مشكله غريبه اول مره تحصل افيدونى بليز

**limo** · 21-10-2007 10:09 AM

المشاركة الأصلية كتبت بواسطة mazgangy

شكرا يا جماعه انا موضوع الرجه ده فعلا لان جات مياه على البوجيهات بس انا خد العربيه على الاتستوراد وعلى 130 ومشيت والعربيه بقيت تمام اما تغير زيت الفتيس عايز اعرف لازم توكيل والا حد يعرف مكان عنده الطبه وعايز اعرف هى مكانها فين بالظبط وشكرا

بخصوص مكان الطبه راجع رد كيمو فى نفس الموضوع ده

**mazgangy** · 22-10-2007 01:19 AM

يعنى يا جماعه مش محتاجه مفتاح للطبه علشان يغير زيت الفتيس زى ما قالى الراجل فى شيل ممكن اروحلوا واقلوا مكانها واقولوا انها بتتفك باليد واخليه يعملها والا ايه قولولى اصلى مش اعرف

**eng_mkhalaf** · 22-10-2007 02:54 PM

ممكن لو ولد صنيعى - يجيب أقرب مفتاح ليها - أصغر طبعا- ويحد لينات نحاس - شيمز- فى الجاب اللى فاضية ويحاول يفك بحرص - دية طريقة مشهورة بنستخدمها احيانا

**limo** · 22-10-2007 04:18 PM

روح غيره فى التوكيل احسن روح الميكانكيون العرب الى بعد السندباد

كلمهم الاول وشوف هيكلف كام لو حاجه بسيطه اعملوا عندهم على الاقل هتبقى مش قلقان

**mazgangy** · 22-10-2007 04:29 PM

تمام يا باشا ممكن طيب معلش عارف انى بتقل عليك رقم الميكانكيون العرب

**limo** · 22-10-2007 06:25 PM

http://www.nilemotors.net/Forum/viewtopic.php?t=1847

ده لينك مثبت بقسم الرينو لشاركى فيه اماكن الصيانه كلها

الميكانكيون العرب مش موجود نمرهم وانا للاسف الفواتير فى العربيه لو انت مستعجل كلم فرع المطقم وخذ منهم نمره الميكانيكون العرب

انا اول ما انزل العربيه هجبهالك

**kimo** · 22-10-2007 07:01 PM

يا استاذى مش محتاجة توكيل ولا مركز خدمة صدقنى اى صبى عرفه مكان الطبة هيفكها دة علشان تشوف مستوى الزيت مظبوط ولا لا اما لو عايز تغير الزيت كلة فدة موضوع تانى ودةاى ميكانيكى يعملها لان تفريغ الزيت القديم لة طريقتين الاولى وضع خرطوم فى فتحة الطبة التى ذكرت سابقا وسحب الزيت دة بواسطة جهاز عند بتوع تغيير الزيت وملو الزيت الجديد من نفس الفتحة
الطريقة الثانية فك العجلة شمال السائق ثم فك المساعد من اسفل فقط ثم فك 3 مسامير بتوع الكوبلن قليلا وسحب الكوبلن لالامام تجاة العجلة سينزل الزيت القديم وبعد كدة نربط ال3 مسامير ونزود الزيت من الطبة التى سبق ذكرها الى ان ينزل زيت منها

**limo** · 22-10-2007 10:01 PM

المشاركة الأصلية كتبت بواسطة kimo

يا استاذى مش محتاجة توكيل ولا مركز خدمة صدقنى اى صبى عرفه مكان الطبة هيفكها دة علشان تشوف مستوى الزيت مظبوط ولا لا اما لو عايز تغير الزيت كلة فدة موضوع تانى ودةاى ميكانيكى يعملها لان تفريغ الزيت القديم لة طريقتين الاولى وضع خرطوم فى فتحة الطبة التى ذكرت سابقا وسحب الزيت دة بواسطة جهاز عند بتوع تغيير الزيت وملو الزيت الجديد من نفس الفتحة
الطريقة الثانية فك العجلة شمال السائق ثم فك المساعد من اسفل فقط ثم فك 3 مسامير بتوع الكوبلن قليلا وسحب الكوبلن لالامام تجاة العجلة سينزل الزيت القديم وبعد كدة نربط ال3 مسامير ونزود الزيت من الطبة التى سبق ذكرها الى ان ينزل زيت منها

طب ممكن يا كيمو باشا تقوله على الراجل الى انت اتعملت معاه علشان ميرحشى لحد يعكله الدنيا

**mazgangy** · 22-10-2007 11:46 PM

اه يا كيمو لو امكن من فضلك

**kimo** · 24-10-2007 07:15 PM

بصراحة انا اللى عملتها بنفسى لانى مشرف ميكانيكا بس مش ميكانيكا سياراتودى سهلة بس مش انت اللى تعملها انا بقول لك على الخطوات الى الميكانيكى هيعملها علشان لو خرج عن هذة الخطوات يبقى بيعك وانت تنبهة وبعدين انا فى مدينة 6 اكتوبر
فية ميكانيكى بثق فيه وانا معاة والخطوات الى انا عملتها بنفسى دى اتعلمتها من مراكز خدمة رينو وموضوعك بسيط اى ميكانيكى يعرف يخلص الموضوع