عايز أجيب مكيف جديد أجيب أنهي نوع ؟

**Ralliart** · 09-05-2010 01:00 AM

انا عندي 3 كارير من التسعينات (2 سبليت ووحد n2) كانو في شقه وبعدين نقلتهم تاني وشغالين طول الصيف والشتاء كمان زي الفل وعمري ما عملتلهم صيانه غير لما نقلتهم غيرت الفريون طبعاً لكن عمره ما عطل ولا احتجت اني اكلم الشركه أساساً .
وفي الجامعه حاطين نفس السبليت اللي عندي وشغالين من غير انقطاع بقالهم حوالي 15 سنه

والشارب احنا حاطين واحد في شقه متأجره وعمر المستأجرين ما اشتكو منه وبحب اروح عندهم لان الهواء بتاعه نقي جداً وتحس انه بيظبط الرطوبه والتراب والدخان وتبريده سريع جداً

**M.almaghraby** · 09-05-2010 01:11 AM

الشارب رقم واحد حاليا

**factorialx** · 09-05-2010 11:15 AM

هو لو إشتريت شارب من التوكيل التركيب هيكون إمتى يعني ممكن يتأخرروا شهر !! و محدش يعرف موزع محترم
و لو كهربة البيت فيها حاجه هما بيجيبوا كهربائي و لا أجيب أنا واحد قبل التركيب

أنا عندي سبيلت جنيرال أمريكي قديم شوية
إستهلاك الكهربة عالي أوي و كل شوية عايز يتشحن و حوار

**Hanyyyy** · 02-10-2011 04:48 PM

انا بقي جايب Trane في مصر , Trane في Dubai

بصرااحة الجهاز اللي هنا في دبي شغال زي الفل ودرجة تسقيعه عالية ماشاء الله
وبقاله شغال اكتر من 5 سنين ولا عمره قال أي

اما بقي الجاهز اللي في القاهرة اللي جايبه يدوبك من سنة ومكملهاش حتي

درجة تسقيعه بالظبط كأنك مشغل مروحه كاريوكا ولا بيعمل حاجة وكل شويه يجيب مياه من مكان التهوية

نفسي أعرف هما ليه في مصر بيتوردوا كل حاجة درجة عاشرة وبرضة بنفس سعرها في كل دول العالم

والله انا قرفت من البلد دي عشان كدة سبتها

**nonetta** · 21-04-2012 08:31 PM

انا كنت عاملة موضوع قبل كدة باسأل عن التكييفات والكل اجمع على شارب ثم كارير
والبعض شكر في سمسونج وكرافت
انا سألت عن شارب وكارير وكرافت
السعر متقارب للفئة اللي انا عاوزاها
بس شارب ضمان شامل 5 سنوات
كارير ضمان شامل سنة والكومبريسور 5 سنوات
كرافت ضمان سنة فقط

**wel00000** · 22-04-2012 09:19 AM

الشارب ممتاز كضمان وخدمة ما بعد البيع بس الى سمعته ان كل مكوناتة بقت صينى و كمان مفيش فيه قدرات عالية...
الكارير برده بقى الكباس بيتصنع فى الصين فى شركة اسمها ميديا تقريبا و كمان ضمانة سنة على الجهاز و 5 على الكمبريسور
انا بصراحة لما جيت اشترى انحصرت اختياراتى عشان كنت محتاج 7.5 حصان فى 3 انواع كارير و باور و يورك بس نفضت ل كارير عشان الاسباب السابقة و الضمان كمان
باور الكباس بتاعهم نوعه دايكن و ديه من احسن شركات التكييف فى العالم وده الى شجعنى عليه بس لسه مجربتش خدمة ما بعد البيع
lg ناس كتير بتشكر فيه تبريد و صوت....

**aboomar22** · 22-04-2012 10:38 AM

الاجهزة اللى بتزل الخليج غير الاجهزة اللى بتنزل مصر عن تجربة شخصية اولا ابعد عن باور يغور من وش خدمة العملاء بتوعه كاريرا الموجود الان غير كارير من ثلاث اربع سنين الموجود الان مش قد كده وعلى فكرة ركبت جهاز شباك السنة اللى فاتت الجهاز مكتوب عليه كاريير باستيكر فقط والريموت مفيش عليه اى حاجة كارير الكتالوج مفيش فيه كلمة كارير كلها تكييف هواء وخلاص بسال الموزع قالى اصلها اجهزة صينى والشركة بتحط اللوجو عليه اتصلت بالشركة قلت اكيد الجهاز مضروب قالولى لا دا بتاعنا بس مصنع فى السعودية - شارب فى الشغل عندى زى الفل كرافت عن اختى شباك بتشكر فيه جدا

**AhmedBatoty** · 22-04-2012 02:52 PM

شارب ومن بعده الكارييير وبس

...................

**m_marmoush** · 22-04-2012 03:40 PM

يا جماعة اليونيون أير أنا جايبة فى 2007 (يونيفى 1.5 حصان بارد ساخن) ماحصلش منة مشاكل غير من كام يوم (بعد خمس سنين سغل متواصل) و كانت طبة فى الوحدة الخارجيه سربت الفريون بالأضافة لمكثف مروحة الوحدة الخارجية
الحاجات دى أتغيرت و أتصلحت فى الضمان (ضمان الجهاز خمس سنين)
خدمة العملاء أكثر من ممتازة (سرعة و متابعة) بالأضافة لتوافر قطع الغيار
صوتة هادىء مش عالى خالص
بالمناسبة أنا عندى فى البيت شارب بريميوم بالس الجديد 2.25 حصان و بردة كويس بس مش شايف الفرق اللى يخلى الشارب فى السما و اليونيون أير فى الأرض

يا ريت اللى يحكم أو يقارن يكون عندة أو جرب ماركتين مختلفتين عشان نقدر نقارن و نحكم صح

**شاهين - بنز** · 23-04-2012 01:14 PM

عن تجربة مرييييرة مع اليونيون إير من أكتر من 5 مكيفات عندي وعند صحابي سبليت وشباك إبعد عنه تماما هو صوته واطي بس تبريد أول شهرين فقط ومهما عملتله صيانة بعدها مفيش فايدة مكيف زفت ومعفن وزبالة
والكارير مش وحش وكفائة بس صوته مززززعج
وبعد تجربة معظم أنواع التكييفات إللي في السوق الشارب برقبتهم كلهم صوت هادي جدا + كفائة غير عادية في التبريد هو أغلى شوية من باقي التكيفات بس يستاهل كل قرش يدفع فيه

مشاهدة نتائج الإستطلاع: عايز أجيب مكيف جديد أجيب أنهي نوع ؟

الموضوع: عايز أجيب مكيف جديد أجيب أنهي نوع ؟

LinkBack

أدوات الموضوع

عرض

-

-

-

-

-

المواضيع المتشابهه

عايز أشتري منفاخ للكاوتش أجيب أنهي نوع وبكام وعند مين ؟؟

عايز أجيب كاوتش ... أجيب نوعه أيه ؟

عايز أجيب بطارية ,,, أجيب إيه ومنين؟

عايز أجيب فتيس جديد للشاهين منين وبكام طب لو مفيش إيه نظام الإستيراد؟؟!

عايز أجيب فتيس جديد للشاهين منين وبكام ????/

الكلمات الدلالية لهذا الموضوع

المفضلات

المفضلات

ضوابط المشاركة