بخصوص الفيرنا

**PAYOO** · 27-04-2007 04:31 PM

كود:

متشكر جدا يا ا.بايوو على الافادة 
وخلى بالك بأة لو لقيت فيرنا بيضه اكصدامها اللى ادام سايح وسايقها واحد بيدور على اى واحد راكب ماتريكس زى اللى فى الصورة فوق دى متبصش وراك وانطلق

الله الله الله هيه حكايه كده ؟؟
يا نهار أبيض
لا يعم أنا ماليش دعوه أ/سعيد هوه إللي أداك التيليفون

المشاركة الأصلية كتبت بواسطة DR_NO

متشكر جدا جدا يا ا.سعيد على الافادة وانا مش عارف والله من غيركو كنت هاعمل ايه وانا فعلا كلمته وهما موجودين عنده
اكرر شكرى تانى وربنا يوفقك دايما فى عمل الخير :arrow:

أهم حاجه تيجي تقولنا عملت أيه ؟؟ وتحكلنا على كل حاجه بالتفصيل عشان الناس التانيه تستفيد يا دكتور

**saied** · 27-04-2007 06:59 PM

المشاركة الأصلية كتبت بواسطة DR_NO

متشكر جدا جدا يا ا.سعيد على الافادة وانا مش عارف والله من غيركو كنت هاعمل ايه وانا فعلا كلمته وهما موجودين عنده
اكرر شكرى تانى وربنا يوفقك دايما فى عمل الخير :arrow:

الف مبروك مقدما اخى العزيز
وبعد ان تركبهم ياريت تكتب لنا تجربتك

تحياتى اخوكم سعيد

**Dr Ahmed** · 27-04-2007 08:36 PM

يا دأحمد
إهدا شوية الله يخليك

عايز تركبهم ليه أصلا؟ هى فين الشبورة الليلية اللى بنمشى فيها عشان اللف والتعب دا؟؟؟

فى رأيى: وفر فلوسك ووقتك والعربية فلة وجميلة بالفوانيس ومن غيرها واصبر شوية، انا عارف العربية لما بتكون لسه جديدة الواحد بيبقى عايز يركب لها جناحين تطير بيهم بس شوية شوية بتعرف ان البساطة أجمل شئ ، وساعات ناس مابيعرفوش الموضوع دا إلا من بعد مايبهدلوا العربية تعديلات بدون أى داعى..
(وبعدين: فين الورق؟؟ انا مستعجل يا د احمد والله)

**PAYOO** · 28-04-2007 07:01 AM

منور يا دكتور أحمد "ميتسوبيشي" ومنور يا دكتور أحمد "فيرنا"

أنا عاوز أقول حاجه مهمه فوانيس الشبوره أستخدامهم مش للشبوره فقط ... لا .... أنا عن نفسي لما بيكون جاي قصادي عربيه وأنا مشغل النور بطفيه وأشغل الشبوره عشان ما ضايقش إللي قدامي وفعلا هوه كمان بيطفي النور بتاعه عشان مايضايقنيش برضه

وكمان بيخللوا شكل العربيه كويس سواء شغالين او مطفيين

وعلى العموم يا دكتور أحمد "متسوبيشي" سيب الناس تسترزق هههههههههه

**abo3bdolrahman** · 28-04-2007 07:17 AM

أيوه بس فوانيس الشبورة ممكن تمشى بيهم بالليل و متنورش النور الواطى و بكده مش هادايق اللى جاى فى وشك.
و إن كنت ما اعرفش ليه الناس بتتضايق من النور مع إنهم بره بيمشوا بالنور العالى مش الواطى كمان! :D
:lol: 8) :lol:

**PAYOO** · 28-04-2007 07:39 AM

و إن كنت ما اعرفش ليه الناس بتتضايق من النور مع إنهم بره بيمشوا بالنور العالى مش الواطى كمان!

أزاي بقى يا "أبوعبدالرحمن" ؟؟ مابتضايقش أزاي ؟؟؟ !!!

يعني لو انا جاي في وشك على طول كده وفي شارع ضيق ومنور النور العالي مش هاتضايق ؟ ولو أنت متضايقتش هاتبقى شايف طريقك كويس ؟

وبعدين قوللي بره فين ؟؟؟ هما بره عندهم طرق ضيقه رايح جاي من غير جزيره في النص؟

**abo3bdolrahman** · 28-04-2007 09:26 AM

أيوه فى برة طرق ضيقة رايح جاى بدون جزيرة وسطى و ده شوفته فى دورماجن فى ألمانيا و دى بلد صغيرة تتبع دوسلدورف
و عندك أمريكا لازم تمشى منور النور العالى ليل و نهار القانون بيقول كده.
بس الفرق بقى الجوهرى إن عندهم الشوارع منورة بالليل كأنها نهار فالنور ما بيضايقش زى هنا.
و طبعا برده مش هتلاقى حد يديك زينون فى وشك فجأة فى الضلمة كأنه يعنى بينبهك زى الغباء اللى بيحصل عندنا يعنى عنيك بتكون متعودة على الإضائة أصلا.
:lol: 8) :lol:

**Ahmed R08** · 28-04-2007 02:01 PM

والله المنتدى منور يا استاذ بايو ويا م/ابو عبد الرحمن ويا د/احمد
وانا عن نفسى عايز اركب فوانيس الشبورة لسببين
الاول ان نور العربيه مش عاجبنى باليل خصوصا انى بمشى فى طرق سريعه دايما ومعظمها اضائته مش كويسه فقلت يمكن فوانيس الشبورة تساعد
ثانيا انهم زى ما قال ا.بايو لبخلو منظر العربيه كويس وانا بصراحه بهتم بمظهر عربيى جدا بس فى حدود البساطه مبحبش تكون حاجة اوفر اوى
وبالنسبه للنور فهو فعلا بيضايق جدا وانا بصراحه لما الاقى حد جاى فى وشى ومنور كل اللى رينا مديهوله من انوار فى العربيه والطريق مش مستاهل "مش بحترمه" لانه كدة بيأذى غيره ومن غير سبب وياما حوادث حصلت بسبب الموضوع دة
وربنا يحفظ الجميع
وبالنسبه لتجربتى لازم ان شاء الله هاقولها علشان الكل يستفيد بس لما اركبهم ان شاء الله"عندى امتحانات ادعوووولى"

ويا د.احمد بالنسبه للورق بعت لحضرتك على الخاص والله

وشكرااا للجميع :arrow:

**PAYOO** · 29-04-2007 08:18 AM

إن شاء الله تخلص أمتحاناتك على خير وبالنجاح بإذن الله

وأبوعبد الرحمن كلامه منطقي فعلا لو ان الشوارع منوره كويس قوي (ظهر على حد قوله) يبقى مافيش مشكله بس الظاهر إن اخونا المهندس أبوعبدالرحمن نسي أنه في مصر من كتر السفر