الموضوع: كي نصل الي لغه منطقيه من الحوار

انا ملاحظ ان في هنا فعلا اراء بعيده عن ارض الواقع ولو انت اتكلمت عن سعر السوق الحقيقي يقولك ده اللي بيقول كده التجار (الحراميه) والادهي انى لقيت واحد بيسال ان معروض عليه عربيه وهو بيسال تسوي كام الناس قالتلو تسوي 85000 وانا شاري اختها ب 73000ج وسعرها في السوق من 73-75 طب يعنى اللي عايز يبيع بيعلي في سعر عربيتو هو حر(ومابنقولش عليه حرامي) انما واحد بيسال ايه سعر السوق فياما تقولو السعر الحقيقي ياما ماتردش لو ماتعرفش بصراحه انا ملاحظ ان عروض بيع السيارات علي النت مش جاده يمكن لانها بتبقي ببلاش فبيبقي بيع غناوي وارباح المحمول هي اللي بتزيد وفعلا الاسعار دلوقت عند التجار ارخص 100 مره من اي واحد عامل اعلان لعربيتو علي النت وبحوالي من 5-10%مع ثبات الحاله
اه معلش نقطه اخيره بعيد عن موضوع الاسعار في هنا كتير من الاعضاء بيفيد الاخرين بخبرته في مشاكل العربيات وحلولها وكل مايخصها ولهم جزيل الشكر وربنا يكرمهم لكن انا ملاحظ ان في احيانا كلام بيبقي غير منطقي وغالبا هو اعلانى يعنى الاقي واحد بيتكلم عن عربيات لا بتتباع ولا بتتشري(سعر اعادة البيع ضعيف) وبيتكلم عن انو بيفضلها عن العربيه التويتا ال 2010 مثلا مع انك لو سالت 100 واحد كعينه عشوائيه من معارفك هتلاقي كلو بيشتم في العربيه اللي الاخ مرشحها وقاعد يذكر مزاياهايعنى مش معقول الاقي هنا مظاهرة حب لنوع من انواع السيارات وماقابلش في الشارع 2 حتى متفقين معاهم ياريت نتقي الله في اللي بنكتبو والنصيحه تكون خالصه لوجه الله وحب لاخيك ماتحب لنفسك

المشاركة الأصلية كتبت بواسطة se_coralsea

أنا شخصيا لو شايف أن أسعار العربيات المستعملة و الجديدة علي السواء نزلت هانزل انا كمان سعر عربيتي لأن الفرق اللي هأدفعه في الحالة دي أكيد هايقل , و بالفعل انا طبقت الكلام ده علي نفسي , أنا عرض عربيتي للبيع بأقل من أسعار مثيلاتها بحوالي (2000 - 4000) جنيه برغم حالتها الممتازة و لكن لأقتناعي بأننا لو كلنا عملنا كده الدنيا هاتبقي أحلي

انت انسان محترم ومدرك للامور من حولك يا رب نشوف الناس كلها زيك كده

وااله عندك حق وانا كان نفسى الموضوع ده يطرح من زمان
كل اللى عايز يبيع وداخل على الانترنت فاكر ان الناس فى المنتديات مش عارفه
وانه هيضحك عليهم
لا واللى يقولك العربيه حاله شاذه
واللى يقولك استعمال طبيب ( ال يعنى الطبيب هيكشف عليها كل يوم او مش هيمشى بيها على الطرق المصريه )
لا وبتبقى كل حاجه فى العربيه اصبحت جديده
بس صدقنى مافيش حد بيبع لان اللى بيبالغ فى السعر بيقولك ادينى هاعمل اعلان ولو جت فرصه هبيع ولو ماجاتش خلاص انا مش خسران

اضافة صغيرة بعد اذنكم
الناس اللي بتستخدم الانترنت ومنتديات بيع وشراء العربيات على الانترنت مش بيعبروا الا عن نسبة بسيطة من سوق العربيات
صحيح الانترنت بقى متاح بسهولة حاليا لكل بيت ..
بس انا اعرف ناس كتير جدا دكاترة ومهندسين ووكلاء نيابة وضباط واصحاب معارض سيارات كبيرة..والله العظيم ماليهم اي علاقة بالانترنت ولا يفهموا فيه حاجة
ومايعرفوش اصلا ان في بيع وشراء عربيات على الانترنت..
السوق الحقيقي بالاسعار الحقيقية عاوزين تشوفوها تروحوا سوق العاشر بتاع مدينة نصر.. سيمفونية عجيبة من البشر ومن التجار ومن الزباين ومن اللي بيتفرج واللي بيبيع لب وبطاطا...الخ
هناك الاسعار الحقيقية ونبض السوق...بس طبعا لازم الواحد يتأنى وياخد معاه حد مضمون وفاهم ساعة الشراء.
انما الاسعار اللي على النت في احيان كتير مش بتكون واقعية..صاحب العربية قاعد في التكييف وقدامه مج النسكافيه واللاب توب وعايش مع نفسه في الاسعار بتاعة النت..
انما ساعة الجد لما بيتعامل مع الناس اللي بره بيلاقي عالم تاني بكام تاني خالص...
ده غير بعض تجار العربيات اللي اتعرفوا اخيرا على سكة النت وفاهمين ان النت مش بيجيب الا زباين زي الفل وبالتالي ابتدوا يعملوا اعلاناتهم على النت يمكن تجيب زباين ..
سوق كله ملخبط وعشوائي ومفيش حد تقدر تاخد منه معلومة صح ابدا..
وكملت كمان بالاشاعات اللي انتشرت جدا عن احلال الملاكي وتخفيضات جمارك ومش عارف ايه..
والله الواحد احتار فعلا
ربنا يصلح الحال ...ده اللي في ايدينا نقوله..

