نصيحة بخصوص الاكسارا

**madda7** · 04-10-2009 03:00 PM

السلام عليكم يا شباب

انا عندي استفسار لو سمحتم
الاكسارا 2 تبتدي من موديل سنه كام ؟
وهل هناك فرق بين اكسارا واكسارا بيكاسو؟ وايه الفرق وانهي احسن؟
ولو عاوز اجيب مستعمل اكشف على العربية فين عشان اطمن على حالتها؟
بصراحة انا بدور على عربية اعتمادية كبيرة ومتفتحش بقها كل شوية

**ahmedghalwash** · 07-10-2009 02:07 AM

السلام عليكم-السيارة xara2تبدا من فبراير2002وهي تختلف من حيث الشكل الخارجي عن السيارة xarapicasoوتتشابه في نفس المحرك ال1600n7مع العلم انه يوجد بيكاسو2000ccبنفس محرك d9بيجو406-2003-------,يجب اضافة ان قطع غيار بيكاسو نادرة......ويمكنك البحث في الوسيط او المعارف والاتصال بي وساقوم بالكشف عليها وافادتك مجانا باذن الله----........................

**madda7** · 07-10-2009 09:07 PM

جزاك الله خير يا ابو حميد
وربنا يكرمك
انا لسه هبتدي ادور على اكسارا موديل ما بعد 2002 وربنا يسهل والاقي واحدة حلوه بسعر كويس
انت رأيك ايه في العربية فعلا تستحمل ويعتمد عليها

ربنا يوفق

**sharposama** · 18-10-2009 11:38 AM

المشاركة الأصلية كتبت بواسطة fepsceasar

بالمناسبة العربية اكسارا 1 انا كنت بفكر فى اكسارا2 بس النصيب هى بينى وبينكم العربية لاقيت حالتها محترمة فقولت ماشيها 1

اخي العزيز السلام عليكم انا امامي اكسارا 1 عاملة 145000 موديل 2001 ورشه خارجي ما عدا السقف اريد معرفة رايك في الاكسارا عامة وما هي مشاكلها البعض بيخوفني لان بيها كومبيوتر وحساسات وما الفارق بين اكسارا 1 واكسارا 2.
وشكرا
اسامة احمد
مدينة نصر

**sharposama** · 04-11-2009 09:31 AM

السلام عليكم
عنتدي سؤال ايها الاخوة بالنسبة للاكسارا هل يمكن تغيير جلب المقصات بدلا من تغيير المقصات كلها بالنسبة للعفشة ولكم جزيل الشكر.
مع تحيايت
ااسمة احمد

**elghrory** · 19-11-2009 12:00 PM

طبعا فى أى عربية ممكن تغير الجلب فقط
وبالنسبة للكمبيوتر لا قلق موجود فى جميع العربيات الحديثة

**hamadaelrewsh2010** · 28-11-2009 01:50 PM

انا كان معايا اكسارا اتوماتيك اقسم بالله العربيه جايب بيها 190 وتقيلة جدا علي الطريق ومافيش اي عيوب فيها انا العيب الوحيد اللي قابلني مؤشر البنزين كان بايظ ظبطو ب30 جنيه بس وماعملتش فيها اي حاجه تانيه غير اني بغيرلها زيت غير كده مافيش حاجه عاملتها فيها وعفشتها تحفة اصلا ومافيهاش اي مشكله خالص والسحب بتاعها جامد جدا وفي شداده في الماتور وفيها اوبشن كتير باور سنتر تكيف ازاز كهرباء قدام شداده في الماتور الطاره مالتيس فاكشن يعني بتعلي وتوطي منها الكاسيت واتنين طابلوة وفي مخدع ععند الببان اللي قدام م دخل نص ايدك مثلا مخدع كبير جدا وتسبيت سرعة وتربو وينفع تعملها مانيوال واتوماتيك وككيتين في دواسه البنزين يعني الفتيس بتعها ستيب ترونيك اتوماتيك ومانيوال في نفس الوقت والشنطه بتاعتها كبيرة جدا وفعلن عربيه مالهاش حل وقطع غيارها موجوده علي فكره ورخيصة مش غاليه يعني وفي واحد في مدينة نصر قدام جمعيه الوفاء والامل اللي قبل جامع السلام اللي مابين السابع والعاشر واحد بيصلح فرنساوى بس ستروين وبيجو ورينو بجد ي جماعة العربيه دي مافيهاش اي مشكله واللهي وجامده جدا

**hdhdhamam** · 08-12-2009 10:32 AM

شكرا لصاحب هذا الموضوع
واحب اقول انني اشتريت فتيس استيراد الخارج مانيوال بمبلغ 650 جنيه فقط لا غير للسيارة الاكسارا 2001 وهذا احسن من اصلاح الفتيس وكان ذلك السعر مفاجئة سعيدة جدا ولا في الخيال
لذلك ارجوا الجميع عدم الانسياق وراء اشاعات اصحاب السيارات ذات المركات التعبانة وهي زيرو
ولكم مني خالص التقدير