ايه أجمد حادثة عملتها ؟

**EZABY** · 29-07-2009 12:07 PM

لسه امبارح خبطه طازه يعني
ماشي في شارع الشيخ غراب في حدايق القبه ومدي اشاره عشان داخل يوترن وشايف اللي ورايا فيرنا ماشي بنفس سرعتي واحنا الاتنين مش بنجري وبيننا مسافه كويسه
لحد هنا كويس
داخل اليوترن لقيت الباشا بيعمل ايه عاوز يعدي قبل مانا أدخل اليوترن
وانا كنت خلاص دخلت يعني هو لما وصللي خبط ببوز عربيته اليمين في باب السواق في عربيتي يعني كنت سيبني أكمل ياعم الغبي
لأ وايه ضيع مجهوده كله في دراع النور يعني لو كان ركز في الفرامل او انه يجي من ورايا مكناش خبطنا في بعض
هو عنده الأكصدام والرفرف اليمين اتشوهوا وانا عندي الباب اتطبق كله من تحت الأزاز بـ5 سنتي لحد الماسوره اللي تحت
وكلمتله النجده وفي الاخر اتصالحنا لما اعترف انه غلطان

**أبو إياد** · 29-07-2009 12:39 PM

سنه 2000
كنت بالـ 128 وفى اتجاهى لشبرا وفوق كوبرى الساحل اللى مابينورش ده

المهم كان معايا اخواتى الاتنين والساعه كانت حوالى 10 بالليل كده وكنت جايب بالعربيه 120 افترى بقا وطيش شباب
العربيه كان فى فى الارض فى الملف كده زيت على الارض المهم العربيه لقيتها بتعوم لغايه ما اتقلبت على جانبها الشمال وفضلت تلف وتخبط فى الرصيف اليمين شويه واللى فى النص شويه

ههههههههههههههههههههههههه ههههههههه:10D5C8~1107:

لغايه ماوقفت الشباك اللى جانبى تبص منه تلاقى الاسفلت وشرار طالع من احتكاك القايم بالارض بصراحه منظر كان بشع

اخواتى نزلوا من الشباك وانا فضلت قاعد فى العربيه زى ما انا مصدووووووووم

الناس عدلت العربيه

والواحد ركز شويه وفاق واتطمنت على اخواتى وكملنا المشوار بس على السمكرى عدل

الكوميديا بقا وانا باتصل بوالدى الله يرحمه واصدمه