المشاركة الأصلية كتبت بواسطة tamer_a7

[color=""]من سوف يقول مننا انا اسعار السيارات كما هيا ولما تتاثر او تهبط في الفتره الماضيه اعذرروني انه يعيش في كوكب اخر[/color]
[color=""]البعض يقول انزلو السوق وشوفو الاسعار طيب حد شاف بيع هناك ولا كله ناس بتقول اسعار و ما حدش بيشتر [/color]
[color=""]يعني خلينا منطقين شويه[/color]
[color=""]تعالو مع بعض نبص عندنا في المنتدي اسعار زي الفل الكل بيبيع علي السعر القديم تخش تنصح يقلك انت ما تعرفش انت ما شفتش العربيه فجاءه بقت عربيتنا كلها جايه من امريكا مواصفات خاصه[/color]
[color=""]انا بس عايزكم تبصو علي عدد اللي بيردو بانهم عيزين يشترو الكل بيرد رد لذيذ اوي اما للصور او ربنا يوفقك في بيعها[/color]
[color=""]واذا كان اللي بيرد اخ عزيز عنده نفس العربيه يخش يقولك انك عربيتك دي احلي ما في الدنيا علي وكده قليل عليها[/color]
[color=""]مش عارف بيحلي عربيته هو شخصيا في عينه الله اعلم[/color]
[color=""]يا اخواتي الاعزاء حان الوقت لنفهم الامور [/color]
[color=""]اخير ممكن نلاقي رد من واحد يقولك دا بيضرب السوق احب اقوله انا الحمد لله اشتريت خلاص كيا سيفيا فبريكه جوه رشه بره نظافه من غير السقف موديل 99 مش اتوماتيك بناء علي طلبي لاني ما بحبش الاتوماتيك غير الالماني والياباني [/color]
[color=""]السعر 35 الف جنيه اقل بحوالي 6 الاف جنيه من سعر اي عربيه موجوده علي النت او هنا في المنتدي[/color]
[color=""]جبتها من معرض عادي جدا وشفت بدل العربيه 10 واحده منهم كانت فبريكيه بره وجوه اتوماتيك نظافه واللي ولا الزيرو وكان طالب من بقه 41 وكانت تخلص 39 او 38 يعني مش معجزه بس هيه دي ارض الواقع[/color]
[color=""]صاحبي شاري شاريد اللي هيه هاتش باك بي 17 الف [/color]
[color=""]طبعا العربيه كانت بتعمل 22 او اكتر قبل كده[/color]
[color=""]طيب نسمع الاكتر لانوس وان 35 الف ودي كانت قدامي شخصيا بس انا مش من محبي اللانوس(128 القرن الحديث)[/color]
[color=""]زميل تاني من هوه التوضيب اشتري فيتار 1600 بس ماتورها مفوت 28 الف جنيه[/color]
[color=""]هيه دي الاسعار دلواقتي اللهما اذا لقيت زبون يشتري علي العموم حابب اسمع أراكم ونتكلم[/color]

موضعك ممتاز وياريت نساعد بعض بمعرفة اماكن المعارض المحترمه
انا عايز اشتى فى حدود 50000 الف ومش لاقى حاجه كويسه
معظم الى رحت اتفرج عندهم مديين مواصفات مش صح عن عربياتهم
وحاجة تانيه لماتيجى تبيع عربيتك تلاقى التاجر يخسف بيها الارض لماتيجى تشترى زيها من نفس التاجر تلاقى مزود عليها5-8االاف جنيه عن السعر الى كان اشتراهابيه وماسك فيه وبالتالى كل الى عنده عربيه زيها هيطلب زى التاجر ماهو طالب ععلشان كده بتلاقى الاسعار مفيش فيها نزول