عشان الكلمتين اللى فى الاول بلاش يعنى دة رأيى الخاص وعن تجارب عدييييدة مع الناس اللى بيدخلو كلمة الحلال و الحرام فى كل جملة و إن شاء الله اكتر من الجملة نفسها--- (كدة بقوا اسلاميين خلاص) و المعاملة لا تعلييق--
إن شاء الله وليس انشاء
الاشراف
الفرق ان البنك بيشتري الأول السلعة من المعرض و بتدخل في حيازته ثم يقوم ببيعها مرة أخرى و بالتالي أصبح بيع بالتقسيط مش موضوع فايدة .
وفي حاجة مهمة جدا في باقي البنوك و هي مقابل التأخير ...
شرعا اي عقد بين طرفين يكون في بند يحدد مقابل تأخير فيه يكون هذا العقد ربوي و حرام شرعا
أما بنك أبو ظبي يشترط مقابل التأخير بعد عدد أقساط معينة لضمان جدية السداد و لكنه لايستفاد منها و لكن و يجمع هذة الأقساط و ينفقها على فقراء المسلمين .
وأنا سألت عن الموضوع ده مشايخ كبار و قالولي ان بنك أبوظبي أقل ضررا شرعا من باقي البنوك
فهو مش نصباية و لا حاجة و انت لو حسبت الفرق بينه و بين أي بنك ربوي تاني هتلاقيه بسيط بس المهم انت انت مش عايز تحارب ربنا بالربا و حتى لو كان هناك بعض الشبهات فالبنك يتحملها مش انت ...
اولا الله يبارك فيك
ثانيا بالنسبة لموضوع الحلال والحرام انا مش هاقدر افتي فيه لكني قريت اكتر من موضوع على المنتدي هنا بيتكلم عن الفرق بين التقسيط المباح اللي هو ان البنك يشتري العربية وبعدين يبيعها للعميل بالتقسيط وبالقيمة اللي يتفقوا عليها يعني شرط لازم دخول سلعة في التقسيط ، غير البنك اللي بيدي للعميل شيك في ايده بقيمة باقي تمن العربية وهو يروح يديها للمعرض كده بيكون اقترض مال وقام برده مال دون دخول السلعة في الموضوع بس بصراحة مرة تانية بقول انا مش متأكدة 100% من شرعية الإجراءات في البنك ده لكني صممت اشوف كل الورق بعيني قبل مامضي على اي حاجة او اكمل معاهم.
مانا كمان شغلت التكييف شوية في اليومين دول مقدرتش استحمل :36_1_31:بس مكنتش بشغله كتير خوفاً من التحميل الزائد على الموتور
انا ضبطت الهوا على 28 بس مكتوب في الكتالوج 30-32 بفكر اروح ازوده ل 30 افضل ولا ايه؟؟
ومكتوب في الكتالوج عندي ان ال RPM يكون بين 2-4 بالكتير فبحاول محرقش على الغيار ومخليش ال RPM ميعلاش عن 3 في المشي الطبيعي
عموما الله يبارك فيك وميرسي جدا لحضرتك :shine[1]:
على فكرة بند غرامة التأخير اتلغي خلاص في العقود الجديدة من اول شهر 7 وكان موجود بس في العقود القديمة اللي قبل شهر 7 - 2009 :shine[1]:
وفعلا انا سألت في معظم البنوك الفايدة عندهم 8 او 8.5 و 9 و 9.5 كمان وشروطهم اصعب.
هما اقل البنوك فايدة بنك ناصر طبعاً وده طبعا شرطه لازم تكون موظف حكومي او تجيب اكتر من ضامن موظفين حكومة مرتبهم يغطي القسط بنسبة معرفش كام.
والبنك العربي الافريقي 6% بس بيكتب توكيل وياخد نسخة مفتاح.
وبنك اسكندرية 7.2 لو هاتحول مرتبك عليهم لو هاتروح تدفع القسط الفايدة بتكون 8.5% .
انا حسبتها يمين شمال لاقيت الفرق مش كبير في المبلغ المدفوع بالتقسيط لكني فضلت التعامل مع البنك ده لإني شوفت عقدهم وكل ورقهم وحسيت انهم بيحاولوا يقربوا من شرعية الإجراءات على قد مايقدورا واعتقد زي مانت قلت لو في اي شبهه البنك يتحملها ويشيل هو وزرها.