كلاكيت ثانى مرة المسامير مولعه

**ofaashash** · 24-07-2009 12:55 AM

السلام عليكم ورحمة الله وبركاته
عملت مشاركة من قبل كنت اشتكى من سخونة مسامير الفردتين الاماميتين لدرجه لا يستطيع احد لمسها
نصحنى الاخوة فى المنتدى بعمل زيارة للكشف عن الفرامل
اليوم ذهبت لمتخصص فرامل ( وليس ميكانيكى ) قالى احد الخراطيم الامامية مسدود ولازم يتغير هوه وجوانات البساتم
وقام اشترى واشتغل
رجعت البيت واول ما ركنت العربية طبعا لازم المس مسامير العجل
وطبعا لقيت المسامير مولعه نار
مش عارف اعمل ايه وخايف من العربية خاصة المشاوير الطويله
يا ريت من المتخصصين يقولوا لى العطل فين
شاكر لكم سعة صدوركم
م.أشرف محمد

**Mzeid** · 24-07-2009 12:59 AM

طيب حضرتك بصيت على الجنوط من جوة و على مكان تثبيت العجل في الداخل و أتأكد ان مفيش حاجة مكسورة او بتحك

**samirayad** · 24-07-2009 01:09 AM

- لازم تشوف واحد ميكانيكى تانى ....يراجع على الشغل اللى عمله الزبون ده ( متخصص الفرامل )......لأن ممكن يكون تغييره لجوانات أو سيلات المساتر متعملش صح ....وبكده الفرامل مابتردش تانى بعد تركك لدواسة الفرامل .....وبيستمر التيل محتك بالطنابير .....وطبعا ده بيولد سخونه شديده بتنتقل للمسامير وجنوط الفرد الأماميه ( وأحتمال تحتاج تغير المساتر نفسها ) وأنا أفضل ذلك .......لأن موضوع تغيير سيلات المساتر ده ....غير مجدى الى حد ما

**original** · 24-07-2009 05:33 PM

ممكن تكون المسامير سخنة بعد المشوار بسبب الضغط على الفرامل!! لو عايز تتأكد إنه مش عيب فرامل لازم تطلع بالعربية مشوار طوالى وماتحاولش تضغط فرامل وحاول توقفها من غير ماتدوس فرامل حتى لو بفرامل اليد وإنزل شوف العجلة المفروض إنها تبأا باردة لأن مفيش أى حاجة ممكن تسخنها إلا لو رولمان بلى العجل الأمامى خشن وده وارد بعد ما العجلة إتعرضت لحرارة عالية قبل ماتصلح الفرامل وإحتمال يكون الشحم الموجود بالبلى الأمامى لزوجته قلت!!
المفروض إن مش أى زيت فرامل يتحط فى العربية لازم يكون معتمد مش بلدى يعنى لو موبيل أو شل أو ATE ألمانى يبأا تمام وفيه تويوتا Dot3 عند موزعين تويوتا ولازم يكون Dot4 or Dot3 وده حسب العربية وده بيكون مكتوب على غطاء خزنة الزيت بتاعة الفرامل!!
معلش طولت عليك..