مشكله غريبه اول مره تحصل افيدونى بليز

**mazgangy** · 20-10-2007 01:21 AM

النهارده روحت بنزينه شيل اغير زيت فتيس الرينو كليو قالى مش بيغيرو للعربيه دى استغربت وانا ماشى شويه لقيت جمبيها بنزينه اول مره اتعامل معاها اسمها مصر للبترول دخلت قالى نفس المعلومه فقولت اغسل العربيه وفعلا غسلت غسيل كامل مفيش مشاكل وروحت العربيه تمام طول الطريق نزلت بقى بليل اول مدورت العربيه فيها رجه غريبه بتترج وطول ما انا ماشى كده قياريت اعرف ده من ايه واغير زيت فتيسها منين

**mazgangy** · 20-10-2007 02:18 AM

ايه يا جماعه هى مشكله صعبه اوووى كده كل ديه ناس شافت الموضوع وولا واحد رد هى المشكله دى صعبه اووووى والا ايه عايز افهم!!

**pcegypt** · 20-10-2007 03:21 AM

الاخ الكريم ، معظم السيارات الجديدة تستخدم زيت فتيس لزوجة 80/90 والغريبة انه مابيبقاش متوفر دايما ، عموما لو مالقيتش في شل جرب محطات موبيل وخلي بالك كمان ان ممكن يكون سبب عدم تغيير الزيت ان المحطة مافيهاش مفتاح الطبه (وده على فكره بيحصل كتير) ، وبالتوفيق.

تحياتي

**hazem_khidr** · 20-10-2007 06:29 AM

نزلت بقى بليل اول مدورت العربيه فيها رجه غريبه بتترج وطول ما انا ماشى كده قياريت اعرف ده من ايه

اكيد في ميه جات علي البوجيهات هيا اللي العربيه بترجرج و الحل انك تاخدها مشوار كده علي الدئري تنشف او بمسدس الهوا تنشف موتور العربيه ولو دا ما نفعش يبقي فك البوجيهات نشفها كويس و العربيه باذن الله حتبقي كويسه.

**eng_mkhalaf** · 20-10-2007 02:43 PM

فعلا ممكن يكون مفتاح الطبة مش معاهم جرب كدة محطة امارات مصر اللى على الدائرى

**hatem_badawe** · 20-10-2007 02:46 PM

البوجيهات ودي حركة بضايق اوي

**kimo** · 20-10-2007 08:40 PM

اولا مسالة الرجة دى لا تغسل الموتور مرة تانيةودى فية سوكتات حساسات جة عليها مية ودى نفخة هواء كويسة تتحل المشكلةخاصة حساس السلانسية وحساس المانفولد اما بخصوص تغيير زيت الفيتس فية طبة(عصفورة) بلغة الورش على يمين الموتور وانت واقف امام الكبوتتحت مقياس زيت الموتور ودى بتتفك بالايد لانها بلاستيك

**limo** · 20-10-2007 11:16 PM

انا مره زودت الزيت فى التوكيل عادى واعتقد ان طلما الزيت بتزود ممكن تغيره عادى
كلم التوكيل واسأل
الرجه ممكن تكون من حاجه تانيه مش شرط الفتيس

**mazgangy** · 21-10-2007 12:20 AM

شكرا يا جماعه انا موضوع الرجه ده فعلا لان جات مياه على البوجيهات بس انا خد العربيه على الاتستوراد وعلى 130 ومشيت والعربيه بقيت تمام اما تغير زيت الفتيس عايز اعرف لازم توكيل والا حد يعرف مكان عنده الطبه وعايز اعرف هى مكانها فين بالظبط وشكرا

**أبو عبدالله** · 21-10-2007 01:01 AM

شكرا يا جماعه انا موضوع الرجه ده فعلا لان جات مياه على البوجيهات بس انا خد العربيه على الاتستوراد وعلى 130 ومشيت والعربيه بقيت تمام

بس خلي بالك انها بعد فتره ممكن تعملها تاني لأن الميه اللي بتبقى على الأماكن دي لما بتتبخر بتعمل زي ملوحه وترطيب كده فبعد فتره وتركمه ممكن يعمل عازل
فلو حصل اي شئ من ده تاني ابقى عارف الكلام ده