الموضوع: كي نصل الي لغه منطقيه من الحوار

المشاركة الأصلية كتبت بواسطة tamer_a7

[color=""]من سوف يقول مننا انا اسعار السيارات كما هيا ولما تتاثر او تهبط في الفتره الماضيه اعذرروني انه يعيش في كوكب اخر
البعض يقول انزلو السوق وشوفو الاسعار طيب حد شاف بيع هناك ولا كله ناس بتقول اسعار و ما حدش بيشتر
يعني خلينا منطقين شويه
تعالو مع بعض نبص عندنا في المنتدي اسعار زي الفل الكل بيبيع علي السعر القديم تخش تنصح يقلك انت ما تعرفش انت ما شفتش العربيه فجاءه بقت عربيتنا كلها جايه من امريكا مواصفات خاصه
انا بس عايزكم تبصو علي عدد اللي بيردو بانهم عيزين يشترو الكل بيرد رد لذيذ اوي اما للصور او ربنا يوفقك في بيعها
واذا كان اللي بيرد اخ عزيز عنده نفس العربيه يخش يقولك انك عربيتك دي احلي ما في الدنيا علي وكده قليل عليها
مش عارف بيحلي عربيته هو شخصيا في عينه الله اعلم
يا اخواتي الاعزاء حان الوقت لنفهم الامور
اخير ممكن نلاقي رد من واحد يقولك دا بيضرب السوق احب اقوله انا الحمد لله اشتريت خلاص كيا سيفيا فبريكه جوه رشه بره نظافه من غير السقف موديل 99 مش اتوماتيك بناء علي طلبي لاني ما بحبش الاتوماتيك غير الالماني والياباني
السعر 35 الف جنيه اقل بحوالي 6 الاف جنيه من سعر اي عربيه موجوده علي النت او هنا في المنتدي
جبتها من معرض عادي جدا وشفت بدل العربيه 10 واحده منهم كانت فبريكيه بره وجوه اتوماتيك نظافه واللي ولا الزيرو وكان طالب من بقه 41 وكانت تخلص 39 او 38 يعني مش معجزه بس هيه دي ارض الواقع
صاحبي شاري شاريد اللي هيه هاتش باك بي 17 الف
طبعا العربيه كانت بتعمل 22 او اكتر قبل كده
طيب نسمع الاكتر لانوس وان 35 الف ودي كانت قدامي شخصيا بس انا مش من محبي اللانوس(128 القرن الحديث)
زميل تاني من هوه التوضيب اشتري فيتار 1600 بس ماتورها مفوت 28 الف جنيه
هيه دي الاسعار دلواقتي اللهما اذا لقيت زبون يشتري علي العموم حابب اسمع أراكم ونتكلم[/color]

كلام حضرتك مظبوط مليون في الميه ممكن حضرتك تقولي عنوان او تيليفون المعرض اللي جبت منو او اي معرض كويس

يا ريت فعلا رقم المعرض عشان ننزل نشترى منه لانى كرهت السوق خلاص